2024 മാർച്ചിൽ മികച്ച ഡീലുകളും കിഴിവുകളും വാഗ്ദാനം ചെയ്‍ത് സ്‌കോഡയും ഫോക്‌സ്‌വാഗണും.
2024 മാർച്ചിൽ മികച്ച ഡീലുകളും കിഴിവുകളും വാഗ്ദാനം ചെയ്‍ത് സ്‌കോഡയും ഫോക്‌സ്‌വാഗണും. ടൈഗൺ, വിർറ്റസ് എന്നിവയ്ക്ക് ആകർഷകമായ ആനുകൂല്യങ്ങൾ ലഭിച്ചതിനാൽ കമ്പനി മികച്ച കിഴിവുകൾ വാഗ്ദാനം ചെയ്യുന്നു. മാർച്ച് മാസത്തിൽ, 60,000 രൂപ ക്യാഷ് കിഴിവോടെ ടൈഗൺ മിഡ്‌സൈസ് എസ്‌യുവി വാങ്ങാം. 40,000 രൂപ എക്‌സ്‌ചേഞ്ച് ബോണസും 30,000 രൂപ കോർപ്പറേറ്റ് ഡിസ്‌കൗണ്ടുമായി വാങ്ങുമ്പോൾ മൊത്തത്തിൽ 1.3 ലക്ഷം രൂപ വരെ ലഭിക്കും.
ടൈഗൺ മിഡ്‌സൈസ് ഫൈവ് സീറ്റർ എസ്‌യുവി നിലവിൽ അടിസ്ഥാന വേരിയൻ്റിന് 11.70 ലക്ഷം രൂപയ്‌ക്കിടയിലുള്ള വിലയിൽ ലഭ്യമാണ്. അതേസമയം ടോപ്പ്-സ്പെക്ക് ട്രിമ്മിന് ഇത് 20 ലക്ഷം രൂപ വരെ ഉയരുന്നു. ഈ എസ്‌യുവിക്ക് 115 PS ഉം 175 Nm ഉം ഉത്പാദിപ്പിക്കുന്ന 1.0L ത്രീ-സിലിണ്ടർ ടർബോചാർജ്‍ഡ് പെട്രോളും 150 PS-നും 250 Nm-ഉം ശേഷിയുള്ള 1.5L ഫോർ-സിലിണ്ടർ ടർബോ പെട്രോൾ എഞ്ചിനും മാനുവൽ, ഓട്ടോമാറ്റിക് ട്രാൻസ്മിഷൻ തിരഞ്ഞെടുപ്പുകളുമുണ്ട്.
undefined
ഇന്ത്യയിൽ ഹോണ്ട സിറ്റി, ഹ്യുണ്ടായ് വെർണ, സ്കോഡ സ്ലാവിയ എന്നിവയുടെ എതിരാളിയാണ് ഫോക്സ്‍വാഗൺ വിർടസ്. ഈ കാർ 30,000 രൂപ ക്യാഷ് ഡിസ്‌കൗണ്ടും 30,000 രൂപ എക്‌സ്‌ചേഞ്ച് ബോണസും 15,000 രൂപ കോർപ്പറേറ്റ് ഡിസ്‌കൗണ്ടും സഹിതം റീട്ടെയിൽ ചെയ്യുന്നു. ഈ മാസം മൊത്തം 75,000 രൂപ കിഴിവ് ലഭിക്കും. ഫോക്സ്‍വാഗൺ വിർടസിൻ്റെ എൻട്രി ലെവൽ വേരിയൻ്റിന് 11.56 ലക്ഷം രൂപയാണ് വില. റേഞ്ച്-ടോപ്പിംഗ് മോഡലിന് 19.15 ലക്ഷം രൂപയാണ് വില.
അതേസമയം, സ്കോഡ കുഷാക്കും സ്ലാവിയയും 1.55 ലക്ഷം രൂപ വരെ ക്യാഷ് ഡിസ്‌കൗണ്ട് നൽകുന്നു, 20,000 രൂപ എക്‌സ്‌ചേഞ്ച് ഡിസ്‌കൗണ്ടും 25,000 രൂപ കോർപ്പറേറ്റ് ഡിസ്‌കൗണ്ടും, ഈ മാസം മൊത്തം രണ്ടു ലക്ഷം രൂപ ലഭിക്കുന്നു. സ്കോഡ കുഷാക്കും സ്ലാവിയയും ഒരേ എഞ്ചിൻ കോൺഫിഗറേഷനാണ്. രണ്ട് എഞ്ചിൻ വേരിയൻ്റുകളുണ്ട്- 1.0L 3-സിലിണ്ടർ ടിഎസ്ഐ, 1.5L 4-സിലിണ്ടർ TSI. 1.0 എൽ വേരിയന്‍റ് 115 എച്ച്പി പവറും 175 എൻഎം പരമാവധി ടോർക്കും വാഗ്ദാനം ചെയ്യുന്നു. 1.5 എൽ വേരിയൻ്റ് 150 എച്ച്പി പവറും 250 എൻഎം ടോർക്കും ഉത്പാദിപ്പിക്കുന്നു.