തായ്‌ലൻഡ്, ഓസ്‌ട്രേലിയ തുടങ്ങിയ വിപണികളിൽ വിൽക്കുന്ന എസ്‌യുവിയുടെ എൻട്രി ലെവൽ വേരിയൻ്റായ ഫോർഡ് എവറസ്റ്റ് ട്രെൻഡാണ് ഈ മോഡൽ. 2022-ൽ കാർ നിർമ്മാതാവ് ഇന്ത്യ വിട്ടതിന് ശേഷം ഇതാദ്യമായാണ് എസ്‌യുവി ഇന്ത്യൻ നിരത്തുകളിൽ കാണുന്നത്. എവറസ്റ്റ് എസ്‌യുവി എന്നറിയപ്പെടുന്ന ഫോർഡ് എൻഡവർ എസ്‌യുവിയുടെ സ്പൈഷോട്ട് ഉടൻ തന്നെ മോഡൽ ഇന്ത്യയിൽ വീണ്ടും അവതരിപ്പിക്കുമെന്ന് സൂചന നൽകുന്നു.
ഐക്കണിക്ക് അമേരിക്കൻ വാഹന ബ്രാൻഡായ ഫോർഡ് മോട്ടോർ ഉടൻ തന്നെ ഇന്ത്യൻ വിപണിയിൽ തിരിച്ചെത്തിയേക്കുമെന്ന് കഴിഞ്ഞ കുറച്ചുദിവസമായി കേട്ടുതുടങ്ങിയിട്ട്. ഓട്ടോ ഭീമൻ എൻഡവർ എസ്‌യുവിയുമായി ഒരു തിരിച്ചുവരവിന് ഒരുങ്ങുന്നതായി നിരവധി മാധ്യമ റിപ്പോർട്ടുകൾ അവകാശപ്പെടുന്നു. ഇപ്പോഴിതാ വിദേശത്ത് എവറസ്റ്റ് എന്ന പേരിൽ വിൽക്കുന്ന പുതു തലമുറ മോഡൽ ഫോർഡ് എൻഡവർ എസ്‌യുവി ചെന്നൈയ്ക്ക് സമീപം പരീക്ഷണത്തിനിടെ കണ്ടെത്തിയെന്നാണ് പുതിയ റിപ്പോര്‍ട്ടുകൾ. പരീക്ഷണത്തിനിടെ പുതിയ എൻഡവറിൻ്റെ ഇന്ത്യയിലെ ആദ്യത്തെ കണ്ടെത്തലാണിത്. തായ്‌ലൻഡ്, ഓസ്‌ട്രേലിയ തുടങ്ങിയ വിപണികളിൽ വിൽക്കുന്ന എസ്‌യുവിയുടെ എൻട്രി ലെവൽ വേരിയൻ്റായ ഫോർഡ് എവറസ്റ്റ് ട്രെൻഡാണ് ഈ മോഡൽ. 2022-ൽ കാർ നിർമ്മാതാവ് ഇന്ത്യ വിട്ടതിന് ശേഷം ഇതാദ്യമായാണ് എസ്‌യുവി ഇന്ത്യൻ നിരത്തുകളിൽ കാണുന്നത്. എവറസ്റ്റ് എസ്‌യുവി എന്നറിയപ്പെടുന്ന ഫോർഡ് എൻഡവർ എസ്‌യുവിയുടെ സ്പൈഷോട്ട് ഉടൻ തന്നെ മോഡൽ ഇന്ത്യയിൽ വീണ്ടും അവതരിപ്പിക്കുമെന്ന് സൂചന നൽകുന്നു.
ഫോർഡ് എവറസ്റ്റ് എസ്‌യുവി ചെന്നൈയ്ക്ക് സമീപം ഫ്ലാറ്റ്ബെഡ് ട്രക്കിൽ കയറ്റുന്നതിനിടെയാണ് കണ്ടെത്തിയത് . എവറസ്റ്റ് എസ്‌യുവി നിരവധി ആഗോള വിപണികളിൽ വിറ്റഴിക്കപ്പെടുന്നു. എൻട്രി ലെവൽ ട്രെൻഡ് വേരിയൻ്റാണ് ചിത്രത്തിൽ കാണുന്നത്. ഈ വർഷം ആദ്യം ഇന്ത്യയിൽ പുതിയ തലമുറ എൻഡവർ എസ്‌യുവിക്ക് ഫോർഡ് അടുത്തിടെ പേറ്റൻ്റ് ഫയൽ ചെയ്തിരുന്നു. എൻഡവർ ഒരു തിരിച്ചുവരവ് നടത്തുകയാണെങ്കിൽ, അത് ടൊയോട്ട ഫോർച്യൂണർ , എംജി ഗ്ലോസ്റ്റർ എന്നിവയ്‌ക്കെതിരെ മത്സരിക്കും .
