2020 നവംബറിനും 2023 ഡിസംബറിനും ഇടയിൽ നിർമ്മിച്ച XE, XL വേരിയൻ്റുകളെയാണ് തിരിച്ചുവിളിക്കുന്നത്. തകരാറുള്ള ഭാഗങ്ങൾ മാറ്റിസ്ഥാപിക്കുന്നത് നിസാൻ സർവീസ് സെൻ്ററുകളിൽ സൗജന്യമായി നൽകും. നിലവിൽ, നിസാൻ മാഗൈറ്റ് മോഡൽ ലൈനപ്പ് 6 ലക്ഷം മുതൽ 11.27 ലക്ഷം രൂപ വരെ എക്‌സ്‌ഷോറൂം വില പരിധിക്കുള്ളിൽ ലഭ്യമാണ്.
ഡോർ ഹാൻഡിൽ സെൻസറുകൾ തകരാറിലായതിനാൽ ജാപ്പനീസ് വാഹന ബ്രാൻഡായ നിസാൻ മോട്ടോർ ഇന്ത്യ തങ്ങളുടെ ജനപ്രിയ മാഗ്‌നൈറ്റ് സബ്കോംപാക്റ്റ് എസ്‌യുവിയുടെ യൂണിറ്റുകൾ സ്വമേധയാ തിരിച്ചുവിളിക്കുന്നതായി പ്രഖ്യാപിച്ചു. 2020 നവംബറിനും 2023 ഡിസംബറിനും ഇടയിൽ നിർമ്മിച്ച XE, XL വേരിയൻ്റുകളെയാണ് തിരിച്ചുവിളിക്കുന്നത്. തകരാറുള്ള ഭാഗങ്ങൾ മാറ്റിസ്ഥാപിക്കുന്നത് നിസാൻ സർവീസ് സെൻ്ററുകളിൽ സൗജന്യമായി നൽകും. നിലവിൽ, നിസാൻ മാഗൈറ്റ് മോഡൽ ലൈനപ്പ് 6 ലക്ഷം മുതൽ 11.27 ലക്ഷം രൂപ വരെ എക്‌സ്‌ഷോറൂം വില പരിധിക്കുള്ളിൽ ലഭ്യമാണ്.
നിസാനിൽ നിന്നുള്ള ഈ സബ് കോംപാക്റ്റ് എസ്‌യുവി 2020 അവസാനത്തോടെയാണ് ഇന്ത്യൻ വിപണിയിൽ പ്രവേശിച്ചത്. ഇത് ഇന്ത്യൻ വിപണിയിൽ ബ്രാൻഡിന് പുതിയ ജീവൻ നൽകി. തുടക്കത്തിൽ, സബ്കോംപാക്റ്റ് എസ്‌യുവി അവതരിപ്പിച്ചത് രണ്ട് പെട്രോൾ എഞ്ചിനുകളിലാണ്. 1.0 എൽ, 3-സിലിണ്ടർ നാച്ചുറലി ആസ്പിറേറ്റഡ്, 1.0 എൽ, 3-സിലിണ്ടർ ടർബോ പെട്രോൾ എന്നിവയാണവ. കൂടാതെ 5-സ്പീഡ് മാനുവൽ (സ്റ്റാൻഡേർഡ്), സിവിടി (ടർബോ-പെട്രോളിനായി റിസർവ് ചെയ്‌തത്) എന്നിങ്ങനെ രണ്ട് ഗിയർബോക്‌സ് ഓപ്ഷനുകളും ലഭിച്ചു. ഏതാണ്ട് ഒരു വർഷത്തിന് ശേഷം, നിസ്സാൻ മാഗ്‌നൈറ്റിന് എല്ലാ ട്രിം ലെവലുകളിലുടനീളം ഒരു എഎംടി ട്രാൻസ്മിഷൻ ലഭിക്കുന്നു. ഈ വർഷമാദ്യം സബ് കോംപാക്റ്റ് എസ്‌യുവി ഇന്ത്യയിൽ ഒരു ലക്ഷം വിൽപ്പന നാഴികക്കല്ല് നേടിയിരുന്നു.
undefined
ഇപ്പോൾ, ജാപ്പനീസ് വാഹന നിർമ്മാതാവ് വരും മാസങ്ങളിൽ മാഗ്‌നൈറ്റിന് മിഡ്-ലൈഫ് അപ്‌ഡേറ്റ് നൽകാൻ തയ്യാറാണ്. പുതിയ 2024 നിസാൻ മാംഗൈറ്റിൻ്റെ വിശദാംശങ്ങൾ ഇപ്പോഴും പുറത്തുവിട്ടിട്ടില്ല. എങ്കിലും വാഹനത്തിന്‍റെ അകത്തും പുറത്തും ചെറിയ മാറ്റങ്ങൾ ലഭിക്കാൻ സാധ്യതയുണ്ട്. അപ്‌ഡേറ്റ് ചെയ്ത പതിപ്പിന് സിംഗിൾ-പേൻ ഇലക്ട്രിക് സൺറൂഫും വെൻ്റിലേറ്റഡ് ഫ്രണ്ട് സീറ്റുകളും ലഭിക്കുമെന്ന് അഭ്യൂഹമുണ്ട്, അവ പ്രീ-ഫേസ്‌ലിഫ്റ്റ് മോഡലിൽ ഇല്ല. എന്നിരുന്നാലും, ഈ ഫീച്ചറുകൾ, ഓഫർ ചെയ്താൽ, ടോപ്പ് എൻഡ് ട്രിമ്മുകളിൽ മാത്രം ലഭ്യമാകും.
സ്റ്റാൻഡേർഡ് സുരക്ഷാ ഫിറ്റ്‌മെൻ്റായി പുതിയ മാഗ്‌നൈറ്റിന് ആറ് എയർബാഗുകളും ലഭിച്ചേക്കാം. നിലവിൽ, ഡ്യുവൽ ഫ്രണ്ട് എയർബാഗുകൾ, ഇലക്ട്രോണിക് സ്റ്റെബിലിറ്റി കൺട്രോൾ, ഹിൽ സ്റ്റാർട്ട് അസിസ്റ്റ്, എബിഎസ്, ഇബിഡി, ട്രാക്ഷൻ കൺട്രോൾ എന്നിവയുമായാണ് ഇത് വരുന്നത്. നിലവിലെ മോഡലിൽ നിന്ന് എഞ്ചിൻ സജ്ജീകരണം മുന്നോട്ട് കൊണ്ടുപോകാനാണ് സാധ്യത. എന്നിരുന്നാലും, മെച്ചപ്പെട്ട പ്രകടനത്തിനായി മോട്ടോറുകൾ റീട്യൂൺ ചെയ്യാവുന്നതാണ്.