പുതിയ മോഡൽ ലോഞ്ചുകൾക്ക് മുന്നോടിയായി, അവരുടെ നിലവിലെ പതിപ്പുകൾ ആകർഷകമായ കിഴിവുകളിലും ആനുകൂല്യങ്ങളിലും ലഭ്യമാണ് എന്ന് ഇന്ത്യാ കാര്‍ ന്യൂസ് റിപ്പോര്‍ട്ട് ചെയ്യുന്നു.
രണ്ടാം തലമുറ വിറ്റാര ബ്രെസയെ വരുന്ന ജൂൺ 30ന് അവതരിപ്പിക്കാൻ മാരുതി സുസുക്കി ഇന്ത്യ തയ്യാറെടുക്കുന്നു. ടൊയോട്ടയുടെ ബ്രെസയുടെ റീബാഡ്‍ജ് ചെയ്ത പതിപ്പായ അർബൻ ക്രൂയിസറിനും 2022 ഓഗസ്റ്റിൽ ഒരു അപ്‌ഡേറ്റ് ലഭിക്കും. പുതിയ മോഡൽ ലോഞ്ചുകൾക്ക് മുന്നോടിയായി, അവരുടെ നിലവിലെ പതിപ്പുകൾ ആകർഷകമായ കിഴിവുകളിലും ആനുകൂല്യങ്ങളിലും ലഭ്യമാണ് എന്ന് ഇന്ത്യാ കാര്‍ ന്യൂസ് റിപ്പോര്‍ട്ട് ചെയ്യുന്നു.
പഠിച്ച പണി പതിനെട്ടും പയറ്റി ടാറ്റ, പക്ഷേ പത്തിലെട്ടും മാരുതി!
നിലവിലുള്ള വിറ്റാര ബ്രെസയുടെ എല്ലാ വകഭേദങ്ങളും 17,500 രൂപ വരെ കിഴിവിൽ ലഭിക്കും എന്നാണ് റിപ്പോര്‍ട്ടുകള്‍. 5,000 രൂപ ക്യാഷ് ഡിസ്‌കൗണ്ടും 10,000 രൂപ എക്സ്ചേഞ്ച് ബോണസും 2,500 രൂപ വരെ കോർപ്പറേറ്റ് ഡിസ്‌കൗണ്ടും ഇതിൽ ഉൾപ്പെടുന്നു. മാരുതി വിറ്റാര ബ്രെസയുടെ അടിസ്ഥാന വേരിയന്റിന് 7.84 ലക്ഷം രൂപ മുതൽ ടോപ്പ് എൻഡ് വേരിയന്റിന് 11.49 ലക്ഷം രൂപ വരെയാണ് വില. തലമുറ മാറ്റത്തോടെ, എസ്‌യുവി ചെറിയ വിലവർദ്ധനവിന് സാക്ഷ്യം വഹിക്കാൻ സാധ്യതയുണ്ട്.
Maruti YFG : മാരുതി - ടൊയോട്ട സഖ്യത്തിന്‍റെ പുതിയ മോഡല്‍, കൂടുതല്‍ വിവരങ്ങള്‍ പുറത്ത്
അതേസമയം ടൊയോട്ട അർബൻ ക്രൂയിസറിന് 10,000 രൂപയുടെ ലോയൽറ്റി അല്ലെങ്കിൽ എക്സ്ചേഞ്ച് ബോണസും 10,000 രൂപയുടെ കോർപ്പറേറ്റ് കിഴിവും ലഭിക്കും. അതായത്, വാങ്ങുന്നവർക്ക് മൊത്തം 20,000 രൂപ വരെ ആനുകൂല്യങ്ങൾ ലഭിക്കും. എസ്‌യുവി മോഡൽ ലൈനപ്പ് നിലവിൽ 9.03 ലക്ഷം മുതൽ 11.73 ലക്ഷം രൂപ വരെയാണ്. മേൽപ്പറഞ്ഞ എല്ലാ വിലകളും ദില്ലി എക്സ്-ഷോറൂം വിലകള്‍ ആണ്.
മാരുതി ഇന്ത്യയുടെ ജനപ്രിയ കാർ നിർമ്മാണ കമ്പനിയായി തുടരുന്നത് ഇങ്ങനെ
വമ്പിച്ച കോസ്‌മെറ്റിക്, ഫീച്ചർ അപ്‌ഗ്രേഡുകളുമായാണ് പുതിയ തലമുറ ബ്രെസ എത്തുന്നത്. ഇത് ഒരു പുതിയ 1.5L K15C ഡ്യുവൽജെറ്റ് പെട്രോൾ എഞ്ചിൻ അവതരിപ്പിക്കും. എർട്ടിഗയിൽ നിന്ന് കടമെടുക്കുന്ന മോട്ടോർ 103 ബിഎച്ച്പി കരുത്തും 137 എൻഎം ടോർക്കും നൽകും. നിലവിലുള്ള നാല് സ്‍പീഡ് ഓട്ടോമാറ്റിക് ഗിയർബോക്‌സിന് പകരം പുതിയ ആറ് സ്‍പീഡ് ടോർക്ക് കൺവെർട്ടർ ഓട്ടോമാറ്റിക് ട്രാൻസ്‍മിഷൻ നൽകും.
Vehicle Scrappage : ഇനി വണ്ടി പൊളിക്കാനും മാരുതി, ഇതാ ആ പൊളിക്കലിനെപ്പറ്റി അറിയേണ്ടതെല്ലാം!
ടൊയോട്ടയുടെ പുതുക്കിയ അർബൻ ക്രൂയിസറിന് പുതിയ ബ്രെസയ്ക്ക് സമാനമായ ഡിസൈൻ മാറ്റങ്ങളും ഫീച്ചർ അപ്‌ഡേറ്റുകളും ഉണ്ടായിരിക്കും. എന്നിരുന്നാലും, ഇത് ടൊയോട്ട-നിർദ്ദിഷ്ട സ്റ്റൈലിംഗ് ബിറ്റുകൾ വഹിക്കുന്നത് തുടരും. വയർലെസ് സ്മാർട്ട്‌ഫോൺ കണക്റ്റിവിറ്റി, വയർലെസ് ഫോൺ ചാർജിംഗ്, സിം അധിഷ്‌ഠിത കണക്‌റ്റഡ് കാർ സ്യൂട്ട്, 360 ഡിഗ്രി ക്യാമറ, പുതിയ സെമി-ഡിജിറ്റൽ ഇൻസ്ട്രുമെന്റ് ക്ലസ്റ്റർ തുടങ്ങിയവയുഉള്ള അപ്‌ഡേറ്റ് ചെയ്ത ടച്ച്‌സ്‌ക്രീൻ ഇൻഫോടെയ്ൻമെന്റ് സിസ്റ്റം എസ്‌യുവിക്ക് ലഭിച്ചേക്കാം.
2022 ബ്രെസ മാരുതിയുടെ ആദ്യ സിഎൻജി എസ്‌യുവിയാകും