അപൂർവങ്ങളിൽ അപൂർവം ഈ പാമ്പ് കാഴ്ച
 )
Followഅപൂർവങ്ങളിൽ അപൂർവം എന്ന് തന്നെ വിശേഷിപ്പിക്കണം ഈ കാഴ്ചയെ. വീടിന്‍റെ ഉൾവശം വൃത്തിയാക്കുകയായിരുന്ന അമേരിക്കയിലെ അർക്കൻസാസ് സ്വദേശിയായ റോഡ്നി കെൽസോയിക്ക് പെട്ടന്നാണ് അയാള്‍ രണ്ട് തലയുള്ള പാമ്പിനെ കണ്ടത്. അഞ്ചടി നീളമുള്ള അണലി വർഗത്തിൽ പെട്ട ഒരു പാമ്പായിരുന്നു ഇത്.
മുറിക്കുള്ളിൽ എന്തോ ഉണ്ടെന്ന് മനസിലായതിനെ തുടർന്നാണ് വീട് വൃത്തിയാക്കാൻ അദ്ദേഹം തീരുമാനിച്ചത്. തുടർന്ന് ജോലിക്കിടയിൽ അദ്ദേത്തെ ഞെട്ടിച്ചു കൊണ്ട് ഇരട്ട തലകളുള്ള പാമ്പ് അദ്ദേഹത്തിന്‍റെ മുന്‍പില്‍ പ്രത്യക്ഷപ്പെടുകയായിരുന്നു. അത്യപൂർവമായ ഈ പാമ്പിന്‍റെ പ്രധാന്യം മനസിലാക്കിയ റോഡ്നി കുറച്ചു സമയത്തെ പരിശ്രമത്തിനു ശേഷം പാമ്പിനെ പിടികൂടുകയായിരുന്നു. മാത്രമല്ല അടുത്തുള്ള പ്രകൃതി സംരക്ഷണ കേന്ദ്രത്തിലാക്കുകയും ചെയ്തു.
ഇത്തരത്തിലുള്ള പാമ്പുകള്‍ എത്രകാലം ജീവിച്ചിരിക്കുമെന്ന് പറയാൻ കഴിയില്ല. രണ്ടു തലകൾക്കുമായി കണ്ണും വായും വിഷപ്പല്ലുമെല്ലാമുണ്ടെങ്കിലും ഇഴയുന്നത് വളരെ പണിപ്പെട്ടാണ്. അതുകൊണ്ട് തന്നെ ഇരയെ പിടികൂടുന്നതും ബുദ്ധിമുട്ടിയാണ്.
