4×4 സാങ്കേതികവിദ്യയുള്ള നവീകരിച്ച കണ്‍സെപ്റ്റിന് 500 കിലോമീറ്ററിലധികം റേഞ്ച് ഉണ്ടെന്ന് അവകാശപ്പെടുന്നു. ബാറ്ററിയുടെയും ഇലക്ട്രിക് മോട്ടോറിന്റെയും സെൽ കെമിസ്ട്രിയെക്കുറിച്ചുള്ള കൂടുതൽ വിശദാംശങ്ങൾ എംഎസ്ഐഎൽ വെളിപ്പെടുത്തിയിട്ടില്ല.
രാജ്യത്തെ ഏറ്റവും വലിയ കാർ നിർമ്മാതാക്കളായ മാരുതി സുസുക്കി 2023 ഓട്ടോ എക്‌സ്‌പോയിൽ ഇവിഎക്സ് കൺസെപ്റ്റ് എന്ന് വിളിക്കുന്ന തങ്ങളുടെ ആദ്യത്തെ ബോണ്‍ ഇലക്ട്രിക് എസ്‌യുവി പ്രദർശിപ്പിച്ചിരുന്നു. സുസുക്കി മോട്ടോർ കോർപ്പറേഷൻ 2023 ടോക്കിയോ മോട്ടോർ ഷോയിൽ കൺസെപ്റ്റിന്റെ സമീപ പ്രൊഡക്ഷൻ പതിപ്പ് പ്രദർശിപ്പിക്കുമെന്ന് പ്രഖ്യാപിച്ചു.
ഇവിഎക്സ് കൺസെപ്റ്റിന്റെ ഇന്റീരിയറുകൾ മാരുതി സുസുക്കി ഇതുവരെ വെളിപ്പെടുത്തിയിരുന്നില്ല. ഇത്തവണ ഇലക്ട്രിക് എസ്‌യുവിയുടെ ഫ്യൂച്ചറിസ്റ്റിക് ഇന്റീരിയറിന്റെ ചിത്രങ്ങൾ സുസുക്കി പുറത്തുവിട്ടു. ഈ ചിത്രങ്ങൾ കൂടുതൽ വികസിച്ചതും പ്രൊഡക്ഷൻ രൂപവുമായി കൂടുതൽ അടുത്തുനില്‍ക്കുന്നതുമാണ്.
undefined
ഇലക്‌ട്രോണിക് നിയന്ത്രിത 4×4 സാങ്കേതികവിദ്യകളോടൊപ്പമാണ് ഇവിഎക്സ് കൺസെപ്റ്റ് വരുന്നതെന്നും സുസുക്കി സ്ഥിരീകരിച്ചിട്ടുണ്ട്. അനുപാതമനുസരിച്ച്, പുതിയ സുസുക്കി ഇവിഎക്സിന് 4300 എംഎം നീളവും 1800 എംഎം വീതിയും 1600 എംഎം ഉയരവുമുണ്ട്. ഒറ്റ ചാർജിൽ 500 കിലോമീറ്റർ റേഞ്ച് വാഗ്ദാനം ചെയ്യുമെന്നാണ് അവകാശവാദം. മാരുതി സുസുക്കി ഇവിഎക്സ് കൺസെപ്റ്റിൽ 60kWh ലിഥിയം-അയൺ ബാറ്ററി പായ്ക്ക് സജ്ജീകരിച്ചിരിക്കുന്നു. 4×4 സാങ്കേതികവിദ്യയുള്ള നവീകരിച്ച കണ്‍സെപ്റ്റിന് 500 കിലോമീറ്ററിലധികം റേഞ്ച് ഉണ്ടെന്ന് കമ്പനി അവകാശപ്പെടുന്നു. ബാറ്ററിയുടെയും ഇലക്ട്രിക് മോട്ടോറിന്റെയും സെൽ കെമിസ്ട്രിയെക്കുറിച്ചുള്ള കൂടുതൽ വിശദാംശങ്ങൾ എംഎസ്ഐഎൽ വെളിപ്പെടുത്തിയിട്ടില്ല.
ചടുലതാണ്ഡവമാടാൻ വീണ്ടും പ്രചണ്ഡുകള്‍, ചൈനയുടെയും പാക്കിസ്ഥാന്‍റെയും ഗതി ഇനി അധോഗതി!
പുതിയ സുസുക്കി ഇവിഎക്സിന് ചില ഡിസൈൻ മാറ്റങ്ങളുണ്ടെന്ന് പുതിയ ചിത്രങ്ങൾ കാണിക്കുന്നു. പുതുതായി രൂപകൽപന ചെയ്‍തതും പുനഃസ്ഥാപിച്ചതുമായ എൽഇഡി ലൈറ്റുകളുമായാണ് ഇത് വരുന്നത്. താഴെയുള്ള ബമ്പറും അപ്ഡേറ്റ് ചെയ്‍തിട്ടുണ്ട്. എങ്കിലും, കൺസെപ്റ്റ് പോലെയുള്ള ഫോഗ് ലാമ്പുകളും സിൽവർ ട്രീറ്റ്മെന്റും ഇതിന്റെ താഴത്തെ ഭാഗത്ത് ഉണ്ട്. എസ്‌യുവിക്ക് സ്ലിം എൽഇഡി ഇൻഡിക്കേറ്ററുകളുള്ള പ്രൊഡക്ഷൻ-സ്പെക്ക് ഔട്ട്‌ഡോർ റിയർ വ്യൂ മിററുകൾ ലഭിക്കുന്നു. മുൻവശത്തെ സുസുക്കി ലോഗോ പഴയതിനേക്കാൾ അൽപ്പം ഉയരത്തിലാണ് സ്ഥാപിച്ചിരിക്കുന്നത്.
