താത്പര്യമുള്ള ഉദ്യോഗാർത്ഥികൾക്ക് upsc.gov.in യുപിഎസ്‍സിയുടെ ഔദ്യോഗിക വെബ്സൈറ്റ് വഴി അപേക്ഷ സമർപ്പിക്കാം. 2022 ജനുവരി 27 ആണ് അപേക്ഷ സമർപ്പിക്കാനുള്ള അവസാന തീയതി.
ദില്ലി: യൂണിയൻ പബ്ലിക് സർവ്വീസ് കമ്മീഷൻ (union public service commission) 78 ജൂനിയർ മൈനിംഗ് ജിയോളജിസ്റ്റ്, അഡ്മിനിസ്ട്രേറ്റീവ് ഓഫീസർ, മറ്റ് ഒഴിവുകൾ എന്നീ തസ്തികകളിലേക്ക് (apply now) അപേക്ഷ ക്ഷണിച്ചു. താത്പര്യമുള്ള ഉദ്യോഗാർത്ഥികൾക്ക് upsc.gov.in യുപിഎസ്‍സിയുടെ ഔദ്യോഗിക വെബ്സൈറ്റ് വഴി അപേക്ഷ സമർപ്പിക്കാം. 2022 ജനുവരി 27 ആണ് അപേക്ഷ സമർപ്പിക്കാനുള്ള അവസാന തീയതി.
അസിസ്റ്റന്റ് എഡിറ്റര്‌ (ഒറിയ) -1, അസിസ്റ്റന്റ് ഡയറക്ടർ (കോസ്റ്റ്) -16, എക്കണോമിക് ഓഫീസർ - 4, ലക്ചറർ- 4, മെക്കാനിക്കൽ മറൈൻ എഞ്ചിനീയർ - 1, അഡ്മിനിസ്ട്രേറ്റീവ് ഓഫീസർ - 1, സയന്റിസ്റ്റ് ബി - 2, കെമിസ്റ്റ് - 5, ജൂനിയർ മൈനിംഗ് ജിയോളജിസ്റ്റ് - 36, റിസർച്ച് ഓഫീസർ - 1, അസിസ്റ്റന്റ് ഓഫീസർ - 7 എന്നിങ്ങനെയാണ് ഒഴിവുകളുടെ വിശദവിവരങ്ങൾ.
undefined
ഉദ്യോഗാർത്ഥികൾ 25 രൂപ ഫീസ് അടയ്‌ക്കേണ്ടതാണ്. എസ്ബിഐയുടെ ഏതെങ്കിലും ശാഖയിൽ പണമായോ അല്ലെങ്കിൽ എസ്ബിഐയുടെ നെറ്റ് ബാങ്കിംഗ് സൗകര്യം ഉപയോഗിച്ചോ വിസ/മാസ്റ്റർ ക്രെഡിറ്റ്/ഡെബിറ്റ് കാർഡ് ഉപയോഗിച്ചോ മാത്രം ഫീസടക്കാം. SC/ST/PwBD/വനിതാ ഉദ്യോഗാർത്ഥികൾക്ക് ഫീസില്ല. ജനറൽ/ഒബിസി/ഇഡബ്ല്യുഎസ് പുരുഷ ഉദ്യോഗാർത്ഥികൾക്ക് "ഫീസ് ഇളവ്" ലഭ്യമല്ല. കൂടാതെ അവർ മുഴുവൻ നിശ്ചിത ഫീസും അടയ്‌ക്കേണ്ടതുണ്ട്. നിശ്ചിത ഫീസ് കൂടാതെയുള്ള അപേക്ഷകൾ പരിഗണിക്കുകയില്ല. ജനുവരി 27 വരെ അപേക്ഷ സമർപ്പിക്കാം. ജനുവരി 28 വരെ അപേക്ഷയുടെ പ്രിന്റൗട്ട് എടുക്കാം.