ഷവോമി എംഐ5 വില കുറച്ചു
 )
Followപ്രമുഖ ചൈനീസ്‌ സ്‌മാര്‍ട്ട് ഫോണ്‍ ബ്രാന്‍ഡായ ഷവോമി എംഐ5-ന്റെ വില കുറച്ചു. ഷവോമിയുടെ ഫ്ലാഗ്‌ഷിപ്പ് മോഡലായ എംഐ5ന് 2000 രൂപയാണ് കുറച്ചിരിക്കുന്നത്. ഇപ്പോള്‍ ഫോണിന്റെ വില 24,999 രൂപയില്‍നിന്ന് 22,999 രൂപയായി കുറഞ്ഞിട്ടുണ്ട്. നേരത്തെ ഷവോമി സ്ഥാപകദിനത്തില്‍ എംഐ5-ന്റെ വില കുറച്ചിരുന്നെങ്കിലും, ഇപ്പോഴത്തേത്, സ്ഥിരമായ വിലക്കുറവാണെന്നാണ് കമ്പനി അവകാശപ്പെടുന്നത്. കമ്പനി പുറത്തിറക്കിയ പത്രക്കുറിപ്പിലാണ് വില കുറച്ച വിവരം വ്യക്തമാക്കിയിരിക്കുന്നത്. ഫ്ലിപ്പ്കാര്‍ട്ട് വഴിയും എംഐ ഡോട്ട് കോം വെബ്സൈറ്റ് വഴിയുമാണ് എംഐ5 വില്‍ക്കുന്നത്. 5.15 ഇഞ്ച് ഫുള്‍ എച്ച് ഡി ഡിസ്‌പ്ലേ, കോര്‍ണിംഗ് ഗൊറില്ല ഗ്ലാസ് 4 ഉള്ള ത്രീ ഡി ഗ്ലാസ് ബോഡി, ക്വാല്‍കോം സ്‌നാപ് ഡ്രാഗണ്‍ 820 പ്രോസസര്‍, മൂന്നു ജിബി ആറം, 32 ജിബി ഓണ്‍ബോര്‍ഡ് മെമ്മറി, 16 മെഗാപിക്‌സല്‍ ക്യാമറ, നാല് മെഗാപിക്‌സല്‍ ഫ്രണ്ട് ക്യാമറ, ഫിംഗര്‍പ്രിന്റ് സ്‌കാനര്‍, 4ജി എല്‍ടിഇ, 3000 എംഎഎച്ച് ബാറ്ററി എന്നിവയാണ് ഷവോമി എം ഐ5-ന്റെ അടിസ്ഥാന സവിശേഷതകള്‍.
