അന്താരാഷ്ട്രതലത്തില്‍ പ്രശസ്‍തനായ ചൈനീസ് മൾട്ടിമീഡിയ ആർട്ടിസ്റ്റ് കാവോ ഫീയുമായി സഹകരിച്ചാണ് ബിഎംഡബ്ല്യു ഡിജിറ്റൽ ആർട്ട് മോഡ് നിർമ്മിച്ചിരിക്കുന്നത്. കുത്തുകൾ നിറഞ്ഞ വിഷ്വൽ സ്പേസുകളുടെ ഗാലക്‌സികളും പ്രകാശകിരണങ്ങളും നെബുലകളും പരസ്‍പരം അങ്ങോട്ടും ഇങ്ങോട്ടും നിരന്തരം നീങ്ങുന്നു.
പുതിയ മൈ മോഡ് ഫീച്ചറിന്റെ ഭാഗമായി ജര്‍മ്മന്‍ (German) ആഡംബര വാഹന നിര്‍മ്മാതാക്കളായ ബിഎംഡബ്ല്യു (BMW) തങ്ങളുടെ വാഹനങ്ങൾക്കായി ഡിജിറ്റൽ ആർട്ട് മോഡൽ അവതരിപ്പിച്ചു. 2022-ൽ ലാസ് വെഗാസിൽ നടന്ന കൺസ്യൂമർ ഇലക്ട്രോണിക്‌സ് ഷോയിൽ (CES) BMW iX M60 ഇലക്ട്രിക് വാഹനത്തിനുള്ളിൽ കാർ നിർമ്മാതാവ് ആദ്യമായി ഡിജിറ്റൽ ആർട്ട് മോഡ് പ്രദർശിപ്പിച്ചു. ഈ വർഷം മറ്റ് ബിഎംഡബ്ല്യു (BMW) സീരീസ് വാഹനങ്ങൾക്കും ഈ ഫീച്ചർ ലഭ്യമാകും എന്നാണ് റിപ്പോര്‍ട്ടുകള്‍.
തിരഞ്ഞെടുത്ത ബിഎംഡബ്ല്യു മോഡലുകൾ ഡിജിറ്റൽ ആർട്ട് മോഡിനൊപ്പം നേരിട്ട് കോൺഫിഗർ ചെയ്‌ത ഇഷ്‍ടാനുസൃത ഓപ്‌ഷണൽ ഫീച്ചറായി ലഭ്യമാകും. ഉപയോക്തൃ ഇന്റർഫേസിലേക്ക് സംയോജിപ്പിച്ചിരിക്കുന്ന വിദൂര സോഫ്റ്റ്‌വെയർ അപ്‌ഗ്രേഡുകൾ വഴി മറ്റ് ചില മോഡലുകൾ ഈ മോഡ് ഉപയോഗിച്ച് പുനഃക്രമീകരിക്കാൻ കഴിയും.
undefined
ബിഎംഡബ്ല്യു കൾച്ചറൽ എൻഗേജ്‌മെന്റിന്റെ 50-ാം വാർഷികത്തോട് അനുബന്ധിച്ച് പ്രശസ്‍ത ചൈനീസ് മൾട്ടിമീഡിയ ആർട്ടിസ്റ്റ് കാവോ ഫെയ്‌യുമായി സഹകരിച്ചാണ് ആർട്ട് മോഡ് സൃഷ്‌ടിച്ചത്. ഒരു ബട്ടണിന്റെയോ വോയ്‌സ് കൺട്രോൾ സ്‌പർശനത്തിലൂടെയോ ഡ്രൈവിംഗ് സാഹചര്യത്തെയും മൊത്തത്തിലുള്ള മാനസികാവസ്ഥയെയും ആശ്രയിച്ച് ആർട്ട് മോഡ് മെച്ചപ്പെട്ട ഡ്രൈവിംഗ് അനുഭവം നൽകുന്നു.
