വിജയ്‍യുടെ സര്‍ക്കാര്‍ സൂപ്പര്‍ ഹിറ്റ്, ബോക്സ് ഓഫീസ് തരംഗം തുടരുന്നു!
വിജയ് നായകനായി എത്തിയ സര്‍ക്കാര്‍ തിയേറ്ററുകളില്‍ മികച്ച പ്രതികരണത്തോടെ പ്രദര്‍ശനം തുടരുന്നു. ചിത്രം റിലീസ് ചെയ്‍ത് ഏഴ് ദിവസം കഴിയുമ്പോള്‍ മൊത്തം കളക്ഷൻ 200 കോടി രൂപയിലധികമായിയെന്നാണ് റിപ്പോര്‍ട്ട്. ചെന്നൈയില്‍ നിന്ന് മാത്രമായി 11.23 കോടി രൂപ നേടി. തമിഴ്നാട്ടില്‍ നിന്ന് 140 കോടി രൂപയാണ് ചിത്രം സ്വന്തമാക്കിയത്.
 )
Followവിജയ് നായകനായി എത്തിയ സര്‍ക്കാര്‍ തിയേറ്ററുകളില്‍ മികച്ച പ്രതികരണത്തോടെ പ്രദര്‍ശനം തുടരുന്നു. ചിത്രം റിലീസ് ചെയ്‍ത് ഏഴ് ദിവസം കഴിയുമ്പോള്‍ മൊത്തം കളക്ഷൻ 200 കോടി രൂപയിലധികമായിയെന്നാണ് റിപ്പോര്‍ട്ട്. ചെന്നൈയില്‍ നിന്ന് മാത്രമായി 11.23 കോടി രൂപ നേടി. തമിഴ്നാട്ടില്‍ നിന്ന് 140 കോടി രൂപയാണ് ചിത്രം സ്വന്തമാക്കിയത്.
റിലീസ് ദിവസം തന്നെ തമിഴ്നാട്ടില്‍ നിന്ന് മാത്രമായി ചിത്രം 32 കോടി രൂപയിലധികം സ്വന്തമാക്കിയിരുന്നു. ചെന്നൈയില്‍ നിന്ന് മാത്രമായി 2.37 കോടി രൂപയും സ്വന്തമാക്കിയിരുന്നു.
എ ആര്‍ മുരുഗദോസ് സംവിധാനം ചെയ്‍ത് ചിത്രം വിജയ്‍യുടെ കരിയറിലെ എക്കാലത്തേയും മികച്ച വിജയമായി മാറുമെന്നാണ് കരുതുന്നത്. തമിഴ്‍നാട് രാഷ്‍ട്രീയത്തില്‍ ഇടപെടുന്ന ഒരു കോര്‍പറേറ്റ് മേധാവിയായാണ് വിജയ് ചിത്രത്തില്‍ അഭിനയിച്ചിരിക്കുന്നത്. ഗൂഗിള്‍ സിഇഒയെ പോലുള്ള കഥാപാത്രമായിരിക്കും വിജയ്‍യുടെത് എന്ന് നേരത്തെ തന്നെ സംവിധായകൻ പറഞ്ഞിരുന്നു. എ ആര്‍ റഹ്‍മാനാണ് സംഗീതസംവിധാനം നിര്‍വഹിക്കുന്നത്. വരലക്ഷ്‍മി ശരത്‍കുമാര്‍ ആണ് പ്രധാന സ്‍ത്രീ കഥാപാത്രത്തെ അവതരിപ്പിക്കുന്നത്. തുപ്പാക്കി, കത്തി എന്ന ഹിറ്റ് ചിത്രങ്ങള്‍ക്ക് ശേഷം എ ആര്‍ മുരുഗദോസും വിജയ്‍യും ഒന്നിക്കുന്ന ചിത്രമാണ് എന്ന പ്രത്യേകതയുമുണ്ട്.
