XUV 3XO സബ്‌കോംപാക്റ്റ് എസ്‌യുവിയുടെ ഇലക്ട്രിക് പതിപ്പുമായി മഹീന്ദ്ര. വരാനിരിക്കുന്ന ഈ ഇവി ടാറ്റ നെക്സോൺ ഇവിയുടെ നേരിട്ടുള്ള എതിരാളിയായിരിക്കും.
2024 ഡിസംബറോടെ മഹീന്ദ്ര ആൻഡ് മഹീന്ദ്ര പുതിയ ഇലക്ട്രിക് എസ്‌യുവികളുടെ ഒരു ശ്രേണി ആസൂത്രണം ചെയ്തിട്ടുണ്ട്. കൂടാതെ, കമ്പനി മഹീന്ദ്ര XUV 3XO സബ്‌കോംപാക്റ്റ് എസ്‌യുവിയുടെ ഇലക്ട്രിക് പതിപ്പും ഒരുക്കുന്നു. ഈ വരാനിരിക്കുന്ന ഇവി ടാറ്റ നെക്സോൺ ഇവിയുടെ നേരിട്ടുള്ള എതിരാളിയായിരിക്കും. അതിൻ്റെ മുൻനിര വകഭേദങ്ങൾ MG ZS ഇവിയുടെ താഴ്ന്ന ട്രിമ്മുകളുമായി മത്സരിക്കും. XUV 3OO ഇവിക്ക് തീർച്ചയായും അതിൻ്റെ ഐസിഇ പതിപ്പിനേക്കാൾ പ്രീമിയം വില ലഭിക്കും. ഇതിന് നിലവിൽ എക്‌സ് ഷോറൂം വില 7.79 ലക്ഷം രൂപ മുതൽ 15.49 ലക്ഷം രൂപ വരെയാണ്.
ഐസിഇ പവർ ചെയ്യുന്ന XUV 3XO-യുമായി താരതമ്യപ്പെടുത്തുമ്പോൾ, മഹീന്ദ്ര XUV 3XO ഇവി അൽപ്പം വ്യത്യസ്തമായി കാണപ്പെടും. ക്യാബിനിനുള്ളിൽ കുറച്ച് ഇവി അനുസൃത ഘടകങ്ങൾ വഹിക്കുകയും ചെയ്യും. ഇതിൻ്റെ രൂപകൽപ്പനയെക്കുറിച്ച് പറയുമ്പോൾ അടച്ച ഗ്രില്ലും ഫ്രണ്ട് ഫെൻഡറിൽ ചാർജിംഗ് പോർട്ടും ഉണ്ടായിരിക്കും എന്നതാണ്. മേൽക്കൂരയിലെ കോപ്പർ ട്രീറ്റ്‌മെൻ്റും കോപ്പർ ബാഡ്ജിംഗും അതിൻ്റെ ഇലക്ട്രിക്ക് സ്വഭാവത്തെ എടുത്തുകാണിക്കും. അലോയ് വീലുകൾ, കണക്റ്റുചെയ്‌ത എൽഇഡി ടെയിൽലാമ്പുകൾ തുടങ്ങിയവ ഉൾപ്പെടെ, മിക്ക ഡിസൈൻ ഘടകങ്ങളും അതിൻ്റെ ഐസിഇ പതിപ്പിന് സമാനമായിരിക്കും.
അകത്ത്, മഹീന്ദ്ര XUV 3XO EV-ക്ക് വൈറ്റ് സീറ്റ് അപ്‌ഹോൾസ്റ്ററിക്കൊപ്പം ഡ്യുവൽ-ടോൺ വൈറ്റ്, ബ്ലാക്ക് തീം ഉണ്ടായിരിക്കും. വയർലെസ് ആൻഡ്രോയിഡ് ഓട്ടോ, ആപ്പിൾ കാർപ്ലേ എന്നിവയെ പിന്തുണയ്ക്കാൻ സാധ്യതയുള്ള ഫ്രീ-സ്റ്റാൻഡിംഗ് 10.25-ഇഞ്ച് ടച്ച്‌സ്‌ക്രീൻ ഇൻഫോടെയ്ൻമെൻ്റ് സിസ്റ്റം മധ്യ ഘട്ടം എടുക്കും. 10.25 ഇഞ്ച് ഡിജിറ്റൽ ഡ്രൈവർ ഡിസ്‌പ്ലേ, പനോരമിക് സൺറൂഫ്, ഡ്യുവൽ സോൺ ഓട്ടോമാറ്റിക് എസി, വയർലെസ് ഫോൺ ചാർജർ തുടങ്ങിയ ഫീച്ചറുകളും ഉണ്ടായിരിക്കും.
അതേസമയം ഈ വരാനിരിക്കുന്ന മഹീന്ദ്ര ഇലക്ട്രിക് എസ്‌യുവിയുടെ സ്പെസിഫിക്കേഷനുകൾ ഇപ്പോഴും വ്യക്തമല്ല. എങ്കിലും, 34.5kWh, 39.4kWh ബാറ്ററി പാക്കുകളും ഫ്രണ്ട് ആക്‌സിൽ ഘടിപ്പിച്ച ഇലക്ട്രിക് മോട്ടോറുമായി വരുന്ന XUV400 EV-യുമായി അതിൻ്റെ പവർട്രെയിനുകൾ പങ്കിടാൻ സാധ്യതയുണ്ട്. ഇ-മോട്ടോർ 150 bhp കരുത്തും 310 Nm torque ഉം ഉത്പാദിപ്പിക്കുന്നു. 34.5kWh ബാറ്ററി 375km റേഞ്ച് വാഗ്ദാനം ചെയ്യുമെന്ന് അവകാശപ്പെടുന്നു, അതേസമയം 39.4kWh ബാറ്ററി 456km വാഗ്ദാനം ചെയ്യുന്നു.