എലിവേറ്റിന്റെ രണ്ടാമത്തെ-ബേസ് വേരിയന്റായ Vവേരിയന്റ് ലൂണാർ സിൽവർ എക്സ്റ്റീരിയർ പെയിന്റിലാണ് പൂർത്തിയാക്കിയിരിക്കുന്നത്. അതേസമയം V വേരിയന്റിന് അലോയ് വീലുകൾ, ഫോഗ് ലാമ്പുകൾ, റൂഫ് റെയിലുകൾ, ഒരു പിൻ വൈപ്പർ എന്നിവ ഉണ്ടാകില്ല
ജാപ്പനീസ് വാഹന നിർമ്മാതാക്കളായ ഹോണ്ട 2023 സെപ്റ്റംബർ നാലിന് എലിവേറ്റ് മിഡ്-സൈസ് എസ്‌യുവിയുടെ വിലകൾ പ്രഖ്യാപിക്കും. ഇന്ത്യയിലെ വില എത്രയായുരിക്കുമെന്ന ആകാംക്ഷയിലാണ് വാഹനലോകം. SV, V, VX, ZX എന്നീ നാല് വേരിയന്റുകളിലുടനീളം ഒരൊറ്റ പവർട്രെയിൻ ഓപ്ഷനിലാണ് വാഹനം എത്തുന്നത്. ഔദ്യോഗിക ലോഞ്ചിന് മുന്നോടിയായി, ഡീലർഷിപ്പുകളിൽ V വേരിയന്റ് എത്തി എന്നാണ് പുതിയ റിപ്പോര്‍ട്ട്.
എലിവേറ്റിന്റെ രണ്ടാമത്തെ-ബേസ് വേരിയന്റായ Vവേരിയന്റ് ലൂണാർ സിൽവർ എക്സ്റ്റീരിയർ പെയിന്റിലാണ് പൂർത്തിയാക്കിയിരിക്കുന്നത്. അതേസമയം V വേരിയന്റിന് അലോയ് വീലുകൾ, ഫോഗ് ലാമ്പുകൾ, റൂഫ് റെയിലുകൾ, ഒരു പിൻ വൈപ്പർ എന്നിവ ഉണ്ടാകില്ല. എല്‍ഇഡി ഹെഡ്‌ലാമ്പുകൾ, എല്‍ഇഡി DRL-കൾ, ഷാർക്ക്-ഫിൻ ആന്റിന, ടേൺ ഇൻഡിക്കേറ്ററുകളോട് കൂടിയ ഇലക്ട്രിക്കലി അഡ്‍ജസ്റ്റ് ചെയ്യാവുന്ന ഒആര്‍വിഎമ്മുകൾ, ബോഡി-നിറമുള്ള ഡോർ ഹാൻഡിലുകൾ, എല്‍ഇഡി ടെയിൽലൈറ്റുകൾ എന്നിവ എക്സ്റ്റീരിയര്‍ ഡിസൈൻ ഹൈലൈറ്റുകളിൽ ഉൾപ്പെടുന്നു.
undefined
ഫീച്ചറുകളുടെ കാര്യത്തിൽ, എലിവേറ്റ് വി വേരിയന്റിൽ എട്ട് ഇഞ്ച് ടച്ച്‌സ്‌ക്രീൻ ഇൻഫോടെയ്ൻമെന്റ് സിസ്റ്റം, വയർലെസ് ആൻഡ്രോയിഡ് ഓട്ടോ, ആപ്പിൾ കാർപ്ലേ കണക്റ്റിവിറ്റി, റിയർ വ്യൂ ക്യാമറ, പാർക്കിംഗ് സെൻസറുകൾ, സ്റ്റിയറിംഗ് മൗണ്ടഡ് കൺട്രോളുകൾ എന്നിവ ഉൾപ്പെടുന്നു. എഞ്ചിൻ സ്റ്റാർട്ട്/സ്റ്റോപ്പ് ബട്ടൺ, ഓട്ടോമാറ്റിക് ക്ലൈമറ്റ് കൺട്രോൾ, 60:40 സ്പ്ലിറ്റ് പിൻ സീറ്റുകൾ, റിയർ ഡീഫോഗർ, ഡ്യുവൽ എയർബാഗുകൾ തുടങ്ങിയ ഫീച്ചറുകളും ഓഫറിലുണ്ട്.
