ഈ ദസറ ബോളിവുഡ് സുന്ദരിമാരായ ശ്രദ്ധ കപൂറും പൂജ ഹെഗ്‌ഡെയും ഗംഭീരമായി ആഘോഷിച്ചിരിക്കുന്നു. ഇരുവരും തങ്ങളുടെ ഗാരേജിലേക്ക് വിലകൂടിയ കാറുകളെ ചേര്‍ത്തിരിക്കുന്നു. 4.8 കോടി രൂപ വിലമതിക്കുന്ന ചുവന്ന ലംബോർഗിനി ഹുറാകാൻ ടെക്‌നിക്കയാണ് ശ്രദ്ധ കപൂർ ഗാരേജിലാക്കിയതെങ്കില്‍ പൂജാ ഹെഗ്‌ഡെ നാല് കോടിയോളം രൂപ വിലയുള്ള പുതിയ റേഞ്ച് റോവർ എസ്‌വിയാണ് വാങ്ങിയത്.
ദസറ ജനജീവിതത്തിൽ സന്തോഷം നൽകുന്നു. ചിലർ ഈ ദിവസം കാർ-ബൈക്ക് പോലുള്ള പുതിയ വാഹനങ്ങൾ വാങ്ങി ഈ ഉത്സവം ആഘോഷിക്കുന്നു. സാധാരണക്കാർക്കൊപ്പം ബോളിവുഡ് താരങ്ങളും ഈ ഉത്സവം ആഘോഷിക്കുന്നുണ്ട്. ഈ ദസറ ബോളിവുഡ് സുന്ദരിമാരായ ശ്രദ്ധ കപൂറും പൂജ ഹെഗ്‌ഡെയും ഗംഭീരമായി ആഘോഷിച്ചിരിക്കുന്നു. ഇരുവരും തങ്ങളുടെ ഗാരേജിലേക്ക് വിലകൂടിയ പുതിയ കാറുകളെ ചേര്‍ത്തിരിക്കുന്നു. 4.8 കോടി രൂപ വിലമതിക്കുന്ന ചുവന്ന ലംബോർഗിനി ഹുറാകാൻ ടെക്‌നിക്കയാണ് ശ്രദ്ധ കപൂർ ഗാരേജിലാക്കിയതെങ്കില്‍ പൂജാ ഹെഗ്‌ഡെ നാല് കോടിയോളം രൂപ വിലയുള്ള പുതിയ റേഞ്ച് റോവർ എസ്‌വിയാണ് വാങ്ങിയത് എന്നാണ് റിപ്പോര്‍ട്ടുകള്‍.
രണ്ട് നടിമാരും പുതിയ കാറുമായി നിൽക്കുന്ന ചിത്രങ്ങൾ സോഷ്യൽ മീഡിയയിൽ വൈറലാകുകയാണ്. ഈ ചിത്രങ്ങളില്‍ രണ്ട് നടിമാരെയും അവരുടെ പുതിയ കാറുമായി കാണാം. പുതിയ ചുവന്ന ലംബോർഗിനി ഹുറികെയ്ൻ ടെക്നിക്കയ്‌ക്കൊപ്പം ശ്രദ്ധ കപൂർ സെല്‍ഫിയെടുത്തു. സുഹൃത്ത് പൂജ ചൗധരിയാണ് ശ്രദ്ധ കപൂറിനൊപ്പമുള്ള ഈ ഫോട്ടോ പോസ്റ്റ് ചെയ്‍തിരിക്കുന്നത്. ഈ കാറിന്റെ ഇന്ത്യയിലെ എക്സ്-ഷോറൂം വില 4.04 കോടി രൂപയാണ്. ലംബോർഗിനി ഹുറാകാൻ 2022 ഓഗസ്റ്റിൽ ഇന്ത്യയിൽ അവതരിപ്പിച്ചു. 640 എച്ച്‌പി പവറും 565 എൻഎം ടോർക്കും ഉൽപ്പാദിപ്പിക്കുന്ന 5.2 ലിറ്റർ, എൻഎ വി10 എഞ്ചിനാണ്ഈ കാറിന്റെ ഹൃദയം. അതേസമയം ഔഡി ക്യു 7, മെഴ്‌സിഡസ് ബെൻസ് എംഎൽ, മെഴ്‌സിഡസ് ബെൻസ് ജിഎൽഎ, ബിഎംഡബ്ല്യു 7 സീരീസ്, ടൊയോട്ട ഫോർച്യൂണർ തുടങ്ങിയ വേറെ കിടിലൻ ആഡംബര കാറുകളും ശ്രദ്ധ കപൂറിന്‍റെ ഗാരേജിലുണ്ട്.
നാല് കോടി രൂപ വിലമതിക്കുന്ന പുതിയ റേഞ്ച് റോവർ എസ്‌വിക്ക് മുന്നിൽ ബോളിവുഡ് നടി പൂജ ഹെഗ്‌ഡെ കുടുംബത്തോടൊപ്പം പോസ് ചെയ്യുന്ന ചിത്രങ്ങളും വൈറലാണ്. നീല അനാർക്കലി വസ്ത്രം ധരിച്ച ഹെഗ്‌ഡെ തന്റെ പുതിയ കാറിൽ നിന്ന് ഇറങ്ങുന്നതും കാണാം. ബ്രിട്ടീഷ് എസ്‌യുവി നിർമ്മാതാക്കളായ ലാൻഡ് റോവറിന്റെ ഓഫ്-റോഡർ ഡിഫൻഡർ എക്കാലത്തെയും മികച്ച എസ്‌യുവികളിലൊന്നാണ്. വ്യവസായികൾ, രാഷ്ട്രീയക്കാർ, സെലിബ്രിറ്റികൾ തുടങ്ങിയവര്‍ക്കിടയില്‍ ഈ എസ്‌യുവി വളരെ ജനപ്രിയമാണ്. അടുത്തിടെ പ്രശസ്‍ത ബോളിവുഡ് നടി കരീന കപൂറും ഈ ആഡംബര എസ്‌യുവി വാങ്ങിയിരുന്നു.