പുതിയ അപ്‌ഡേറ്റിനൊപ്പം, 2023 ടാറ്റ നെക്‌സോണിന് പുതിയ സ്റ്റൈലിംഗും കൂടുതൽ ഫീച്ചർ ലോഡഡ് ഇന്റീരിയറും ലഭിച്ചു. പുതിയ ഡിസൈനും ഫീച്ചറുകളും മാത്രമല്ല, നിരവധി സെഗ്‌മെന്റ് ഫസ്റ്റ് ഫീച്ചറുകളും എസ്‌യുവിക്ക് ലഭിച്ചിട്ടുണ്ട്. ഇത് വിലയിൽ ഗണ്യമായ വർദ്ധനയിലേക്ക് നയിക്കുന്നു.
ടാറ്റ മോട്ടോഴ്‌സ് അടുത്തിടെ പുതിയ നെക്‌സോൺ കോംപാക്റ്റ് എസ്‌യുവിയെ 8.10 ലക്ഷം രൂപ (എക്സ്-ഷോറൂം) പ്രാരംഭ വിലയിൽ പുറത്തിറക്കി. ഇത് ടോപ്പ് എൻഡ് വേരിയന്റിന് 15.50 ലക്ഷം രൂപ വരെ ഉയരുന്നു. പുതിയ അപ്‌ഡേറ്റിനൊപ്പം, 2023 ടാറ്റ നെക്‌സോണിന് പുതിയ സ്റ്റൈലിംഗും കൂടുതൽ ഫീച്ചർ ലോഡഡ് & പുതിയ ഇന്റീരിയറും ലഭിച്ചു. പുതിയ ഡിസൈനും ഫീച്ചറുകളും മാത്രമല്ല, നിരവധി സെഗ്‌മെന്റ് ഫസ്റ്റ് ഫീച്ചറുകളും എസ്‌യുവിക്ക് ലഭിച്ചിട്ടുണ്ട്. ഇത് വിലയിൽ ഗണ്യമായ വർദ്ധനയിലേക്ക് നയിക്കുന്നു.
ടാറ്റ നെക്സോണ്‍ ടോപ്പ് വേരിയന്റ് വിലകൾ (ഓൺ-റോഡ്)
മുംബൈ – 18.72 ലക്ഷം രൂപ
ഡൽഹി – 18.48 ലക്ഷം
ബെംഗളൂരു – 19.15 ലക്ഷം
ഹൈദരാബാദ് – 19.14 ലക്ഷം
ചെന്നൈ – 18.85 ലക്ഷം
കൊച്ചി- 18.97 ലക്ഷം
undefined
പുതിയ ടാറ്റ നെക്‌സോൺ സ്മാർട്ട്, പ്യുവർ, ക്രിയേറ്റീവ്, ഫിയർലെസ് എന്നിങ്ങനെ നാല് ട്രിം തലങ്ങളിൽ ലഭ്യമാണ്. കൂടാതെ മൊത്തം 69 വേരിയന്റുകളിലും ലഭിക്കും. എസ്‌യുവി രണ്ട് എഞ്ചിൻ ഓപ്ഷനുകളിലാണ് വാഗ്ദാനം ചെയ്യുന്നത് - 120 പിഎസ്, 1.2 ലിറ്റർ ടർബോചാർജ്ഡ് പെട്രോൾ, 115 പിഎസ്, 1.5 ലിറ്റർ ടർബോ ഡീസലും. പെട്രോൾ വേരിയന്റുകളിൽ നാല് ഗിയർബോക്‌സ് ഓപ്ഷനുകളുണ്ട് - 5-സ്പീഡ് MT, 6-സ്പീഡ് MT, 6-സ്പീഡ് AMT, 7-സ്പീഡ് DCT. ഡീസൽ വേരിയന്‍റുകള്‍ 6-സ്പീഡ് മാനുവൽ, 6-സ്പീഡ് എഎംടി ഓപ്ഷനുകൾ എന്നിവയിൽ ലഭ്യമാണ്. .
