അള്‍ട്രാവൈഡ് ആംഗിള്‍ സെല്‍ഫി എടുക്കാനാവുന്ന മോട്ടോ ജി 5ജി മോട്ടോറോള പുറത്തിറക്കി, പ്രത്യേകതകളിങ്ങനെ
മോട്ടോ ജി 5 ജി ഉപയോഗിച്ച്, 5 ജി അനുഭവം വാങ്ങുന്നവര്‍ക്ക് വളരെ കുറഞ്ഞ വിലയ്ക്ക് നല്‍കാനാണ് കമ്പനി ലക്ഷ്യമിടുന്നത്.
 )
Followമോട്ടറോള മോട്ടോ ജി 5ജി അന്താരാഷ്ട്ര വിപണിയില്‍ പുറത്തിറങ്ങി. ഏറ്റവും വിലകുറഞ്ഞ 5 ജി ഫോണായി കണക്കാക്കപ്പെടുന്ന മോട്ടറോള മോട്ടോ ജിക്ക് ഏകദേശം 29,000 രൂപയാണ് വില. നേരത്തെ, മോട്ടറോള മുന്‍നിര 5 ജി ഫോണായ മോട്ടറോള എഡ്ജ് പ്ലസും മോട്ടറോള എഡ്ജിന്റെ മെലോ ഡൗണ്‍ പതിപ്പും പുറത്തിറക്കിയിരുന്നു. ഇപ്പോള്‍ മോട്ടോ ജി 5 ജി ഉപയോഗിച്ച്, 5 ജി അനുഭവം വാങ്ങുന്നവര്‍ക്ക് വളരെ കുറഞ്ഞ വിലയ്ക്ക് നല്‍കാനാണ് കമ്പനി ലക്ഷ്യമിടുന്നത്. സ്മാര്ട്ട്ഫോണ് ഇന്ത്യയില്‍ അവതരിപ്പിക്കുമോ ഇല്ലയോ എന്ന് കമ്പനി വെളിപ്പെടുത്തിയിട്ടില്ല.
4 ജിബി + 64 ജിബി വേരിയന്റുകള്‍ക്ക് മോട്ടോറ ജി 5 ജി യുടെ അടിസ്ഥാന വേരിയന്റ് ഏകദേശം 29,000 രൂപയ്ക്ക് വില്‍ക്കുന്നു, 6 ജിബി റാം + 128 ജിബി വേരിയന്റിന് ഏകദേശം 33,730 രൂപയാവും വില. ഇതില്‍ 6.7 ഇഞ്ച് എഫ്എച്ച്ഡി + പഞ്ച്‌ഹോള്‍ ഡിസ്‌പ്ലേ, 90 ഹെര്‍ട്‌സ് റിഫ്രഷ് റേറ്റ് എന്നിവയുണ്ട്. 6 ജിബി വരെ റാമും 128 ജിബി സ്‌റ്റോറേജുമായി ചേര്‍ത്ത ക്വാല്‍കോം സ്‌നാപ്ഡ്രാഗണ്‍ 765 5 ജി പ്രോസസറാണുള്ളത്. ഇതില്‍ സ്റ്റോറേജ് 1 ടിബി വരെ വികസിപ്പിക്കാനാവും.
'മോട്ടോ ജി 5ജി പ്ലസ് 4ജി, 5ജി നെറ്റ്‌വര്‍ക്കുകള്‍ക്കായി നിര്‍മ്മിച്ചതാണ്. കൂടുതല്‍ ബാന്‍ഡ്‌വിഡ്ത്ത്, കുറഞ്ഞ ലേറ്റന്‍സി, കുറഞ്ഞ കാലതാമസം എന്നിവ നേടുന്നതിലൂടെ നിങ്ങള്‍ക്ക് ഒരിക്കലും ഒരു കാര്യവും നഷ്ടമാകില്ല. വെബ് ബ്രൗസുചെയ്യുന്നത് മുതല്‍ 5 ജി ഒപ്റ്റിമൈസ് ചെയ്ത ക്വാല്‍കോം സ്‌നാപ്ഡ്രാഗണ്‍ 765 പ്രോസസര്‍ ഉപയോഗിച്ച് ഒരു വീഡിയോ കാണുന്നത് വരെ ചെയ്യുന്ന എല്ലാ കാര്യങ്ങളിലും വേഗത്തിലുള്ള റെസ്‌പോണ്‍സ് അനുഭവിക്കുക.'കമ്പനി പറയുന്നു.
20വാട്‌സ് യുഎസ്ബിസി ടര്‍ബോപവര്‍ ഫാസ്റ്റ് ചാര്‍ജിംഗിനുള്ള പിന്തുണയോടെ 5,000 എംഎഎച്ച് ബാറ്ററിയാണ് മോട്ടോ ജി 5 ജിയില്‍ ഉള്ളത്. ചാര്‍ജ് ചെയ്യാതെ തന്നെ രണ്ട് ദിവസം മുഴുവന്‍ സ്മാര്ട്ട്ഫോണ് നിലനില്‍ക്കുമെന്ന് കമ്പനി പറയുന്നു. യുഎസ്ബിസി ചാര്‍ജിംഗ് പോര്‍ട്ടിന് സമീപം 3.5 എംഎം ഹെഡ്‌ഫോണ്‍ ജാക്കും സ്ഥാപിച്ചിരിക്കുന്നു. ഇത് ആന്‍ഡ്രോയിഡ് 10ല്‍ പ്രവര്‍ത്തിക്കുന്നു, കൂടാതെ ക്ലങ്കി സോഫ്റ്റ്‌വെയറുകളില്ലെന്നും കമ്പനി അവകാശപ്പെടുന്നു. ഫോണിന്റെ വശത്ത് ഒരു ഫിംഗര്‍പ്രിന്റ് സെന്‍സര്‍ സ്ഥാപിച്ചിരിക്കുന്നു കൂടാതെ ഗൂഗിള്‍ അസിസ്റ്റന്റിനായി ഒരു പ്രത്യേക ബട്ടണും ഉണ്ട്.
ലംബ ക്യാമറ പ്ലെയ്‌സ്‌മെന്റുകള്‍ക്ക് വിപരീതമായി മോട്ടറോള മോട്ടോ ജി 5ജി പ്ലസില്‍ പിന്നില്‍ ഒരു സ്‌ക്വാറിഷ് ക്യാമറ ഉണ്ട്. 48 മെഗാപിക്‌സല്‍ പ്രൈമറി ക്യാമറ, 5 മെഗാപിക്‌സല്‍ മാക്രോ ക്യാമറ, 8 മെഗാപിക്‌സല്‍ അള്‍ട്രാ വൈഡ് ക്യാമറ എന്നിവയും 2 മെഗാപിക്‌സല്‍ ഡെപ്ത് സെന്‍സറും അടങ്ങുന്ന ക്വാഡ് ക്യാമറ സെന്‍സറുകള്‍ ഇതിലുണ്ട്. മുന്‍വശത്ത്, 16 മെഗാപിക്‌സല്‍ ക്വാഡ് പിക്‌സല്‍ സാങ്കേതികവിദ്യ അവതരിപ്പിക്കുന്നു. മുന്‍വശത്ത് ഇന്‍സ്റ്റാള്‍ ചെയ്തിട്ടുള്ള ലെന്‍സിന്റെ സഹായത്തോടെ അള്‍ട്രാവൈഡ് ആംഗിള്‍ സെല്‍ഫി എടുക്കാന്‍ ഇതിന് കഴിയും.
