വൈരമുത്തുവിനെക്കുറിച്ച് പല സ്ത്രീകളും പരാതി പറഞ്ഞിട്ടുണ്ട്; എ.ആർ. റഹ്മാന്റെ സഹോദരി റെയ്ഹാന
റഹ്മാന്റെ പേര് ഉപയോഗിച്ചും വൈരമുത്തു ഗായികമാരെ ട്രാപ്പിൽ പെടുത്തിയിട്ടുണ്ടെന്ന് റെയ്ഹാന വെളിപ്പെടുത്തിയതായി ടൈംസ് ഓഫ് ഇന്ത്യ റിപ്പോർട്ട് ചെയ്യുന്നു.
 )
Followചെന്നൈ: തമിഴ് ഗാനരചയിതാവ് വൈരമുത്തുവിനെതിരെ സ്ത്രീകൾ മുമ്പും പരാതി പറഞ്ഞിട്ടുണ്ടന്ന് സംഗീത സംവിധായകനും ഗായകനുമായ എ. ആർ. റഹ്മാന്റെ സഹോദരി റെയ്ഹാന. ഗായിക ചിൻമയിയാണ് വൈരമുത്തുവിനെതിരെ ലൈംഗികാരോപണവുമായി രംഗത്ത് വന്നത്. ചിൻമയിയുടെ ആരോപണങ്ങൾ സത്യമാണെന്നാണ് റെയ്ഹാനയുടെ വെളിപ്പെടുത്തൽ. റഹ്മാന്റെ പേര് ഉപയോഗിച്ചും വൈരമുത്തു ഗായികമാരെ ട്രാപ്പിൽ പെടുത്തിയിട്ടുണ്ടെന്ന് റെയ്ഹാന വെളിപ്പെടുത്തിയതായി ടൈംസ് ഓഫ് ഇന്ത്യ റിപ്പോർട്ട് ചെയ്യുന്നു.
വൈരമുത്തുവിനെക്കുറിച്ചുള്ള ആരോപണങ്ങൾ അറിഞ്ഞപ്പോൾ സിനിമാ മേഖലയിൽ അത്തരം കാര്യങ്ങൾ സംഭവിക്കുന്നുണ്ടോ എന്നായിരുന്നു ചോദ്യം. വിവാദങ്ങളിൽ നിന്ന് ഒഴിഞ്ഞു നിൽക്കാൻ ആഗ്രഹിക്കുന്നയാളാണ് റഹ്മാൻ. ചിന്മയിക്ക് താൻ എല്ലാ പിന്തുണയും നൽകുന്നു എന്നും റെയ്ഹാന കൂട്ടിച്ചേർക്കുന്നു. തങ്ങൾ ലൈംഗികമായി അപമാനിക്കപ്പെട്ടുവെന്ന ഓരോ വെളിപ്പെടുത്തലുകളും രാജ്യത്തെമ്പാടും കൊടുങ്കാറ്റ് സൃഷ്ടിക്കുകയാണെന്നും റെയ്ഹാന പറഞ്ഞു.
