ഈ രാജാവിന്റെ പ്രത്യേകത എന്തെന്നല്ലേ? കലിയുഗത്തിലെ കുബേരൻ എന്നാണ് ഈ രാജാവ് അറിയപ്പെടുന്നത്. കിംഗ് രാമ X എന്നും അറിയപ്പെടുന്ന മഹാ വജിറലോങ്‌കോൺ ലോകത്തിലെ ഏറ്റവും ധനികനായ വ്യക്തികളിൽ ഒരാള്‍ കൂടിയാണ്.
തായ്‌ലൻഡിൽ പുതിയ മന്ത്രിസഭയ്ക്ക്‌ അംഗീകാരം അടുത്തിടെയാണ് ലഭിച്ചത്. പൊതു തെരഞ്ഞെടുപ്പ്‌ കഴിഞ്ഞ്‌ മൂന്നു മാസങ്ങള്‍ക്ക് ശേഷമാണ് അംഗീകാരം ലഭിച്ചത് എന്നതാണ് ശ്രദ്ധേയം. തായ്ലൻഡ് രാജാവ് മഹാ വജിറലോങ്‌കോൺ ആണ് അംഗീകാരം നല്‍കിയത്. ഇതോടെ പ്രധാനമന്ത്രി ശ്രേത്ത തവിസിൻ നയിക്കുന്ന സർക്കാരിന് അധികാരമേറ്റെടുക്കാൻ വഴിയൊരുങ്ങി. ഫ്യൂ തായ് പാർടി പ്രതിനിധിയായ ശ്രേത്തയെ പ്രധാനമന്ത്രിയായി ആഗസ്‌ത്‌ 22നാണ്‌ തെരഞ്ഞെടുത്തത്‌. ധനമന്ത്രിപദവും അദ്ദേഹം വഹിക്കും. മേയിലെ തെരഞ്ഞെടുപ്പിൽ കൂടുതൽ സീറ്റ്‌ നേടിയ മൂവ് ഫോർവേഡ് പാർടി രൂപീകരിച്ച സഖ്യത്തിന് പാർലമെന്റ് അംഗീകാരം നൽകുന്നതിൽ പരാജയപ്പെട്ടതാണ് പുതിയ സർക്കാർ രൂപീകരിക്കുന്നതിൽ കാലതാമസമുണ്ടാക്കിയത് എന്നാണ് റിപ്പോര്‍ട്ടുകള്‍. എന്തായാലും ഇതോടെ വീണ്ടും വാര്‍ത്തകളില്‍ നിറഞ്ഞിരിക്കുകയാണ് തായ്ലൻഡ് രാജാവ് വജിറലോങ്‌കോൺ.
ഈ രാജാവിന്റെ പ്രത്യേകത എന്തെന്നല്ലേ? കലിയുഗത്തിലെ കുബേരൻ എന്നാണ് ഈ രാജാവ് അറിയപ്പെടുന്നത്. കിംഗ് രാമ X എന്നും അറിയപ്പെടുന്ന മഹാ വജിറലോങ്‌കോൺ ലോകത്തിലെ ഏറ്റവും ധനികനായ വ്യക്തികളിൽ ഒരാള്‍ കൂടിയാണ്. വജ്രങ്ങളുടെയും രത്നങ്ങളുടെയും ഒരു വലിയ ശേഖരം രാമ X രാജാവിന്റെ പക്കലുണ്ട്. ആയിരക്കണക്കിന് ഏക്കർ ഭൂമിയും കാറുകളുടെ കൂട്ടവും മറ്റ് നിരവധി ആഡംബര വസ്തുക്കളും അദ്ദേഹത്തിനുണ്ട്. തായ്‌ലൻഡിലെ രാജകുടുംബത്തിന്റെ സമ്പത്ത് 40 ബില്യൺ യുഎസ് ഡോളറിലധികം വരും. അതായത് ഏകേദേശം 3.2 ലക്ഷം കോടിയോളം വരും ഇത്.
undefined
പെട്രോളിനേക്കാള്‍ വൻ ലാഭം, ഗ്യാസുകുറ്റി ഘടിപ്പിച്ച് ബൈക്കോടിച്ച് ജനം, തലയില്‍ കൈവച്ച് എംവിഡി!
തായ് രാജാവിന്റെ വാഹനശേഖരമാണ് അമ്പരപ്പിക്കുന്നത്. രാജാവിന് 21 ഹെലികോപ്റ്ററുകൾ ഉൾപ്പെടെ 38 വിമാനങ്ങളുണ്ട് എന്നാണ് റിപ്പോര്‍ട്ടുകള്‍. ഇതിൽ ബോയിംഗ്, എയർബസ് വിമാനം, സുഖോയ് സൂപ്പർജെറ്റ് എന്നിവ ഉൾപ്പെടുന്നു. ഇന്ധനം നിറയ്ക്കാനും ഈ വിമാനങ്ങളുടെ മറ്റ് അറ്റകുറ്റപ്പണികൾക്കായി അദ്ദേഹം പ്രതിവർഷം 524 കോടി രൂപ ചെലവഴിക്കുന്നുണ്ട് എന്നാണ് കണക്കുകള്‍. ലിമോസിൻ, മെഴ്‌സിഡസ് ബെൻസ് എന്നിവയുൾപ്പെടെ 300-ലധികം വിലയേറിയ കാറുകൾ ഉൾപ്പെടുന്ന വലിയൊരു കൂട്ടം കാറുകളാണ് കിംഗ് രാമ എക്‌സിനുള്ളത്. ഇതുകൂടാതെ, രാജകീയ ബോട്ടിനൊപ്പം 52 ബോട്ടുകളുടെ ഒരു കൂട്ടവും അദ്ദേഹത്തിനുണ്ട്. എല്ലാ ബോട്ടുകളിലും സ്വർണ്ണ കൊത്തുപണികളുണ്ട്.
തായ്ലൻഡ് രാജാവിന്റെ കൊട്ടാരം 23,51,000 ചതുരശ്ര അടി വിസ്തൃതിയിലാണ്. 1782 ലാണ് ഇത് നിർമ്മിച്ചത്. നിരവധി സർക്കാർ ഓഫീസുകളും മ്യൂസിയങ്ങളും ഈ കൊട്ടാരത്തിലുണ്ട്. 1782-ൽ പൂർത്തിയാക്കിയ ഇത് തായ്‌ലൻഡിന്റെ രാജവാഴ്ചയുടെയും പൈതൃകത്തിന്റെയും പ്രതീകമെന്ന നിലയിൽ ചരിത്രപരമായി പ്രാധാന്യമുള്ളതാണ്. എന്നിരുന്നാലും, മഹാ വജിറലോങ്‌കോൺ) ഗ്രാൻഡ് പാലസിൽ താമസിക്കുന്നില്ല എന്നതാണ് ശ്രദ്ധേയം. പകരം, ഇത് പ്രാഥമികമായി ഔദ്യോഗിക ചടങ്ങുകൾക്കും ചടങ്ങുകൾക്കും ഉപയോഗിക്കുന്നു. കൂടാതെ രാജ്യത്തിന്റെ സമ്പന്നമായ സാംസ്കാരികവും ചരിത്രപരവുമായ കലാരൂപങ്ങൾ പ്രദർശിപ്പിക്കുന്ന വിവിധ സർക്കാർ ഓഫീസുകളും മ്യൂസിയങ്ങളും ഉണ്ട്.