ചൈനീസ് സ്‍മാർട്ട്‌ഫോൺ നിർമ്മാതാക്കളായ ഷവോമി തങ്ങളുടെ ആദ്യത്തെ ഇലക്ട്രിക് YU7 എസ്യുവി പുറത്തിറക്കി. ചൈനീസ് വിപണിയിൽ വിൽക്കുന്ന ടെസ്‌ല മോഡൽ വൈയുമായി ഈ ഇലക്ട്രിക് കാർ നേരിട്ട് മത്സരിക്കും.
ചൈനീസ് ടെക് കമ്പനിയായ ഷവോമി തങ്ങളുടെ ആദ്യത്തെ ഇലക്ട്രിക് YU7 എസ്യുവി പുറത്തിറക്കി. ഈ ഇലക്ട്രിക് വാഹനം ലോകത്തിലെ ഏറ്റവും വലിയ മൂന്നാമത്തെ സ്‍മാർട്ട്‌ഫോൺ നിർമ്മാതാക്കളുടെ എസ്യുവി സെഗ്‌മെൻ്റിലേക്കുള്ള മുന്നേറ്റത്തെ അടയാളപ്പെടുത്തുന്നു. 2025ൽ ഇത് ചൈനയിൽ ലഭ്യമാകുമെന്ന് ഷവോമി അറിയിച്ചു. അടുത്ത വർഷം ജൂൺ അല്ലെങ്കിൽ ജൂലൈ മാസങ്ങളിൽ കമ്പനിക്ക് ഈ കാർ ചൈനീസ് വിപണിയിൽ അവതരിപ്പിക്കാൻ കഴിയുമെന്നാണ് വിവരം. ചൈനീസ് വിപണിയിൽ വിൽക്കുന്ന ടെസ്‌ല മോഡൽ വൈയുമായി ഈ ഇലക്ട്രിക് കാർ നേരിട്ട് മത്സരിക്കും.
ഇന്ത്യയിൽ ഒന്നിലധികം തവണ പ്രദർശിപ്പിച്ച ബ്രാൻഡിൻ്റെ SU7 ഇലക്ട്രിക് സെഡാനൊപ്പം ഷവോമി YU7 ചേരും. SU7 സെഡാൻ നിലവിൽ ചൈനീസ് വിപണിയിൽ വിൽപ്പനയ്ക്കുണ്ട്. ഇത് 2024 മാർച്ചിൽ ലോഞ്ച് ചെയ്യുകയും വാങ്ങുന്നവരിൽ നിന്ന് നല്ല പ്രതികരണം നേടുകയും ചെയ്തു. ഷവോമിയുടെ YU7 ഇലക്ട്രിക് എസ്‌യുവിയുടെ രൂപകൽപ്പനയെക്കുറിച്ച് പറയുമ്പോൾ, ഇതിന് മനോഹരമായി രൂപകൽപ്പന ചെയ്ത ചക്രങ്ങളുണ്ട്, അത് അതിൻ്റെ രൂപത്തെ കൂടുതൽ സ്റ്റൈലിഷ് ആക്കുന്നു. ഷവോമി SU7-ന് സമാനമായ എൽഇഡി ടെയിൽ ലാമ്പുകൾ അതിൻ്റെ പിൻഭാഗത്ത് സ്ഥാപിച്ചിട്ടുണ്ട്. ഷവോമി SU7 ന് ഏകദേശം അഞ്ച് മീറ്റർ നീളമുണ്ട്. ഇത് ഒരു പ്രീമിയം സെഡാൻ ആണ്. അതേസമയം ടോപ്പ് എൻഡ് വേരിയൻ്റിന് ഇരട്ട മോട്ടോർ സജ്ജീകരണമുണ്ട്. 101 kWh ൻ്റെ വലിയ ക്വിലിൻ ബാറ്ററി പായ്ക്കാണ് ഇതിനുള്ളത്.
ഷവോമി YU7 എസ്യുവി ഒരു ഡ്യുവൽ-മോട്ടോർ സജ്ജീകരണത്തോടെയാണ് വാഗ്ദാനം ചെയ്യുന്നത്. 691hp യുടെ സംയോജിത ഔട്ട്പുട്ട് നൽകുന്നു. ഉയർന്ന സ്‌പെക്ക് എസ്‌യു 7 ൻ്റെ 673 എച്ച്‌പി മാക്‌സ് വേരിയൻ്റിനേക്കാൾ ശക്തമായ ഈ സജ്ജീകരണത്തിന് 2,405 കിലോഗ്രാം (കർബ് വെയ്‌റ്റ്) എസ്‌യുവിയെ മണിക്കൂറിൽ 253 കിലോമീറ്റർ വേഗതയിലേക്ക് കൊണ്ടുപോകാൻ കഴിയും. എസ്‌യു7 മാക്‌സിന് ഏകദേശം 200 കിലോഗ്രാം ഭാരം കുറവാണ്.കൂടാതെ മണിക്കൂറിൽ 265 കിലോമീറ്റർ വേഗത കൈവരിക്കും.
ഒരു തവണ ഫുൾ ചാർജ് ചെയ്താൽ ഏകദേശം 800 കിലോമീറ്റർ റേഞ്ച് ഈ വാഹനം നൽകുന്നു. ഡ്യുവൽ മോട്ടോർ സജ്ജീകരണത്തോടെ ഈ കാർ പരമാവധി 600 ബിഎച്ച്പി പവർ ഉത്പാദിപ്പിക്കും. SU7-ൻ്റെ എൻട്രി ലെവൽ RWD വേരിയൻ്റിൽ LFP-കെമിസ്ട്രി ബാറ്ററികൾ ഉപയോഗിക്കുന്നു. ടൂ-വീൽ ഡ്രൈവ് പതിപ്പ് ലഭ്യമാക്കിയാൽ ഷവോമി YU7-ലും ഇതേ യൂണിറ്റ് ഉപയോഗിച്ചേക്കും. ഇന്ത്യയിലേക്ക് വരുമ്പോൾ, ഈ കാർ ബിവൈഡി സീലുമായി മത്സരിക്കാം. ഷവോമിയുടെ ഈ ഇലക്ട്രിക് കാറിന് റേഞ്ചും പവറും ഉള്ള ഒരു സ്വൂപ്പി ഡിസൈൻ നൽകിയിരിക്കുന്നു.
undefined
അതേസമയം ഈ ഇലക്ട്രിക് കാർ ഇന്ത്യൻ വിപണിയിൽ അവതരിപ്പിക്കാൻ ഷവോമിക്ക് നിലവിൽ പദ്ധതിയില്ല എന്നാണ് റിപ്പോർട്ടുകൾ. കമ്പനിയുടെ പ്രാരംഭ ശ്രദ്ധ ആദ്യം ചൈനീസ് വിപണിയിലായിരിക്കും. അതിനുശേഷം മാത്രമേ ഇത് ആഗോളതലത്തിൽ അവതരിപ്പിക്കൂ.