ഡിജിറ്റൽ ആർട്ട് മോഡിൽ ഇടപഴകുമ്പോൾ, ഡ്രൈവ് കൺട്രോളും സ്റ്റിയറിംഗ് നിയന്ത്രണവും, മൂഡ് ലൈറ്റിംഗും ശബ്‍ദവും അതുപോലെ തന്നെ ബിഎംഡബ്ല്യു കർവ് ഡിസ്പ്ലേയുടെ കളർ സ്‍കീമും ഗ്രാഫിക്സും സമന്വയിപ്പിക്കപ്പെടുന്നു. കുത്തുകൾ, പ്രകാശ രശ്‍മികൾ, നെബുലകൾ എന്നിവയാൽ നിറയുന്ന വിഷ്വൽ സ്പേസുകളുടെ ഗാലക്സികളാണ് ഡിജിറ്റൽ ആർട്ടിന്റെ സവിശേഷത.
2017-ൽ കാവോ ഫെയ് ആണ് ഡിജിറ്റൽ ആർട്ട് കൺസെപ്റ്റ് ആദ്യമായി രൂപകല്പന ചെയ്‍തത്. ഒരു ഓട്ടോമൊബൈലിൽ ഡിജിറ്റൽ ആർട്ട് ആദ്യമായി സംയോജിപ്പിച്ചതിന് ശേഷം, കാവോ ഫെയും ബിഎംഡബ്ല്യു ഗ്രൂപ്പും ഇപ്പോൾ ഈ പങ്കാളിത്തത്തിൽ അടുത്ത ചുവടുവെപ്പ് നടത്തുകയാണ്. "പുതിയ ഡിജിറ്റൽ ആർട്ട് മോഡ് ഉപയോഗിച്ച്, ബിഎംഡബ്ല്യു കൾച്ചറൽ എൻഗേജ്‌മെന്റ് പുതിയ ഉയരങ്ങളിലെത്തുന്നു, അതേസമയം തികച്ചും അദ്വിതീയമായ അനുഭവം സൃഷ്‍ടിക്കുന്നു," ബിഎംഡബ്ല്യു ഗ്രൂപ്പിന്റെ ഡിജിറ്റൽ കാർ സീനിയർ വൈസ് പ്രസിഡന്റ് ക്രിസ്റ്റോഫ് ഗ്രോട്ട് പറഞ്ഞു.
അതേസമയം കമ്പനിയെക്കുറിച്ചുള്ള മറ്റ് വാര്‍ത്തകള്‍ പരിശോധിക്കുകയാണെങ്കില്‍ വാഹനത്തിന്‍റെ നിറം മാറുന്ന സാങ്കേതിക വിദ്യയുള്ള പുതിയ കാർ പ്രദർശിപ്പിച്ച് ലാസ് വേഗാസി സിഇഎസ് (CES) ഇവന്‍റിൽ ബിഎംഡബ്ല്യു ലോകത്തെ അമ്പരപ്പിച്ചിരുന്നു. ബിഎംഡബ്ല്യു iX Flow എന്ന് പേരിട്ടിരിക്കുന്ന കാർ നിറം മാറുന്നതിന്‍റെ വിഡിയോയും പുറത്തുവന്നിട്ടുണ്ട്. കമ്പനിയുടെ ഇൻ-ഹൗസ് 'ഇ-ഇങ്ക്' സാങ്കേതികവിദ്യ ഉപയോഗിച്ചാണ് കാർ നിറംമാറുന്നത്. കാർ ഓടിക്കൊണ്ടിരിക്കുമ്പോൾ തന്നെ കളർ മാറ്റാമെന്നതാണ് പ്രത്യേകത.
