ബുന്ദേൽഖണ്ഡ് എക്സ്പ്രസ് വേയെ പിപിപി മാതൃകയിൽ സൗരോർജ്ജത്തിൽ പ്രവർത്തിക്കുന്ന എക്സ്പ്രസ് വേയായി മാറ്റാനാണ് സംസ്ഥാന സർക്കാർ പദ്ധതിയിടുന്നത്. 550 മെഗാവാട്ട് സൗരോർജ വൈദ്യുതി ഇവിടെനിന്ന് ഉൽപ്പാദിപ്പിക്കാനാണ് ലക്ഷ്യമിടുന്നത്.
പൂർണമായും സൗരോർജ്ജത്തെ ആശ്രയിക്കുന്ന ആദ്യത്തെ ഗ്രീൻഫീൽഡ് എക്സ്പ്രസ് വേയായി മാറാൻ ഉത്തർപ്രദേശിലെ ബുന്ദേൽഖണ്ഡ് എക്സ്പ്രസ് വേ തയ്യാറെടുക്കുന്നു. കഴിഞ്ഞ വർഷമാണ് പ്രധാനമന്ത്രി നരേന്ദ്ര മോദി ഈ അതിവേഗ പാത ഉദ്ഘാടനം ചെയ്‍തത്. ഇപ്പോൾ ബുന്ദേൽഖണ്ഡ് എക്‌സ്‌പ്രസ്‌വേയിൽ സോളാർ പാനലുകൾ സ്ഥാപിച്ചതായാണ് പുതിയ റിപ്പോര്‍ട്ടുകൾ. ഇത് യാത്രക്കാർക്ക് വെളിച്ചം നൽകാൻ സഹായിക്കുന്നതിന് മാത്രമല്ല, ഇലക്ട്രിക് വാഹനങ്ങൾക്കും ഹൈവേയ്‌ക്കരികിലുള്ള വീടുകൾക്കും ഊർജ്ജം പ്രദാനം ചെയ്യും എന്നുമാണ് റിപ്പോര്‍ട്ടുകൾ. ബുന്ദേൽഖണ്ഡ് എക്സ്പ്രസ് വേയെ പിപിപി മാതൃകയിൽ സൗരോർജ്ജത്തിൽ പ്രവർത്തിക്കുന്ന എക്സ്പ്രസ് വേയായി മാറ്റാനാണ് സംസ്ഥാന സർക്കാർ പദ്ധതിയിടുന്നത്. 550 മെഗാവാട്ട് സൗരോർജ വൈദ്യുതി ഇവിടെനിന്ന് ഉൽപ്പാദിപ്പിക്കാനാണ് ലക്ഷ്യമിടുന്നത്.
ഉത്തർപ്രദേശ് എക്‌സ്‌പ്രസ്‌വേ ഇൻഡസ്ട്രിയൽ ഡെവലപ്‌മെന്റ് അതോറിറ്റി (യുപിഇഐഡിഎ) പിപിപി മാതൃകയിൽ നിർമ്മിക്കുന്ന ഈ പ്രോജക്റ്റിനായുള്ള ലേല നടപടികൾ ആരംഭിച്ചു. ടസ്‌കോ, ടോറന്റ് പവർ, സോമയ സോളാർ സൊല്യൂഷൻസ്, 3ആർ മാനേജ്‌മെന്റ്, അവാദ എനർജി, ആട്രിയ ബൃന്ദാവൻ പവർ, എറിഷ ഇ മൊബിലിറ്റി, മഹാപ്രീത് തുടങ്ങി എട്ടോളം സോളാർ പവർ ഡെവലപ്പർമാർ മത്സരരംഗത്തുണ്ട്. ഉത്തർപ്രദേശ് സർക്കാരിന്റെ സൗരോർജ്ജ നയം 2022 ന്റെ ഭാഗമാണ് ഈ നൂതനവും സുസ്ഥിരവുമായ അടിസ്ഥാന സൗകര്യ പദ്ധതി. 2026-27 ഓടെ 22,000 മെഗാവാട്ട് സൗരോർജ്ജ പദ്ധതികൾ എന്ന ലക്ഷ്യം കൈവരിക്കാൻ നയം ലക്ഷ്യമിടുന്നു, ഇത് പുനരുപയോഗ ഊർജത്തോടുള്ള സംസ്ഥാനത്തിന്റെ പ്രതിബദ്ധത പ്രകടമാക്കുന്നു.
undefined
ശബരിമലയിൽ കൂട്ടംതെറ്റി കുഞ്ഞുമാളികപ്പുറം, രക്ഷകരായത് എംവിഡി, നെഞ്ചും കണ്ണും നിറഞ്ഞ് കുടുംബം!
