മഴയിൽ മാളത്തിൽ വെള്ളം നിറഞ്ഞു; കുഞ്ഞുങ്ങളെ സുരക്ഷിതമായി വരാന്തയിലാക്കി എലിയമ്മ, വീഡിയോ വൈറൽ
'ദൈവത്തിന്റെ അതുല്യമായ സൃഷ്ടിയായ ഒരമ്മ, ഓരോ അമ്മയും മക്കളെ സംരക്ഷിക്കുന്നതിലുള്ള കരുതലും ജാഗ്രതയും മറ്റാർക്കുമില്ല,' തുടങ്ങി നിരവധി പ്രതികരണങ്ങളാണ് വീഡിയോയ്ക്ക് താഴെ വന്നിരിക്കുന്നത്.
 )
Followസമൂഹമാധ്യമങ്ങൾ വ്യാപകമായതോടെ കൗതുകകരവും രസകരവുമായ നിരവധി വീഡിയോകളാണ് ഓരോ ദിവസവും പ്രത്യക്ഷപ്പെടുന്നത്. മനുഷ്യരെ പോലെ തന്നെ പലപ്പോഴും പക്ഷിമൃഗാദികളും താരങ്ങളാകാറുണ്ട്. അത്തരത്തിലൊരു വീഡിയോ ആണ് ഇപ്പോൾ സൈബർ ഉപഭോക്താക്കളുടെ ഹൃദയം കീഴടക്കിയിരിക്കുന്നത്.
ഒരു എലിയമ്മയാണ് ഈ വീഡിയോയിലെ താരം. ശക്തമായ മഴയിൽ തന്റെ മാളത്തിൽ വെള്ളം നിറഞ്ഞപ്പോൾ കുഞ്ഞുങ്ങളെ രക്ഷപ്പെടുത്തുന്നതാണ് വീഡിയോ. ഇന്ത്യൻ ഫോറസ്റ്റ് സർവീസ് (ഐഎഫ്എസ്) ഉദ്യോഗസ്ഥനായ പർവീൻ കസ്വാനാണ് ഈ വീഡിയോ ട്വിറ്ററിൽ പങ്കുവച്ചിരിക്കുന്നത്.
രണ്ട് മിനിറ്റ് ദൈർഘ്യമുള്ളതാണ് വീഡിയോ. മഴ വെള്ളം മാളത്തിലേക്ക് നിറയുന്നതിന് മുമ്പായി എല്ലാ എലി കുഞ്ഞുങ്ങളെയും വീ‍ടിന്റെ വരാന്തയിൽ എലിയമ്മ കൊണ്ടുവയ്ക്കുന്നത് വീഡിയോയിൽ കാണാം. നിരവധി തവണ പടികൾ കയറിയും ഇറങ്ങിയുമാണ് ഈ എലിയമ്മയുടെ രക്ഷാപ്രവർത്തനം.
വീഡിയോ പങ്കുവച്ച് നിമിഷങ്ങൾക്കുള്ളിൽ നിരവധി പേരാണ് വീഡിയോ കാണുകയും പങ്കുവയ്ക്കുകയും ചെയ്തിരിക്കുന്നത്. 'ദൈവത്തിന്റെ അതുല്യമായ സൃഷ്ടിയായ ഒരമ്മ, ഓരോ അമ്മയും മക്കളെ സംരക്ഷിക്കുന്നതിലുള്ള കരുതലും ജാഗ്രതയും മറ്റാർക്കുമില്ല,' തുടങ്ങി നിരവധി പ്രതികരണങ്ങളാണ് വീഡിയോയ്ക്ക് താഴെ വന്നിരിക്കുന്നത്.
