2023 ഹോണ്ട ഹോർനെറ്റ് 2.0 പുതിയ ബോഡി ഗ്രാഫിക്‌സ്, ഓൾ-എൽഇഡി ലൈറ്റിംഗ് സിസ്റ്റം (എൽഇഡി ഹെഡ്‌ലാമ്പ്, എൽഇഡി വിങ്കറുകൾ, എക്സ് ആകൃതിയിലുള്ള എൽഇഡി ടെയിൽ ലാമ്പ്), സ്പ്ലിറ്റ് സീറ്റ്, കീ ഓൺ ടാങ്ക് എന്നിവയുമായാണ് വരുന്നത്
ജാപ്പനീസ് ഇരുചക്ര വാഹന ബ്രാൻഡായ ഹോണ്ട മോട്ടോർസൈക്കിൾ ആൻഡ് സ്കൂട്ടർ ഇന്ത്യ OBD2 കംപ്ലയിന്റ് 2023 ഹോർനെറ്റ് 2.0 പുറത്തിറക്കി. 2023 ഹോണ്ട ഹോർനെറ്റ് 1.39 ലക്ഷം രൂപ ഡൽഹി എക്സ്-ഷോറൂം വിലയിൽ ലഭ്യമാണ്. പുതുക്കിയ ബൈക്ക് പുതിയ ഫീച്ചറുകൾക്കൊപ്പം ചില ഡിസൈൻ മാറ്റങ്ങളോടെയും ഒരു BSVI ഫേസ് 2 & OBD2 കംപ്ലയിന്റ് എഞ്ചിനുമായും വരുന്നു. മോട്ടോർസൈക്കിളിന് 10 വർഷത്തെ പ്രത്യേക വാറന്‍റി പാക്കേജും (3-വർഷ സ്റ്റാൻഡേർഡ് + 7-വർഷ ഓപ്ഷണൽ) ഹോണ്ട വാഗ്ദാനം ചെയ്യുന്നു.
2023 ഹോണ്ട ഹോർനെറ്റ് 2.0 പുതിയ ബോഡി ഗ്രാഫിക്‌സ്, ഓൾ-എൽഇഡി ലൈറ്റിംഗ് സിസ്റ്റം (എൽഇഡി ഹെഡ്‌ലാമ്പ്, എൽഇഡി വിങ്കറുകൾ, എക്സ് ആകൃതിയിലുള്ള എൽഇഡി ടെയിൽ ലാമ്പ്), സ്പ്ലിറ്റ് സീറ്റ്, കീ ഓൺ ടാങ്ക് എന്നിവയുമായാണ് വരുന്നത്. ബൈക്കിന് ഷോർട്ട് മഫ്‌ളറും പത്ത് സ്‌പോക്ക് അലോയ് വീൽ ഡിസൈനും അലുമിനിയം ഫിനിഷ്ഡ് ഫൂട്ട് പെഗുകളും ഉണ്ട്.
undefined
184.4സിസി, 4-സ്ട്രോക്ക്, സിംഗിൾ-സിലിണ്ടർ BSVI OBD2 കംപ്ലയിന്റ് PGM-FI എഞ്ചിനാണ് 2023 ഹോണ്ട ഹോർനെറ്റ് 2.0 ന് കരുത്ത് പകരുന്നത്. ഈ എഞ്ചിന് 17.03 bhp കരുത്തും 15.9 Nm ടോര്‍ക്കും ഉത്പാദിപ്പിക്കാൻ സാധിക്കും. OBD2 ഹോർനെറ്റ് 2.0 ഒന്നിലധികം സെൻസറുകളും മോണിറ്റർ ഘടകങ്ങളും ഉപയോഗിക്കുന്നു. അത് എമിഷൻ പ്രകടനത്തില്‍ എന്തെങ്കിലും തകരാർ കണ്ടെത്തിയാൽ, അത് വാഹനത്തിന്റെ ഇൻസ്ട്രുമെന്റ് പാനലിൽ ഒരു മുന്നറിയിപ്പ് ലൈറ്റ് പ്രകാശിപ്പിക്കുന്നു.
ബൈക്കില്‍ പുതിയ അസിസ്റ്റും സ്ലിപ്പർ ക്ലച്ചും വരുന്നു. ഇത് അപ്‌ഷിഫ്റ്റുകൾ സുഗമമാക്കുകയും വേഗത കുറയ്ക്കുമ്പോൾ ഹാർഡ് ഡൗൺ ഷിഫ്റ്റുകളിൽ പിൻ ചക്രം ലോക്ക്-അപ്പ് നിയന്ത്രിക്കുകയും ചെയ്യുന്നു. മോട്ടോർസൈക്കിളിന് ഗോൾഡൻ അപ്‌സൈഡ് ഡൗൺ (USD) മുൻ ഫോർക്കുകളും പിന്നിൽ മോണോഷോക്കും ലഭിക്കും. സ്പീഡോമീറ്റർ, ഓഡോമീറ്റർ, ടാക്കോമീറ്റർ, ബാറ്ററി വോൾട്ട്മീറ്റർ, ട്വിൻ ട്രിപ്പ് മീറ്ററുകൾ, ഗിയർ പൊസിഷൻ ഇൻഡിക്കേറ്റർ, സർവീസ് ഡ്യൂ ഇൻഡിക്കേറ്റർ, ഒരു ക്ലോക്ക് തുടങ്ങിയ വിവരങ്ങൾ പ്രദർശിപ്പിക്കുന്ന പൂർണ്ണമായ ഡിജിറ്റൽ ലിക്വിഡ്-ക്രിസ്റ്റൽ ഇൻസ്ട്രുമെന്റ് പാനൽ ഇതിനുണ്ട്.
സിംഗിൾ-ചാനൽ എബിഎസ് ഉള്ള ഡ്യുവൽ, പെറ്റൽ ഡിസ്‌ക് ബ്രേക്കുകൾ ഉണ്ട്. മോട്ടോർസൈക്കിളിന് വീതിയേറിയ ട്യൂബ്ലെസ് ടയറുകൾ (110 എംഎം ഫ്രണ്ട് & 140 എംഎം പിൻ), എഞ്ചിൻ-സ്റ്റോപ്പ് സ്വിച്ച്, ഹസാർഡ് ലൈറ്റുകൾ, സൈഡ് സ്റ്റാൻഡ് ഇൻഡിക്കേറ്റർ, സീൽ ചെയിൻ എന്നിവയും 2023 ഹോണ്ട ഹോർനെറ്റ് 2.0-ന് ലഭിക്കുന്നു. പുതുക്കിയ ഹോർനെറ്റ് 2.0 പേൾ ഇഗ്നിയസ് ബ്ലാക്ക്, മാറ്റ് സാംഗ്രിയ റെഡ് മെറ്റാലിക്, മാറ്റ് മാർവൽ ബ്ലൂ മെറ്റാലിക്, മാറ്റ് ആക്‌സിസ് ഗ്രേ മെറ്റാലിക്ക് എന്നിങ്ങനെ നാല് കളർ ഓപ്ഷനുകളിൽ ലഭ്യമാണ്.
ഏഷ്യാനെറ്റ് ന്യൂസ് വാർത്തകൾ തത്സമയം കാണാം