ഈ ഇലക്ട്രിക് കാറിന്റെ സ്പെസിഫിക്കേഷനുകൾ എങ്ങനെയായിരിക്കുമെന്ന് നമുക്ക് കൂടുതലറിയാം.
മുംബൈ കേന്ദ്രീകരിച്ച് പ്രവർത്തിക്കുന്ന പുതിയ ഇലക്ട്രിക് കാർ നിർമ്മാതാക്കളായ പിഎംവി ഇലക്ട്രിക് , ഇന്ത്യൻ ഉപയോക്താക്കൾക്കായി താങ്ങാനാവുന്നതും ചെറുതുമായ ഒരു ഇവി അവതരിപ്പിക്കാൻ പോകുന്നു. PMV EaS-E മൈക്രോ ഇലക്ട്രിക് കാർ എന്ന പേരിലാണ് കമ്പനി പുതിയ ഇലക്ട്രിക് കാറിനെ പുറത്തിറക്കുന്നത്. നവംബർ 16ന് പുതിയ മൈക്രോ ഇവി ഇഎഎസ്-ഇ അവതരിപ്പിക്കുമെന്നും കമ്പനി അറിയിച്ചിട്ടുണ്ട്. രണ്ട് സീറ്റർ മാത്രമുള്ള ഈ കാറിന് നാല് ലക്ഷം രൂപ എക്‌സ്‌ഷോറൂം വിലയിൽ മാത്രമേ കാണൂ എന്നതാണ് പ്രത്യേകത. ഈ ഇലക്ട്രിക് കാറിന്റെ സ്പെസിഫിക്കേഷനുകൾ എങ്ങനെയായിരിക്കുമെന്ന് നമുക്ക് കൂടുതലറിയാം.
സവിശേഷതകള്‍ കണക്കിലെടുക്കുമ്പോൾ, PMV EAS-E മൈക്രോ ഇലക്ട്രിക് കാറിന് 10 kW ലിഥിയം അയൺ ഫോസ്ഫേറ്റ് ബാറ്ററിയാണ് കരുത്ത് പകരുന്നത്. ഇതിന് 15 kW (20 bhp) PMSM ഇലക്ട്രിക് മോട്ടോറിൽ നിന്ന് പവർ ലഭിക്കും. എന്നിരുന്നാലും, അതിന്റെ ടോർക്കിനെക്കുറിച്ചുള്ള വിവരങ്ങൾ വ്യക്തമല്ല. വേഗതയെക്കുറിച്ച് പറയുമ്പോൾ, കാർ 70 കിലോമീറ്റർ വേഗതയിൽ ഓടുമെന്ന് കമ്പനി പറയുന്നു. അതേസമയം, പിഎംവി ഇഎഎസ്-ഇയ്ക്ക് മൂന്ന് വേരിയന്റുകളിൽ പ്രവേശനം ലഭിക്കുമെന്ന് കമ്പനി പറയുന്നു. വേരിയന്റിനെ ആശ്രയിച്ച്, ഒറ്റത്തവണ ഫുൾ ചാർജിൽ 120 കിലോമീറ്റർ മുതൽ 200 കിലോമീറ്റർ വരെ റേഞ്ച് കണ്ടെത്താനാകും.
മൂന്ന് കിലോവാട്ട് എസി ചാർജർ ഉപയോഗിച്ച് നാല് മണിക്കൂറിനുള്ളിൽ കാർ പൂർണമായി ചാർജ് ചെയ്യാൻ കഴിയുമെന്ന് കമ്പനി അവകാശപ്പെട്ടു. ഇതിനുപുറമെ, ഈ മൈക്രോ ഇലക്ട്രിക് കാറിന്റെ നീളം 2,915 എംഎം, വീതി 1,157 എംഎം, ഉയരം 1,600 എംഎം. അതേസമയം, കാറിന്റെ വീൽബേസിന് 2,087 എംഎം നൽകും. ഡിജിറ്റൽ ഇൻസ്ട്രുമെന്റ് ക്ലസ്റ്റർ, ടച്ച്‌സ്‌ക്രീൻ ഇൻഫോടെയ്ൻമെന്റ് സിസ്റ്റം, യുഎസ്ബി ചാർജിംഗ് പോർട്ട്, എയർ കണ്ടീഷനിംഗ്, ക്രൂയിസ് കൺട്രോൾ, റിയർ പാർക്കിംഗ് ക്യാമറ തുടങ്ങിയ ഫീച്ചറുകളാണ് കാറിൽ നൽകിയിരിക്കുന്നത്.
“ഉൽപ്പന്നം ഔദ്യോഗികമായി അനാച്ഛാദനം ചെയ്യുന്നതിൽ ഞങ്ങൾക്ക് അതിയായ സന്തോഷമുണ്ട്. ഒരു ഇന്ത്യൻ കമ്പനി നിർമ്മിച്ച ലോകോത്തര ഉൽപ്പന്നം ഞങ്ങൾ നിർമ്മിച്ചതിനാൽ ഇത് കമ്പനിക്ക് ഒരു സുപ്രധാന നാഴികക്കല്ലായിരിക്കും. രാഷ്ട്രത്തെ വൈദ്യുതീകരിക്കുന്നതിനും പേഴ്‌സണൽ മൊബിലിറ്റി വെഹിക്കിൾ (PMV) എന്ന പേരിൽ ഒരു പുതിയ സെഗ്‌മെന്റ് അവതരിപ്പിക്കുന്നതിനും ഞങ്ങൾ പ്രതീക്ഷിക്കുന്നു, ഇത് ദൈനംദിന ഉപയോഗത്തിനായി നിർമ്മിച്ചതാണ്.." പുതിയ വാഹനത്തിന്‍റെ പ്രഖ്യാപനത്തെക്കുറിച്ച് സംസാരിച്ച പിഎംവി ഇലക്ട്രിക് സ്ഥാപകൻ കൽപിത് പട്ടേൽ പറഞ്ഞു.