2022 ജൂലൈ 15 ന് ഉത്തർപ്രദേശ് മുഖ്യമന്ത്രിയുടെ സാന്നിധ്യത്തിൽ ബുന്ദേൽഖണ്ഡ് എക്സ്പ്രസ് വേ ഉദ്ഘാടനം ചെയ്‍തത്. ഉത്തർപ്രദേശ് എക്‌സ്‌പ്രസ്‌വേസ് ഇൻഡസ്ട്രിയൽ ഡെവലപ്‌മെന്റ് അതോറിറ്റിയുടെ (യുപിഇഐഡിഎ) കീഴിൽ ഏകദേശം 14,850 കോടി രൂപ ചെലവിൽ 296 കി.മീ നാലുവരി എക്സ്പ്രസ് വേ നിർമ്മിച്ചിരിക്കുന്നത്. പിന്നീട് ഇത് ആറ് വരികളായി വികസിപ്പിക്കാനും കഴിയും. എക്സ്പ്രസ് വേ ബുന്ദേൽഖണ്ഡ് മേഖലയെ ഇറ്റാവയ്ക്ക് സമീപമുള്ള ആഗ്ര-ലക്‌നൗ എക്സ്പ്രസ് വേയുമായി ബന്ധിപ്പിക്കുന്നു. ഇത് ചിത്രകൂട് ജില്ലയിലെ ഭരത്കൂപ്പിനടുത്തുള്ള ഗോണ്ട ഗ്രാമത്തിൽ NH-35 മുതൽ ആഗ്ര-ലഖ്‌നൗ എക്സ്പ്രസ് വേയുമായി ലയിക്കുന്ന ഇറ്റാവ ജില്ലയിലെ കുദ്രൈൽ ഗ്രാമത്തിന് സമീപം വരെ നീളുന്നു. ചിത്രകൂട്, ബന്ദ, മഹോബ, ഹമീർപൂർ, ജലൗൻ, ഔറയ്യ, ഇറ്റാവ എന്നിവയുൾപ്പെടെ ഏഴ് ജില്ലകളിലൂടെ ഇത് കടന്നുപോകുന്നു. ഈ ജില്ലകൾക്കിടയിൽ, ബാഗെൻ, കെൻ, ശ്യാമ, ചന്ദവാൽ, ബിർമ, യമുന, ബേത്വ, സെൻഗർ തുടങ്ങിയ നദികൾ ഒഴുകുന്നു.
ബുന്ദേൽഖണ്ഡ് എക്സ്പ്രസ് വേ സൗരോർജ്ജത്തിൽ പ്രവർത്തിക്കുന്ന ഹൈവേയാക്കി മാറ്റാൻ സംസ്ഥാന സർക്കാർ 1,700 ഹെക്ടർ ഭൂമി കണ്ടെത്തിയിട്ടുണ്ട്. നാലുവരി എക്സ്പ്രസ് വേയെ ഒരു പ്രത്യേക സർവീസ് പാത കൂടാതെ രണ്ട് ഭാഗങ്ങളായി തിരിച്ചിരിക്കുന്നു. 20 മീറ്ററോളം വരുന്ന രണ്ട് പാതകൾക്കിടയിൽ സോളാർ പാനലുകൾ സ്ഥാപിക്കും. എക്സ്പ്രസ് വേയെ അതിനടുത്തുള്ള കൃഷിഭൂമിയിൽ നിന്ന് വേർതിരിക്കുന്നതിന് ഫെൻസിംഗിനായിട്ടാണ് ഈ ഭൂപ്രദേശം നിലവിൽ ഉപയോഗിക്കുന്നത്. സൗരോർജ്ജത്തിൽ പ്രവർത്തിക്കുന്ന ബുന്ദേൽഖണ്ഡ് എക്സ്പ്രസ് വേയ്ക്ക് യുപിഇഐഡിഎയുടെ പാട്ട വാടക വഴി നാലുകോടി രൂപ വരെ പ്രവർത്തനക്ഷമമാകും. എക്സ്പ്രസ് വേ നിർമ്മിക്കുന്ന ഊർജത്തിന്റെ ചെലവ് പ്രതിവർഷം 50 കോടി രൂപ ലാഭമുണ്ടാക്കും.