പ്രണയാതുരമായ വിവാഹാഭ്യർത്ഥന ഒടുവിൽ ദുരന്തമായി, കുന്നിൻമുകളിൽ നിന്ന് താഴേക്ക് പതിച്ച് കാമുകി
ക്യാരിന്തിയയിലെ ഫാൽക്കർട്ട് പർവ്വതത്തിൽ വച്ചാണ് വിവാഹാഭ്യർത്ഥന നടത്തിയത്. നിമിഷങ്ങൾക്കുള്ളിലാണ് അതൊരു ദുരന്തമായി മാറിയത്...
 )
Follow650 അടി ഉയരമുള്ള കുന്നിൻമുകളിൽ നിന്ന് കാമുകിയെ പ്രണയാതുരമായി ജീവിതത്തിലേക്ക് ക്ഷണിക്കുകയായിരുന്നു 27കാരൻ. അത്രമേൽ മനോഹരമായ ആ നിമിഷത്തിൽ 32കാരിയായ കാമുകി സമ്മതം മൂളുകയും ചെയ്തു. എന്നാല്‍ നിമിഷങ്ങൾക്കുള്ളിലാണ് അതൊരു ദുരന്തമായി മാറിയത്.
ക്യാരിന്തിയിലെ ഫാൽക്കർട്ട് പർവ്വതത്തിൽ വച്ചാണ് വിവാഹാഭ്യർത്ഥന നടത്തിയത്. ഓസ്ട്രേലിയക്കാരിയായ ആ യുവതി കുന്നിൻ മുകളിൽ നിന്ന് താഴേക്ക് വീഴുകയായിരുന്നു. അത്ഭുതമെന്ന് പറയട്ടെ, കുന്നിൻമുകളിലെ മഞ്ഞുപാളികളിൽ തട്ടി ആ യുവതി രക്ഷപ്പെട്ടു. യുവതിയെ രക്ഷപ്പെടുത്തുന്നതിനിടെ യുവാവ് 50 അടി താഴ്ചയിലേക്ക് മറിഞ്ഞു.
ഇതിനിടെ ഇവിടെയെത്തിയയാൾ ഇരുവരെയും കാണുകയും രക്ഷാപ്രവർത്തകരെ അറിയിക്കുകയും ചെയ്തു. ഇരുവരെയും രക്ഷപ്പെടുത്തുകയും എയർലിഫ്റ്റിംഗ് വഴി ആശുപത്രിയിലെത്തിക്കുകയും ചെയ്തു. ഇരുവരും അത്ഭുതകരമായാണ് രക്ഷപ്പെട്ടതെന്ന് പ്രാദേശിക മാധ്യമങ്ങൾ റിപ്പോർട്ട് ചെയ്യുന്നു.
