പുതിയ വാഗൺആർ വാൾട്‌സിൽ കമ്പനി ചില കോസ്‌മെറ്റിക് അപ്‌ഡേറ്റുകൾ നൽകിയിട്ടുണ്ട്. ഇത് സാധാരണ മോഡലിനേക്കാൾ മികച്ചതാക്കുന്നുവെന്ന് കമ്പനി പറയുന്നു. ആകർഷകമായ രൂപവും കരുത്തുറ്റ എഞ്ചിനും സജ്ജീകരിച്ചിരിക്കുന്ന ഈ ഫാമിലി കാറിൻ്റെ പ്രാരംഭ എക്സ് ഷോറൂം വില 5.65 ലക്ഷം രൂപയാണ്.
രാജ്യത്തെ ഏറ്റവും വലിയ കാർ നിർമ്മാതാക്കളായ മാരുതി സുസുക്കി ഇന്ന് തങ്ങളുടെ വാഹന ശ്രേണി അപ്‌ഡേറ്റ് ചെയ്യുകയും പ്രശസ്ത ഹാച്ച്ബാക്ക് കാറായ വാഗൺആറിൻ്റെ പുതിയ വാൾട്ട്സ് എഡിഷൻ പുറത്തിറക്കുകയും ചെയ്തു. പുതിയ വാഗൺആർ വാൾട്‌സിൽ കമ്പനി ചില കോസ്‌മെറ്റിക് അപ്‌ഡേറ്റുകൾ നൽകിയിട്ടുണ്ട്. ഇത് സാധാരണ മോഡലിനേക്കാൾ മികച്ചതാക്കുന്നുവെന്ന് കമ്പനി പറയുന്നു. ആകർഷകമായ രൂപവും കരുത്തുറ്റ എഞ്ചിനും സജ്ജീകരിച്ചിരിക്കുന്ന ഈ ഫാമിലി കാറിൻ്റെ പ്രാരംഭ എക്സ് ഷോറൂം വില 5.65 ലക്ഷം രൂപയാണ്.
LXi, VXi, ZXi എന്നീ മൂന്ന് വേരിയൻ്റുകളിലാണ് വാഗൺആർ വാൾട്ട്സ് എഡിഷൻ മാരുതി സുസുക്കി അവതരിപ്പിച്ചത്. പരിഷ്‍കരിച്ച ക്രോം ഫ്രണ്ട് ഗ്രിൽ, ക്രോം ഗാർണിഷോടുകൂടിയ ഫോഗ് ലാമ്പുകൾ, വീൽ ആർച്ച് ക്ലാഡിംഗ്, സൈഡ് സ്കർട്ടുകൾ, സൈഡ് ബോഡി മോൾഡിംഗ് തുടങ്ങിയവ ഇതിൽ ഉൾപ്പെടുന്നു. ഈ പുതിയ ഘടകങ്ങൾ കാറിൻ്റെ പുറംഭാഗത്തിന് കൂടുതൽ സ്പോർട്ടി ലുക്ക് നൽകാൻ സഹായിക്കുന്നു.
1.2 ലിറ്റർ പെട്രോൾ, 1.0 ലിറ്റർ പെട്രോൾ എഞ്ചിൻ ഓപ്ഷനുകളോടെയാണ് കമ്പനി വാഗൺആർ വാൾട്ട്സ് എഡിഷൻ അവതരിപ്പിച്ചിരിക്കുന്നത്. വലിയ എഞ്ചിൻ 5-സ്പീഡ് മാനുവൽ, ഓട്ടോമാറ്റിക് ട്രാൻസ്മിഷനുകളിലും ലഭ്യമാണ്. ഇതിനുപുറമെ, കമ്പനി ഘടിപ്പിച്ച സിഎൻജി വേരിയൻ്റിലും ഈ കാർ അവതരിപ്പിച്ചിട്ടുണ്ട്. പെട്രോൾ വേരിയൻറ് ലിറ്ററിന് 25.19 കിലോമീറ്ററും സിഎൻജി വേരിയൻറ് കിലോഗ്രാമിന് 33.48 കിലോമീറ്ററും മൈലേജ് നൽകുമെന്ന് കമ്പനി അവകാശപ്പെടുന്നു.
കാറിനുള്ളിലെ ക്യാബിനിലും കമ്പനി ചില അപ്‌ഡേറ്റുകൾ നൽകിയിട്ടുണ്ട്. ഇതിൽ പുതിയ ഫ്ലോർ മാറ്റുകളും സീറ്റ് കവറുകളും ഉൾപ്പെടുത്തിയിട്ടുണ്ട്. ഈ കാറിൽ ചില പുതിയ സുരക്ഷാ ഫീച്ചറുകൾ ചേർത്തിട്ടുണ്ട്. ഈ കാറിൽ ഇപ്പോൾ ആൻ്റി ലോക്ക് ബ്രേക്കിംഗ് സിസ്റ്റം (എബിഎസ്), ഇലക്ട്രോണിക് ബ്രേക്ക് ഫോഴ്സ് ഡിസ്ട്രിബ്യൂഷൻ (ഇബിഡി) ഉള്ള ഇലക്ട്രോണിക് സ്റ്റെബിലിറ്റി കൺട്രോൾ (ഇഎസ്‌സി) എന്നിവ സജ്ജീകരിച്ചിരിക്കുന്നു. ഇതുകൂടാതെ, മറ്റ് സവിശേഷതകൾ മുമ്പത്തേതിന് സമാനമാണ്. ഡ്യുവൽ എയർബാഗുകൾ, റിയർ പാർക്കിംഗ് സെൻസർ, സ്പീഡ് ലിമിറ്റ് അലേർട്ട് തുടങ്ങിയവയുണ്ട്. ഇതിന് പുറമെ 6.2 ഇഞ്ച് ടച്ച് സ്‌ക്രീൻ ഇൻഫോടെയ്ൻമെൻ്റ് സിസ്റ്റം, പുതിയ സ്പീക്കറുകൾ, സുരക്ഷാ സംവിധാനം, റിവേഴ്‌സ് പാർക്കിംഗ് ക്യാമറ തുടങ്ങിയ സൗകര്യങ്ങളും ഒരുക്കിയിട്ടുണ്ട്. ഈ സവിശേഷതകൾ ഉൾപ്പെടുത്തിയ ശേഷം, അതിൻ്റെ ക്യാബിൻ അൽപ്പം നവീകരിച്ചതായിട്ടാണ് റിപ്പോര്‍ട്ടുകൾ.