4,999 രൂപയ്ക്ക് ഐഫോണ്‍ വാങ്ങാം; വന്‍ ഓഫര്‍
 )
Followഫ്ലിപ്കാർട്ടും ആപ്പിളും ചേർന്ന് നടത്തുന്ന ആപ്പിൾ ഫെസ്റ്റിൽ ഐഫോണുകൾക്ക് വൻ ഓഫർ. ഐഫോൺ 7 മുതൽ ഐഫോൺ 5 എസിനു വരെ വൻ ഓഫറുകളാണ് പ്രഖ്യാപിച്ചിരിക്കുന്നത്. ഐഫോണ്‍ 7 ന് 5000 രൂപയും, ഐഫോണ്‍ 6 ന് 7990 രൂപയും വിലക്കുറവ് നൽകുന്നുണ്ട്. ഐഫോൺ 7 32ജിബി, 128 ജിബി, 256 ജിബി പതിപ്പുകള്‍ക്ക് യഥാക്രമം 55,000, 65,000, 75,000 രൂപയ്ക്ക് ലഭിക്കും.
ഇതിനു പുറമെ ഫ്ലിപ്കാർട്ട് നൽകുന്ന എക്സേഞ്ച് ഓഫർ 20,000 രൂപയാണ്. ആക്സിസ് ബാങ്കിന്റെ ബസ്സ് ക്രെഡിറ്റ് കാർഡ് ഉപയോഗിച്ച് വാങ്ങുന്നവർക്ക് 5 ശതമാനം ഇളവും നൽകും. എന്നാൽ ഐഫോൺ 7 പ്ലസ് ഐഫോൺ 6 എസ് ഹാൻഡ്സെറ്റുകൾക്ക് ഓഫർ പ്രഖ്യാപിച്ചിട്ടില്ല. ഈ ഫോണുകള്‍ക്ക് ഫ്ലിപ്കാർട്ടിന്റെ 23,000 രൂപ വരെ എക്സേഞ്ച് ഓഫർ ലഭിക്കും.
ഐഫോൺ 6 ,16 ജിബിയ്ക്ക് 5000 രൂപ ഇളവ് നൽകുന്നുണ്ട്. എക്സേഞ്ച് ഓഫറായി 24,000 രൂപയുടെ ഇളവും ലഭിക്കും. അതേസമയം, ഇന്ത്യയിൽ ഏറ്റവും കൂടുതൽ വിൽപന നടക്കുന്ന ഐഫോൺ 5 എസ് ഫ്ലിപ്കാർട്ട് ആപ്പിൾ ഫെസ്റ്റിൽ കേവലം 4,999 രൂപയ്ക്ക് ലഭിക്കും. 19,999 രൂപ വിലയുള്ള ഹാൻഡ്സെറ്റിനു ഫ്ലിപ്കാർട്ട് 15,000 രൂപ വരെ എക്സേഞ്ച് ഓഫറും നൽകുന്നുണ്ട്. ഇതോടെ 4999 രൂപ നൽകിയാൽ ഐഫോൺ 5എസ് സ്വന്തമാക്കാം. ആപ്പിള്‍ വാച്ചുകൾക്കും ഓഫർ പ്രഖ്യാപിച്ചിട്ടുണ്ട്.