iX ഫ്ലോയുടെ രൂപരേഖയ്ക്ക് അനുസൃതമായി പ്രത്യേകം വികസിപ്പിച്ചെടുത്ത ബോഡി റാപ്പിലൂടെയാണ് വർണ്ണ മാറ്റങ്ങൾ സാധ്യമാക്കുന്നത്. അതായത്, വൈദ്യുത സിഗ്നലുകൾ ഉപയോഗിച്ച് ഉത്തേജിപ്പിക്കുമ്പോൾ അതിന്റെ ഉപരിതലത്തിന്റെ പിഗ്മെന്‍റുകൾ അല്ലെങ്കിൽ നിറങ്ങൾ മാറ്റാൻ കാറിലെ കളർ ചേഞ്ചിങ് സംവിധാനം ഇലക്ട്രോഫോറെറ്റിക് സാങ്കേതികവിദ്യ ഉപയോഗിക്കുന്നു. ആമസോണിന്റെ കിൻഡിൽ ഉപകരണങ്ങൾ പോലെയുള്ള ഇ-റീഡറുകളിൽ ഉപയോഗിക്കുന്ന സമാനമായ സാങ്കേതികവിദ്യയാണിത്. അതായത് പരിചിതമായ സാങ്കേതികവിദ്യയുടെ തികച്ചും അപ്രതീക്ഷിതമായ ആവിഷ്‌കാരമാണ് ബിഎംഡബ്ല്യു നടത്തിയിരിക്കുന്നതെന്ന് ചുരുക്കം.
നിലവിൽ, ഇലക്ട്രോഫോറെറ്റിക് അടിസ്ഥാനമാക്കിയുള്ള ഇ-ഇങ്ക് സാങ്കേതികവിദ്യയ്ക്ക് വെള്ളയിൽ നിന്ന് കറുപ്പിലേക്കും തിരിച്ചും മാത്രമേ മാറാൻ കഴിയൂ. നെഗറ്റീവ് ചാർജുള്ള വെളുത്ത പിഗ്മെന്റുകളും പോസിറ്റീവ് ചാർജുള്ള കറുത്ത പിഗ്മെന്റുകളും അതിനായി ഉപയോഗിക്കുന്നു. കൂടാതെ, പുതിയ ഇ-ഇങ്ക് സാങ്കേതികവിദ്യയ്ക്ക് കാറിന്റെ വ്യക്തിഗത ബോഡി പാനലുകളുടെ നിറം മാറ്റാനും കഴിയും. അത് വാഹനത്തിന് ഒരു ഡ്യുവൽ ടോൺ ലുക്ക് നൽകും.
ആളുകളുടെ മൂഡിനും ഇഷ്‍ടങ്ങൾക്കുമനുസുരിച്ച് അവരുടെ കാറിന് വ്യത്യസ്ത രൂപങ്ങളും ഡിസൈനുകളും പാറ്റേണുകളും നൽകാൻ അനുവദിക്കും എന്നതിന് പുറമേ ഇതിന് പ്രായോഗികമായ മറ്റ് ചില ഉപയോഗങ്ങളുമുണ്ട്. ഉദാഹരണത്തിന്, വെള്ള നിറം കൂടുതൽ ചൂട് ആഗിരണം ചെയ്യാത്തതിനാൽ, ഡ്രൈവർമാർക്ക് ചൂടുള്ള പ്രദേശങ്ങളിൽ കാറിന്റെ നിറം വെള്ളയായി സജ്ജീകരിക്കാനും എയർ കണ്ടീഷനിംഗ് ഉപയോഗം കുറയ്ക്കാനും സാധിക്കും. ശൈത്യകാലത്ത്, ചുറ്റുപാടിൽ നിന്ന് കൂടുതൽ ചൂട് ആഗിരണം ചെയ്യാൻ അവർക്ക് കാർ കറുപ്പ് നിറത്തിലേക്ക് മാറ്റാനും അതിലൂടെ കാർ ഹീറ്റിങ് സിസ്റ്റത്തിന്‍റെ ആവശ്യകത കുറയ്ക്കാനും കഴിയും.