നിർദിഷ്‍ട സ്ക്രാപ്പേജ് സെന്‍ററിന് ഒരു വർഷം 35,000 വാഹനങ്ങൾ വരെ റീസൈക്കിൾ ചെയ്യാനുള്ള ശേഷിയുണ്ടാകും എന്നും കമ്പനി പറയുന്നു.
ഇന്ത്യയിലെ ഏറ്റവും വലിയ വാണിജ്യ വാഹന നിർമ്മാതാക്കളായ ടാറ്റ മോട്ടോഴ്സ് (Tata Motors), രജിസ്റ്റേർഡ് വെഹിക്കിൾ സ്‌ക്രാപ്പിംഗ് ഫെസിലിറ്റി സ്ഥാപിക്കുന്നതിനായി മഹാരാഷ്ട്ര സംസ്ഥാന സര്‍ക്കാരുമായി കൈകോര്‍ക്കുന്നു. മഹാരാഷ്ട്ര ആർ വി എസ് എഫ് ന്‍റെ പിന്തുണയുമായി മഹാരാഷ്ട്ര ഗവൺമെന്‍റ് വ്യവസായം, ഊർജം, തൊഴിൽ വകുപ്പ് എന്നിവ മുഖേന മഹാരാഷ്ട്ര സർക്കാരുമായി ഇതു സംബന്ധിച്ച് ധാരണാപത്രം ഒപ്പുവച്ചതായി കമ്പനി വാര്‍ത്താക്കുറിപ്പില്‍ അറിയിച്ചു.
പൊളിക്കല്‍ നയത്തിന് കയ്യടിച്ച് വണ്ടിക്കമ്പനികള്‍!
undefined
മുംബൈയിൽ നടന്ന ഹൈവേ, ഗതാഗതം, ലോജിസ്റ്റിക്സ് എന്നിവയിലെ നിക്ഷേപ അവസരങ്ങളെക്കുറിച്ചുള്ള കോൺഫറൻസിൽ, കേന്ദ്ര റോഡ് ഗതാഗത, ഹൈവേ മന്ത്രി നിതിൻ ഗഡ്‍കരിയുടെയും മറ്റ് പ്രതിനിധികളുടെയും സാന്നിധ്യത്തിലാണ് ധാരണാപത്രം ഒപ്പുവച്ചത്. നിർദിഷ്‍ട സ്ക്രാപ്പേജ് സെന്‍ററിന് ഒരു വർഷം 35,000 വാഹനങ്ങൾ വരെ റീസൈക്കിൾ ചെയ്യാനുള്ള ശേഷിയുണ്ടാകും എന്നും കമ്പനി പറയുന്നു.
മാരുതിയുടെ വണ്ടി പൊളിക്കല്‍ കേന്ദ്രം തുറന്ന് കേന്ദ്രമന്ത്രി
മഹാരാഷ്ട്ര സംസ്ഥാന സർക്കാരിന്‍റെ നിയമങ്ങളും ചട്ടങ്ങളും, RVSF സ്ഥാപിക്കുന്നതിനായി റോഡ് ഗതാഗത, ഹൈവേ മന്ത്രാലയം (MoRTH) പുറത്തിറക്കിയ ഡ്രാഫ്റ്റ് വെഹിക്കിൾ സ്ക്രാപ്പേജ് നയമനുസരിച്ച് ആവശ്യമായ അനുമതികൾ സുഗമമാക്കുന്നതിന് വ്യവസായങ്ങൾ, ഊർജം, തൊഴിൽ വകുപ്പ് എന്നിവ പിന്തുണയ്‌ക്കും. സ്ക്രാപ്പിനും ക്രൂഡ് ഓയിലിനുമുള്ള കുറഞ്ഞ ഇറക്കുമതി ബില്ല്, എംഎസ്എംഇകൾക്കുള്ള തൊഴിലവസരങ്ങൾ, ഒഇഎമ്മുകൾക്കുള്ള പുതിയ വാഹന വിൽപ്പനയിൽ തലകീഴായി മാറാനുള്ള സാധ്യത, വാഹന ഉടമകൾക്ക് കുറഞ്ഞ പ്രവർത്തനച്ചെലവ്, ഉപഭോക്താക്കൾക്ക് സുരക്ഷിതവും വൃത്തിയുള്ളതുമായ വാഹനങ്ങൾ തുടങ്ങിയ ആനുകൂല്യങ്ങളുള്ള എല്ലാ പങ്കാളികളുടെയും ഉദ്ദേശത്തെ ഇത് അഭിസംബോധന ചെയ്യും.
ചൈന മുതല്‍ റഷ്യ വരെ; പണ്ടുപണ്ടേ ഈ രാജ്യങ്ങളില്‍ വണ്ടി പൊളിക്കല്‍ തുടങ്ങിയിരുന്നു!
