ശിവകാര്ത്തികേയന്റെ അമരനെ കുറിച്ച് സൂര്യ, ചിത്രത്തിന് റിവ്യൂവുമായി ജ്യോതിക- 'വീണ്ടും ക്ലാസ്സിക്'
ഹിറ്റായ അമരനെ കുറിച്ച് ജ്യോതിക പറഞ്ഞത് ശ്രദ്ധയാകര്ഷിക്കുകയാണ്.
തമിഴകത്തിന്റെ ശിവകാര്ത്തികേയൻ നായകനായി വന്ന ചിത്രമാണ് അമരൻ. ശിവകാര്ത്തികേയന്റെ അമരൻ ആഗോളതലത്തില് 150 കോടി ക്ലബിലെത്തിയിട്ടുണ്ട്. നിരവധി പേരാണ് ചിത്രത്തെ പ്രശംസിക്കുന്നത്. ശിവകാര്ത്തികേയന്റെ അമരൻ കണ്ട് ഇഷ്ടപ്പെട്ടുവെന്ന് പറയുകയാണ് സൂര്യയും ജ്യോതികയും.
അമരൻ ഇഷ്ടപ്പെട്ടുവെന്ന് തന്റെ കുറിപ്പില് പറയുകയായിരുന്നു സൂര്യ. മേജര് മുകുന്ദ് വരദരാജിന്റെയും റെബേക്കയുടെയും യഥാര്ഥ ജീവിതം കണ്ടു. വിജയത്തില് എല്ലാവര്ക്കും അഭിനന്ദനം എന്നും പറയുന്നു സൂര്യ. ജയ് ഭീമിന് ശേഷം ക്ലാസിക് സിനിമ തമിഴകത്തിന്റേത് ശിവകാര്ത്തികയന്റെ അമരൻ ആണെന്ന് പറയുകയായിരുന്നു ജ്യോതിക. ഓരോരുത്തരെയും പേരെടുത്ത് അഭിന്ദിച്ചിരിക്കുകയാണ് ജ്യോതിക. മുകുന്ദായി ജീവിക്കാൻ ചിത്രത്തിനായി ശിവകാര്ത്തികേയൻ എത്ര മാത്രം പരിശ്രമം നടത്തിയെന്ന് വ്യക്തമാകും. സായ് പല്ലവി എത്ര മികച്ചതായിരിക്കുന്നു ചിത്രത്തില് എന്നും ജ്യോതിക കുറിപ്പില് വ്യക്തമാക്കുന്നു.
മേജറിന്റെ ജീവിത കഥ ഒരു സിനിമയായി എത്തുമ്പോള് അതിലുണ്ടാകുന്നതിന്റെ ആവേശത്തിലായിരുന്നു തമിഴ് താരം ശിവകാര്ത്തികേയൻ. സിനിമ സ്വീകരിക്കാൻ കാരണം യൂണിഫോമായിരുന്നുവെന്ന് പറഞ്ഞിരുന്ന ശിവകാര്ത്തികേയൻ മേജര് മുകുന്ദ് വരദരാജിന് തന്റെ അച്ഛനുമായി സാമ്യമുണ്ടെന്നും ചൂണ്ടിക്കാട്ടിയിരുന്നുന്നു. കളറേ മാറുന്നുള്ളൂ, ഉത്തരവാദിത്തം ഒന്നാണ്. ഞാൻ ആ സിനിമ സ്വീകരിക്കുമ്പോള് വരുന്ന വെല്ലുവിളികള് ബോധ്യമുണ്ടായിരുന്നു. വേറിട്ട ഒരു വ്യക്തിയായി മാറാൻ തന്റെ ഊര്ജ്ജം എല്ലാം സംഭരിക്കേണ്ട ആവശ്യമുണ്ട്. യൂണിഫോം ധരിക്കാൻ താൻ സ്വയം തന്നെ പരിശീലിച്ചു. യഥാര്ഥ ഒരു വ്യക്തിയുടെ കഥ ആയതിനാല് സിനിമ സുഹൃത്തുക്കളും അടുപ്പമുള്ളവരും കാണും. പക്ഷേ യൂണിഫോം താൻ ധരിച്ചപ്പോള് ഒരു ഹീറോയായി അനുഭവപ്പെട്ടു. മുകുന്ദായി ഞാൻ ചിത്രത്തില് വേഷമിട്ടപ്പോള് തന്നെ യഥാര്ഥ ആര്മിക്കാര് അഭിനന്ദിച്ചു എന്നും പറഞ്ഞിരുന്നു ശിവകാര്ത്തികേയൻ.
നിലവില് തമിഴ് സിനിമയില് ശ്രദ്ധയാകര്ഷിക്കുന്ന താരമായ ശിവകാര്ത്തികേയന്റെ അച്ഛൻ പൊലീസ് ഓഫീസറാണ്. സംവിധാനം രാജ്കുമാര് പെരിയസ്വാമി നിര്വഹിക്കുന്ന ചിത്രം അമരനില് ഭുവൻ അറോറ, രാഹുല് ബോസ് തുടങ്ങിയവര്ക്കൊപ്പം ശ്രീകുമാര്, വികാസ് ബംഗര് എന്നീ താരങ്ങളും പ്രധാന കഥാപാത്രങ്ങളായുണ്ട്. സായ് പല്ലവിയാണ് ശിവകാര്ത്തികേയൻ നായകനാകുന്ന ചിത്രത്തില് നായികയായി എത്തിയിരിക്കുന്നത്. കശ്മീരിലടക്കം ചിത്രികരിച്ച അമരൻ എന്ന സിനിമയുടെ നിര്മാണം കമല്ഹാസന്റെ രാജ് കമലിന്റെ ബാനറില് ആണ്.
Read More: പൃഥ്വിരാജ് വീണ്ടും ബോളിവുഡിലേക്ക്, വമ്പൻ താരം നായിക
ഏഷ്യാനെറ്റ് ന്യൂസ് ലൈവ് കാണാന് ഇവിടെ ക്ലിക് ചെയ്യുക