undefined
പുതിയ എവറസ്റ്റ് എസ്‌യുവിക്ക് 2.0 ലിറ്റർ ടർബോ ഡീസൽ അല്ലെങ്കിൽ 2.0 ലിറ്റർ ബൈ-ടർബോ ഡീസൽ എഞ്ചിനാണ് കരുത്ത് പകരുന്നത്. ടർബോ എഞ്ചിന് 168 ബിഎച്ച്പി പവർ ഉത്പാദിപ്പിക്കാൻ കഴിയും, ബൈ-ടർബോയ്ക്ക് 208 ബിഎച്ച്പി പവർ ഉത്പാദിപ്പിക്കാനാകും. ടോർക്ക് ഔട്ട്പുട്ട് 405 Nm ഉം 500 Nm ഉം ആണ്. ടർബോ ഡീസൽ എഞ്ചിൻ 6-സ്പീഡ് ഓട്ടോമാറ്റിക് ട്രാൻസ്മിഷനാണ് ഉപയോഗിക്കുന്നത്. അതേസമയം ബൈ-ടർബോയ്ക്ക് 10-സ്പീഡ് ഓട്ടോമാറ്റിക് ട്രാൻസ്മിഷനാണ് ലഭിക്കുന്നത്. രണ്ട് ഗിയർബോക്സുകൾക്കും സെലെക്ട് ഷിഫ്റ്റ് ലഭിക്കുന്നു. 4x2, 4x4 ഡ്രൈവ്ട്രെയിനുകൾ എന്നിവ ഫോർഡ് വാഗ്ദാനം ചെയ്യുന്നു.
ഫോർഡ് ഇന്ത്യയിൽ നിന്നുള്ള ബിസിനസ്സ് അവസാനിപ്പിച്ചതിന് ശേഷം, പല പ്രമുഖ വാഹന നിർമ്മാതാക്കളും ഫോർഡിൻ്റെ ചെന്നൈയിലെ പ്ലാൻ്റിലേക്ക് കണ്ണുവെച്ചിരുന്നു. ടാറ്റ മോട്ടോഴ്‌സ് മുതൽ എംജി മോട്ടോർ വരെയുള്ള പേരുകൾ മുൻനിരയിൽ ഉണ്ടായിരുന്നതിൽ, ഇന്ത്യയിൽ ഉടൻ യാത്ര ആരംഭിക്കുന്ന വിയറ്റ്നാമീസ് ഇലക്ട്രിക് കാർ കമ്പനിയായ വിൻഫാസ്റ്റും ഈ പ്ലാൻ്റ് വാങ്ങാൻ താൽപ്പര്യം പ്രകടിപ്പിച്ചിരുന്നു. എന്നാൽ ചെന്നൈ പ്ലാൻ്റ് വിൽക്കാനുള്ള പദ്ധതിയിൽ നിന്ന് ഫോർഡ് അവസാന നിമിഷം യു-ടേൺ എടുത്തു.
ചെന്നൈ പ്ലാൻ്റ് വിൽക്കാനുള്ള തീരുമാനം ഫോർഡ് ഇന്ത്യ പുനഃപരിശോധിക്കുന്നതായും കയറ്റുമതിക്കായി അല്ലെങ്കിൽ ഇന്ത്യൻ വിപണിയിലേക്ക് മടങ്ങാനുള്ള സൗകര്യം ഉപയോഗപ്പെടുത്താനുള്ള സാധ്യതകൾ വിലയിരുത്തുന്നതായും റിപ്പോർട്ടുണ്ട്. കാരണം ജെഎസ്ഡബ്ല്യു ഗ്രൂപ്പുമായുള്ള കരാർ ഫോർഡ് അടുത്തിടെ റദ്ദാക്കിയിരുന്നു. ഈ പ്ലാൻ്റ് വിൽക്കാനുള്ള പദ്ധതികൾ അവസാനിപ്പിച്ച്, ഫോർഡ് സ്വയം വഴി തുറക്കാൻ ആഗ്രഹിക്കുന്നുവെന്ന് വിശ്വസിക്കപ്പെടുന്നു.
ഫോർഡിൻ്റെ ചെന്നൈ ഫാക്ടറിയിൽ എസ്‌യുവി പ്രാദേശികമായി അസംബിൾ ചെയ്യാൻ പദ്ധതിയുണ്ടെങ്കിലും, ഹോമോലോഗ് ചെയ്യാതെ പൂർണ്ണമായും ബിൽറ്റ് അപ്പ് യൂണിറ്റുകൾ ഇറക്കുമതി ചെയ്തുകൊണ്ട് അമേരിക്കൻ ബ്രാൻഡിന് പുതിയ എൻഡവറിനെ ഇന്ത്യയിലേക്ക് വേഗത്തിൽ കൊണ്ടുവരാൻ കഴിയും. ഇപ്പോൾ പ്രവർത്തനരഹിതമായ ചെന്നൈ പ്ലാൻ്റ് ലോക്കൽ അസംബ്ലിക്കായി കമ്പനി ഉപയോഗിക്കാൻ സാധ്യതയുണ്ട്.