അനൗൺസ്മെന്റ് ഉടൻ

സിഐഡി മൂസയുടെ രണ്ടാം ഭാ​ഗം വരുന്നുവെന്ന പ്രഖ്യാപനം ഉടൻ ഉണ്ടാകുമെന്ന് ജോണി ആന്റണി. 

500 കോടി രൂപ ഷെയർ വരുമെന്നും എല്ലാവരും സിനിമ കണ്ടേക്കണം എന്നും സംവിധായകൻ പറഞ്ഞു. വോയിസ് ഓഫ് സത്യനാഥന്റെ പ്രമോഷനിടെ ആയിരുന്നു  പ്രതികരണം.

ചിത്രത്തിന്റെ ചില കാര്യങ്ങൾ സ്ക്രിപ്റ്റ് റൈറ്റേഴ്സ് നോക്കി കൊണ്ടിരിക്കയാണ്. രണ്ട് മാസം കുടുമ്പോൾ ഞാനും ദിലീപും ചേർന്ന് ഡിസ്കക്ഷനുകൾ നടത്താറുണ്ടെന്നും ജോണി ആന്റണി. 

2003 ജൂലൈ നാലിനാണ് സി ഐ ഡി മൂസ റിലീസ് ചെയ്തത്. 2023 ജൂലൈ 4 ആയപ്പോഴേക്കും സിനിമയ്ക്ക് 20 വയസ് തികഞ്ഞിരുന്നു. ഇതുമായി ബന്ധപ്പെട്ട് ദിലീപ് പങ്കുവച്ചൊരു മാഷപ്പ് വീഡിയോ വൈറൽ ആയിരുന്നു. 

2020ൽ ആനിമേഷൻ ആയിട്ടാകും മൂസ വീണ്ടും എത്തുകയെന്ന് അറിയിച്ചിരുന്നു. രണ്ടാം ഭാഗമുണ്ടെന്ന് നേരത്തെ തന്നെ പ്രചരിച്ച വാർത്തയാണ്. ഈ കാത്തിരിപ്പിനിടെ ആയിരുന്നു അനിമേഷന്‍ വിവരം വന്നത്.

ഭാവന, കൊച്ചിൻ ഹനീഫ, ഒടുവിൽ ഉണ്ണികൃഷ്ണൻ, ഹരിശ്രീ അശോകൻ, സലിം കുമാർ, സുകുമാരി, ബിന്ദു പണിക്കർ, മുരളി, ക്യാപ്റ്റൻ രാജു, ഇന്ദ്രൻസ് എന്നിവരായിരുന്നു സിഐഡി മൂസയിലെ പ്രധാന അഭിനേതാക്കള്‍.