എല്ലാവർക്കും സുസ്ഥിരമായ അന്തരീക്ഷവും വാഗ്ദാനം ചെയ്യുന്നു. അഹമ്മദാബാദിൽ രജിസ്റ്റർ ചെയ്‍ത വെഹിക്കിൾ സ്‌ക്രാപ്പിംഗ് ഫെസിലിറ്റി (ആർ‌വി‌എസ്‌എഫ്) സ്ഥാപിക്കുന്നതിനായി ടാറ്റ മോട്ടോഴ്സ് നേരത്തെ ഗുജറാത്ത് സർക്കാരുമായി ധാരണാപത്രം ഒപ്പുവെച്ചിരുന്നു, കൂടാതെ വാഹന സ്ക്രാപ്പേജ് നയത്തെ പിന്തുണയ്‌ക്കുന്നതിന് മറ്റ് സർക്കാർ സ്ഥാപനങ്ങളുമായി കൂടുതൽ സംരംഭങ്ങളുമായി പ്രവർത്തിക്കുന്നത് തുടരുകയും ചെയ്യും എന്നും കമ്പനി അറിയിച്ചു.
ഈ വണ്ടികള്‍ രജിസ്റ്റര്‍ ചെയ്യണമെങ്കില്‍ ഇനി കീശ കീറും, ഇതാ അറിയേണ്ടതെല്ലാം!
അതേസമയം രാജ്യത്തെ ഒന്നാം നിര വാഹന നിർമാതാക്കളായ മാരുതി സുസുക്കി തങ്ങളുടെ ആദ്യത്തെ വാഹന പൊളിക്കൽ കേന്ദ്രം അടുത്തിടെ തുറന്നിരുന്നു. ടൊയോട്ട സുഷോ ഗ്രൂപ്പിനോടൊപ്പം ചേർന്നാണ് സർക്കാർ അംഗീകരിച്ച ആദ്യ സ്‌ക്രാപ്പിംഗ്, റീസൈക്ലിംഗ് സൗകര്യം എൻഡ് ഓഫ് ലൈഫ് വെഹിക്കിൾ നോയിഡയിൽ മാരുതി സുസുക്കി ആരംഭിച്ചത്. കേന്ദ്ര റോഡ് ഗതാഗത മന്ത്രി നിതിൻ ഗഡ്‍കരിയാണ് ഈ സർക്കാർ അംഗീകൃത വാഹന സ്‌ക്രാപ്പിംഗ് ആൻഡ് റീസൈക്ലിംഗ് സൗകര്യം ദ്ഘാടനം ചെയ്‍തത്. 44 കോടി രൂപ മുതൽമുടക്കിൽ നിർമ്മിച്ച ഈ വാഹന സ്ക്രാപ്പേജ് സൗകര്യം കേന്ദ്രത്തിന്റെ വാഹന സ്ക്രാപ്പേജ് പോളിസി അനുസരിച്ചാണ് പ്രവര്‍ത്തിക്കുന്നത്. ഈ സൗകര്യത്തിന് പ്രതിവർഷം 24,000-ലധികം ELV-കൾ സ്‌ക്രാപ്പ് ചെയ്യാനും റീസൈക്കിൾ ചെയ്യാനും കഴിയും.
22 ലക്ഷം വണ്ടികള്‍ കേരളത്തിൽ മാത്രം ഉടന്‍ പൊളിയും, ഇക്കൂട്ടത്തില്‍ നിങ്ങളുടേതും ഉണ്ടോ?!
ഈ വർഷം ഓഗസ്റ്റിൽ പ്രധാനമന്ത്രി നരേന്ദ്ര മോദി ദേശീയ ഓട്ടോമൊബൈൽ സ്ക്രാപ്പേജ് പോളിസി പുറത്തിറക്കിയിരുന്നു. കേന്ദ്ര മോട്ടോർ വെഹിക്കിൾസ് (23-ാം ഭേദഗതി) നിയമം 2021 എന്ന ദേശീയ വാഹന സ്ക്രാപ്പേജ് നയം 2022 ഏപ്രിൽ 1 മുതൽ പ്രാബല്യത്തിൽ വരും. പഴയതും അനുയോജ്യമല്ലാത്തതുമായ വാഹനങ്ങൾ ഘട്ടംഘട്ടമായി നിർത്തലാക്കുന്ന വൊളെണ്ടറി വാഹന സ്‌ക്രാപ്പിംഗ് നയം അനുസരിച്ച്, വ്യക്തിഗത വാഹനങ്ങൾക്ക് 20 വർഷത്തിന് ശേഷം ഓട്ടോമേറ്റഡ് കേന്ദ്രങ്ങളിൽ ഫിറ്റ്‌നസ് പരിശോധന നിർബന്ധമാക്കും. വാണിജ്യ വാഹനങ്ങൾ 15 വർഷത്തിനുശേഷം പരിശോധനയ്ക്ക് വിധേയമാകും. സ്വകാര്യ വാഹനങ്ങൾക്ക് 20 വർഷവും വാണിജ്യ വാഹനങ്ങൾക്ക് 15 വർഷവുമാണ് ഓട്ടോമേറ്റഡ് ഫിറ്റ്‌നസ് ടെസ്റ്റ് നടത്തുന്നതിന് പോളിസി പരിധി നിശ്ചയിച്ചിരിക്കുന്നത്. ഇത്തരം പഴയ വാഹനങ്ങൾ റദ്ദാക്കാൻ ഉടമകൾ തീരുമാനിക്കുകയാണെങ്കിൽ, പുതിയ വാഹനം വാങ്ങുമ്പോൾ 5 ശതമാനം ഇൻസെന്റീവ് നൽകും.
പൊളിയുമോ സെക്കന്‍ഡ് ഹാന്‍ഡ് വണ്ടിക്കച്ചവടം? ഇല്ലാതാകുമോ യൂസ്‍ഡ് കാര്‍ വിപണി?