സിറ്റി സെഡാന് കരുത്ത് പകരുന്ന 1.5-ലിറ്റർ 4-സിലിണ്ടർ നാച്ചുറലി ആസ്പിറേറ്റഡ് ഐവിടെക്ക് എഞ്ചിനാണ് പുതിയ എലിവേറ്റിന് കരുത്തേകുന്നത്. ഈ എഞ്ചിന് 121PS പവറും 145Nm ടോര്‍ക്കും ഉത്പാദിപ്പിക്കാൻ കഴിയും. ട്രാൻസ്മിഷൻ ചോയിസുകളിൽ 6-സ്പീഡ് മാനുവലും 7-സ്പീഡ് സിവിടിയും ഉൾപ്പെടുന്നു. പുതിയ എലിവേറ്റിന് 4313 എംഎം നീളവും 1790 എംഎം വീതിയും 1650 എംഎം ഉയരവും 2650 എംഎം വീൽബേസും ഉണ്ട്. സെഗ്‌മെന്റിന്റെ ഏറ്റവും വലിയ ഗ്രൗണ്ട് ക്ലിയറൻസ് 220 എംഎം ആണ് ഹൈലൈറ്റ്. ഇത് ക്രെറ്റയുടെ വീൽബേസിനേക്കാൾ 30 എംഎം കൂടുതലാണ്. സെഗ്‌മെന്റിലെ ഏറ്റവും വലിയ 458-ലിറ്റർ ബൂട്ട് സ്പേസും ഇത് വാഗ്ദാനം ചെയ്യുന്നു. ഇടത്തരം വലിപ്പമുള്ള ഈ എസ്‌യുവി എസ്‍വി, വി, വിഎക്സ്, സെഡ്എക്സ് എന്നിങ്ങനെ നാല് ട്രിം ലെവലുകളിൽ ലഭ്യമാണ്. മിക്ക വേരിയന്റുകളിലും മാനുവൽ, ഓട്ടോമാറ്റിക് ഗിയർബോക്‌സ് ഓപ്ഷനുകളുണ്ടാകും. 16.92 കിലോമീറ്റർ വരെ മൈലേജിനൊപ്പം 119 ബിഎച്ച്പിയും 145 എൻഎം പീക്ക് ടോർക്കും ഉൽപ്പാദിപ്പിക്കുന്ന വിധത്തിലാണ് മോട്ടോർ ട്യൂൺ ചെയ്തിരിക്കുന്നത്.
രാജസ്ഥാനിലെ തപുകരയിലുള്ള ഹോണ്ടയുടെ പ്ലാന്‍റിലാണ് എലിവേറ്റിന്റെ നിർമ്മാണം. വിശാലമായ ഹെഡ്‌റൂം, ലെഗ് റൂം, ഉദാരമായ 458 ലിറ്റർ കാർഗോ സ്‌പേസ് എന്നിവയ്‌ക്കൊപ്പം അവിശ്വസനീയമാംവിധം വിശാലമായ ഇന്റീരിയർ എസ്‌യുവി വാഗ്ദാനം ചെയ്യുന്നുവെന്നും ഹോണ്ട അവകാശപ്പെടുന്നു. പരന്ന ഫ്രണ്ട് പ്രൊഫൈലുള്ള ബോൾഡും കരുത്തുള്ളതുമായ പുറംഭാഗം എസ്‌യുവിക്ക് ലഭിക്കുന്നു. കാറിന്റെ മൊത്തത്തിലുള്ള ഡിസൈൻ ശക്തമായ റോഡ് സാന്നിധ്യം ഉറപ്പാക്കുന്നു. പുതിയ മോഡൽ ബുക്കിംഗിന് ലഭ്യമാണ്. താൽപ്പര്യമുള്ള ഉപഭോക്താക്കൾക്ക് ടോക്കൺ നൽകി എസ്‌യുവി ഓൺലൈനിലോ അംഗീകൃത ഹോണ്ട ഡീലർഷിപ്പിലോ മുൻകൂട്ടി ബുക്ക് ചെയ്യാം. 11,000 രൂപയാണ് ബുക്കിംഗ് തുക.
ഏഷ്യാനെറ്റ് ന്യൂസ് വാർത്തകൾ തത്സമയം കാണാം