ടോപ്പ് എൻഡ് വേരിയന്റായ ഫിയർലെസ് പ്ലസ് എസ് ഡീസൽ എഎംടിയുടെ ഓൺ-റോഡ് വില മുംബൈയിൽ ഏകദേശം 18.72 ലക്ഷം രൂപയും ദില്ലിയിൽ 18.48 ലക്ഷം രൂപയും കൊച്ചിയില്‍ 18.97 ലക്ഷം രൂപയുമാണ്. ബെംഗളുരു, ഹൈദരാബാദ് എന്നിവിടങ്ങളിൽ ടോപ്പ് എൻഡ് നെക്‌സോൺ ഡീസൽ എഎംടിക്ക് യഥാക്രമം 19.15 ലക്ഷം രൂപയും 19.14 ലക്ഷം രൂപയുമാണ് ഓൺറോഡ് വില. അടിസ്ഥാന വേരിയന്റായ സ്‍മാര്‍ട്ട് പെട്രോള്‍ എംടിയുടെ ഓൺ-റോഡ് വില യഥാക്രമം മുംബൈയിലും ഡൽഹിയിലും 9.55 ലക്ഷം രൂപയും 9.25 ലക്ഷം രൂപയുമാണ്. കൊച്ചിയില്‍ 9.57 ലക്ഷം രൂപയാണ് ഈ വേരിയന്‍റിന്‍റെ ഓണ്‍റോഡ് വില.
ആറ് എയർബാഗുകൾ, എൽഇഡി ഹെഡ്‌ലാമ്പുകൾ, എൽഇഡി ടെയിൽ ലൈറ്റുകൾ, ഇല്യൂമിനേറ്റഡ് ലോഗോയുള്ള ടു-സ്‌പോക്ക് സ്റ്റിയറിംഗ് വീൽ, മുൻവശത്തെ പവർ വിൻഡോകൾ, റിവേഴ്‌സ് പാർക്കിംഗ് സെൻസറുകൾ, ഹിൽ ഹോൾഡ് കൺട്രോൾ, ടിൽറ്റ് സ്റ്റിയറിംഗ് വീൽ എന്നിവയാണ് പുതിയ ടാറ്റ നെക്‌സോണിന്റെ അടിസ്ഥാന വേരിയന്റിലുള്ളത്. വെന്റിലേറ്റഡ് ഫ്രണ്ട് സീറ്റുകൾ, ഉയരം ക്രമീകരിക്കാവുന്ന ഡ്രൈവർ, കോ-ഡ്രൈവർ സീറ്റുകൾ, ജെബിഎൽ മ്യൂസിക് സിസ്റ്റം, വയർലെസ് ആൻഡ്രോയിഡ് ഓട്ടോ, ആപ്പിൾ കാർപ്ലേ എന്നിവയുള്ള 10.25 ഇഞ്ച് ടച്ച്‌സ്‌ക്രീൻ ഇൻഫോടെയ്ൻമെന്റ് യൂണിറ്റ്, ഐആർഎ കണക്റ്റഡ് കാർ ടെക്, ഒടിഎ അപ്‌ഡേറ്റുകൾ തുടങ്ങിയ സവിശേഷതകളാൽ ടോപ്പ്-സ്പെക്ക് ഫിയർലെസ് പ്ലസ് എസ് ലോഡ് ചെയ്തിട്ടുണ്ട്. ഒരു വയർലെസ് ചാർജർ, ഓട്ടോമാറ്റിക് എസി, ക്രൂയിസ് കൺട്രോൾ, 360 ഡിഗ്രി ക്യാമറ, ഇലക്ട്രിക് സൺറൂഫ്, ബ്ലൈൻഡ് സ്പോട്ട് മോണിറ്ററിംഗ് & ഒരു ഓൾ-ഡിജിറ്റൽ ഇൻസ്ട്രുമെന്റ് ക്ലസ്റ്റർ എന്നിവയും ലഭിക്കും.