വിപണി കീഴടക്കാന്‍ ഷവോമിയുടെ ലാപ്‌ടോപ്പ് എത്തുമോ? അറിയേണ്ടതെല്ലാം
ചൈനയില്‍ കുറച്ച് ലാപ്‌ടോപ്പ് മോഡലുകള്‍ ഷവോമി നിര്‍മ്മിക്കുന്നുണ്ട്. ഇത് എംഐ നോട്ട്ബുക്ക്, റെഡ്മിബുക്ക് ലാപ്‌ടോപ്പുകള്‍ എന്നിങ്ങനെ രണ്ട് സീരീസുകളായി വേര്‍തിരിക്കുന്നു
 )
Followദില്ലി: നിരവധി ഉല്‍പന്ന വിഭാഗങ്ങളില്‍ ഷവോമി നിലവിലുണ്ടെങ്കിലും ലാപ്‌ടോപ്പ് മാര്‍ക്കറ്റില്‍ ഇതുവരെ അവരുടെ സാന്നിധ്യം ഉണ്ടായിരുന്നില്ല. എന്നാല്‍, ഈ വര്‍ഷം ഷവോമി അതിന്റെ ലാപ്‌ടോപ്പുകള്‍ ഇന്ത്യന്‍ വിപണിയിലെത്തിച്ചേക്കാം. റെഡ്മി ബുക്ക് സീരീസ് ലാപ്‌ടോപ്പുകള്‍ ഉടന്‍ ഇന്ത്യയിലേക്ക് കൊണ്ടുവരാന്‍ ഷവോമി ശ്രമിക്കുന്നുണ്ടെന്ന് റിപ്പോര്‍ട്ടുകള്‍ സൂചിപ്പിക്കുന്നു.
കമ്പനി ഇതിനകം തന്നെ റെഡ്മിബുക്ക് എന്ന പേര് ഇന്ത്യയില്‍ രജിസ്റ്റര്‍ ചെയ്തിട്ടുണ്ട്, ഏതാനും മാസങ്ങള്‍ക്കുള്ളില്‍ ഔദ്യോഗികമായി ഇത് ലോഞ്ച് ചെയ്യുമെന്നു സൂചനയുണ്ട്. ചൈനയില്‍ കുറച്ച് ലാപ്‌ടോപ്പ് മോഡലുകള്‍ ഷവോമി നിര്‍മ്മിക്കുന്നുണ്ട്. ഇത് എംഐ നോട്ട്ബുക്ക്, റെഡ്മിബുക്ക് ലാപ്‌ടോപ്പുകള്‍ എന്നിങ്ങനെ രണ്ട് സീരീസുകളായി വേര്‍തിരിക്കുന്നു.
റെഡ്മിബുക്ക്, ഷവോമിയുടെ കണ്‍വെന്‍ഷനിലെന്നപോലെ, ഇവ രണ്ടിന്റെയും ഇടയിലുള്ള പരമ്പരയാണ്. കൂടാതെ നിലവില്‍ ഏറ്റവും പുതിയ സവിശേഷതകളോടെ അടുത്തിടെ ആരംഭിച്ച രണ്ട് മോഡലുകളും ഇതില്‍ അടങ്ങിയിരിക്കുന്നു. ഷവോമി ഗെയിമിംഗ് ലാപ്‌ടോപ്പിന് ഇന്ത്യയിലേക്ക് കടക്കാന്‍ കഴിയുമെന്ന് ഇന്ത്യ ഹെഡ് മനു കുമാര്‍ ജെയിന്‍ സൂചന നല്‍കി. എന്നിരുന്നാലും, റെഡ്മിബുക്കിന്റെ പേര് രജിസ്റ്റര്‍ ചെയ്തതോടെ, ലോ എന്‍ഡ് ലൈറ്റ് വെയിറ്റ് അള്‍ട്രാബുക്ക് സെഗ്‌മെന്റില്‍ ആദ്യം തന്നെ ഷവോമി ആദ്യം തന്നെ പടയോട്ടം തുടങ്ങുമെന്നു തോന്നുന്നു. 13 ഇഞ്ച് മോഡലാണോ അതോ 14 ഇഞ്ച് മോഡലാണോ ഇത് ഇന്ത്യയിലേക്ക് കൊണ്ടുവരുമെന്ന് വ്യക്തമല്ലെങ്കിലും ഇവ രണ്ടും പ്രീമിയം ബില്‍ഡും മാന്യമായ സവിശേഷതകളും വാഗ്ദാനം ചെയ്യുന്നു.
റെഡ്മി കെ 30 നൊപ്പം പുറത്തിറക്കിയ റെഡ്മിബുക്ക് 13 ആണ് ഏറ്റവും പുതിയ മോഡല്‍. റെഡ്മിബുക്ക് 13-ന് 13.3 ഇഞ്ച് ചെറിയ എഫ്എച്ച്ഡി + ഡിസ്‌പ്ലേ വാഗ്ദാനം ചെയ്യുന്നു. പ്രോസസ്സറുകള്‍ക്കായി, ഏറ്റവും പുതിയ പത്താമത്തെ തലമുറയില്‍പ്പെട്ട ഇന്റല്‍ കോര്‍ ഐ 5, കോര്‍ ഐ 7 പ്രോസസ്സറുകള്‍ക്കിടയില്‍ നിന്ന് ഒന്നു തിരഞ്ഞെടുക്കാനുള്ള ഓപ്ഷന്‍ വാഗ്ദാനം ചെയ്യുന്നു. സ്റ്റാന്‍ഡേര്‍ഡ് ഓണ്‍ബോര്‍ഡായി 8 ജിബി റാം ഉണ്ട്, എല്ലാ മോഡലുകളിലും 512 ജിബി എസ്എസ്ഡി സ്‌റ്റോറേജ് ഉണ്ട്.
ഇത് ഒരു എന്‍വിഡിയ എംഎക്‌സ് 250 ഗ്രാഫിക്‌സ് കാര്‍ഡ് വാഗ്ദാനം ചെയ്യുന്നു. ഷവോമി ഉപകരണങ്ങളുള്ള നിരവധി ഇന്റഗ്രേഷന്‍ അപ്ലിക്കേഷനുകളും സേവനങ്ങളും ഇതിനു പുറമേ ലഭിക്കുന്നു. ഇന്ത്യയില്‍, ഈ റെഡ്മിബുക്ക് മോഡലുകളെ ഷവോമി ഏതു വിലയില്‍ അവതരിപ്പിക്കുമെന്നതാണ് വിപണി കാത്തിരിക്കുന്നത്. നിലവിലുള്ള ഡെല്‍, എച്ച്പി, ലെനോവോ, ഏസര്‍ എന്നിവ ഭാരം കുറഞ്ഞ അള്‍ട്രാബുക്കുകള്‍ ഏറ്റവും പുതിയ തലമുറ ചിപ്പുകളുമായി ശരാശരി 50,000 രൂപയ്ക്ക് വില്‍ക്കുന്നു. അതിനാല്‍, കുറഞ്ഞ വിലയ്ക്ക് റെഡ്മിബുക്ക് ആരംഭിച്ചുകൊണ്ട് വിപണി പിടിക്കാനാകും ഷവോമിയുടെ ശ്രമം.