പിൻ പ്രൊഫൈൽ കൺസെപ്റ്റ് മോഡലിന് സമാനമാണ്. എങ്കിലും ഇത് ഇപ്പോൾ പ്രൊഡക്ഷൻ-റെഡി ടെയിൽ-ലൈറ്റുകൾ അവതരിപ്പിക്കുന്നു. കൺസെപ്റ്റിന് കണക്റ്റഡ് ലൈറ്റ് ബാർ ഉണ്ടായിരുന്നു. എന്നാല്‍ അത് പുതിയ ചിത്രങ്ങളിൽ കാണുന്നില്ല. സുസുക്കി ലോഗോ ഉൾക്കൊള്ളുന്ന ഇരുണ്ട ക്രോം ബാർ ഇതിലുണ്ട്. റൂഫ്-ഇന്റഗ്രേറ്റഡ് സ്‌പോയിലറും ഡ്യുവൽ-ടോൺ ലോവർ ബമ്പറും ഇത് നിലനിർത്തുന്നു.
എക്സ്റ്റീരിയറിൽ നിന്ന് വ്യത്യസ്‍തമായി, മാരുതി സുസുക്കി ഇവിഎക്സിന്റെ ഇന്റീരിയർ ഫ്യൂച്ചറിസ്റ്റിക്കായി കാണപ്പെടുന്നു, മാത്രമല്ല അത് പ്രൊഡക്ഷൻ മോഡലിലേക്ക് കടക്കില്ല. ഡാഷ്‌ബോർഡിന്റെ ഭൂരിഭാഗവും ബീജ് സ്‍കീമിൽ പൂർത്തിയാക്കിയ ഡ്യുവൽ ടോൺ ഇന്റീരിയറിലാണ് ഇത് വരുന്നത്. ഡാഷ്‌ബോർഡിന് ചുറ്റും എവിടെയും ഫിസിക്കൽ ബട്ടണുകളില്ല. ഇതിന് ലംബമായി നല്‍കിയിരിക്കുന്ന എയർ-കോൺ വെന്റുകൾ ഉണ്ട്. അതേസമയം രണ്ട്-സ്പോക്ക് സ്റ്റിയറിംഗ് വീലിൽ ഇപ്പോൾ മീഡിയയ്ക്കും മറ്റ് പ്രവർത്തനങ്ങൾക്കുമായി ടച്ച് പാനലുകൾ ഉണ്ട്.
സ്റ്റിയറിംഗ് വീലിന് തൊട്ടുപിന്നിൽ വലിയ ടച്ച്‌സ്‌ക്രീൻ ഉണ്ട്, ഇത് ഇൻഫോടെയ്ൻമെന്റിന്റെയും ഇൻസ്ട്രുമെന്റേഷന്റെയും പ്രവർത്തനക്ഷമത വാഗ്ദാനം ചെയ്യുന്നു. സെൻട്രൽ കൺസോൾ പ്രീമിയവും ഫ്യൂച്ചറിസ്റ്റും ആയി കാണപ്പെടുന്നു, മാത്രമല്ല ഇത് പ്രൊഡക്ഷൻ മോഡലിലേക്ക് മാറില്ല. നെക്സോണ്‍ ഇവി മാക്സിൽ നിന്ന് പ്രചോദനം ഉൾക്കൊണ്ടതാണ് ഗിയർബോക്‌സ് സെലക്ടർ.
ഡ്യുവൽ ടോൺ ബ്ലാക്ക്, ബീജ് നിറങ്ങളിൽ ഫിനിഷ് ചെയ്‍ത സ്‌പോർട്ടി ബക്കറ്റ് സീറ്റുകളാണ് ഇലക്ട്രിക് എസ്‌യുവിയിലുള്ളത്. മുന്നിലും പിന്നിലും സീറ്റുകൾ ക്രമീകരിക്കാവുന്ന ഹെഡ്‌റെസ്റ്റുകളോടെയാണ് വരുന്നത്. പ്രൊഡക്ഷൻ-റെഡി മോഡൽ വ്യത്യസ്‍ത സീറ്റുകളുമായി വരും. പുതിയ മോഡലിന് എഡിഎഎസ് സാങ്കേതികവിദ്യ ലഭിക്കുമെന്ന് പ്രതീക്ഷിക്കുന്നു. വിശദാംശങ്ങൾ ഇതുവരെ വെളിപ്പെടുത്തിയിട്ടില്ല.