ഉഗ്രശബ്ദത്തോടെ വീടിന്റെ മേല്ക്കൂര തകര്ന്നുവീണു; കുടുംബം രക്ഷപ്പെട്ടത് തലനാരിഴക്ക്
താമസിക്കാന് കഴിയാത്ത തരത്തില് വീടിന് നാശം സംഭവിച്ചതിനാല് ഈ മഴക്കാലത്ത് ഇനി എന്തുചെയ്യണമെന്നറിയാതെ കുഴങ്ങുകയാണ് ഈ കുടുംബം
![Roof of the house collapsed with a loud noise but family escaped safely Roof of the house collapsed with a loud noise but family escaped safely](https://static-ai.asianetnews.com/images/01j1jd0a1m8phh0dxhx61ja66t/news--2-_363x203xt.jpg)
കോഴിക്കോട്: ഉഗ്രശബ്ദത്തോടെ വീടീന്റെ മേല്ക്കൂരയും ഭിത്തിയും തകര്ന്നുവീണു. ഒളവണ്ണക്ക് സമീപം മാമ്പുഴ കാട്ടുമീത്തല് ജോയിയുടെ വീടാണ് താമസിക്കാന് കഴിയാത്തവിധം കേടുപാട് സംഭവിച്ചത്. ശബ്ദം കേട്ടയുടനെ വീട്ടുകാര് പുറത്തേക്ക് ഇറങ്ങി ഓടിയതിനാല് പരിക്കേല്ക്കാതെ രക്ഷപ്പെട്ടു.
ഇന്ന് ഉച്ചക്ക് പന്ത്രണ്ടോടെയാണ് അപകടം നടന്നത്. ജോയിയും ഭാര്യയും മൂന്ന് മക്കളുമാണ് ഈ സമയം വീട്ടില് ഉണ്ടായിരുന്നത്. ശബ്ദം കേട്ടതിന് പിന്നാലെ അഞ്ച് പേരും പുറത്തേക്ക് ഓടുകയായിരുന്നു. നിമിഷനേരം കൊണ്ട് വീടിന്റെ മേല്ക്കൂര പൂര്ണമായും ഭിത്തിയടക്കം താഴേക്ക് പതിക്കുകയായിരുന്നു. താമസിക്കാന് കഴിയാത്ത തരത്തില് വീടിന് നാശം സംഭവിച്ചതിനാല് ഈ മഴക്കാലത്ത് ഇനി എന്തുചെയ്യണമെന്നറിയാതെ കുഴങ്ങുകയാണ് ഈ കുടുംബം. പഞ്ചായത്ത് അധികൃതര്ക്കും വില്ലേജ് ഓഫീസിലും ജോയി ഇതുസംബന്ധിച്ച് അപേക്ഷ നല്കിയിട്ടുണ്ട്.
ഏഷ്യാനെറ്റ് ന്യൂസ് വാർത്തകൾ തത്സമയം കാണാം