'നായകന്‍റെ അമ്മയ്ക്ക് പോലും ടിക്കറ്റില്ല': 150 കോടി ബജറ്റ് പടം, നാല് ദിവസത്തില്‍ മുടക്കുമുതല്‍ പിടിക്കുമോ !
കാർത്തിക് ആര്യന്റെ ഭൂൽ ഭുലയ്യ 3 ടിക്കറ്റ് കിട്ടാതെ അമ്മ പാടുപെടുന്ന വീഡിയോ വൈറലാകുന്നു.
 )
Followമുംബൈ: കാർത്തിക് ആര്യനെ നായകനാക്കി അനീസ് ബസ്മി സംവിധാനം ചെയ്ത ഭൂൽ ഭുലയ്യ 3 ദീപാവലി റിലീസായാണ് തീയറ്ററുകളില്‍ എത്തിയത്.ടീ സീരിസ് നിര്‍മ്മിച്ച ചിത്രത്തില്‍ വിദ്യാ ബാലൻ, മാധുരി ദീക്ഷിത്, തൃപ്തി ദിമ്രി എന്നിവരും പ്രധാന കഥാപാത്രങ്ങളെ അവതരിപ്പിക്കുന്നുണ്ട്. നവംബര്‍ 1ന് തീയറ്ററില്‍ എത്തിയ ചിത്രം ഇതിനകം 100 കോടി കളക്ഷന്‍ നേടികഴിഞ്ഞു.
ഇപ്പോള്‍ ചിത്രത്തിലെ നായകന്‍ കാര്‍ത്തിക് ആര്യന്‍ ഞായറാഴ്ച പങ്കിട്ട ഒരു വീഡിയോയാണ് വൈറലാകുന്നത്. ഇന്‍സ്റ്റഗ്രാമിലാണ് കാര്‍ത്തിക് ആര്യന്‍ വീഡിയോ പങ്കിട്ടത്. സ്വന്തം അമ്മ ഭൂൽ ഭുലയ്യ 3ടിക്കറ്റ് ലഭിക്കാൻ അവൾ പാടുപെടുന്നതാണ് രസകരമായ ക്ലിപ്പിൽ ഉള്ളത്.
'ഇങ്ങനെയൊരു പ്രശ്നം നേരിട്ട് കാണുന്നതില്‍ സന്തോഷമുണ്ട്' എന്ന കുറിപ്പോടെയാണ് വീഡിയ കാര്‍ത്തിക് ആര്യന്‍ പങ്കുവച്ചിരിക്കുന്നത്. ടിക്കറ്റ് ബുക്കിംഗ് ആപ്പില്‍ ഒരിടത്ത് പോലും ഗ്രീന്‍ കാണാനില്ലെന്നാണ് കാര്‍ത്തിക്കിന്‍റെ അമ്മ വീഡിയോയില് പറയുന്നത്. അപ്പോള്‍ എങ്ങനെ ടിക്കറ്റ് ബുക്ക് ചെയ്യും എന്ന് കാര്‍ത്തിക് ആര്യന്‍ ചോദിക്കുന്നതും വീഡിയോയില് കാണാം.
വന്‍ വിജയം നേടിയ ഭൂല്‍ ഭുലയ്യ 2 ന്‍റെ തുടര്‍ച്ച ആയതിനാല്‍ത്തന്നെ ഹിന്ദി സിനിമാപ്രേമികള്‍ ആകാംക്ഷയോടെ കാത്തിരുന്ന ചിത്രമാണ് ഭൂല്‍ ഭുലയ്യ 3. ആ വിപണിമൂല്യമാണ് പ്രീ റിലീസ് ബിസിനസിലും പ്രതിഫലിച്ചിരിക്കുന്നത്. അത് ഇപ്പോള്‍ തീയറ്ററിലും കാണുന്നുവെന്നാണ് ട്രാക്കര്‍മാര്‍ പറയുന്നത്.
പ്രിയദർശൻ സംവിധാനം ചെയ്ത ഭൂൽ ഭുലയ്യയിൽ അക്ഷയ് കുമാർ ആയിരുന്നു നായകനായി എത്തിയിരുന്നുന്നത്. എന്നാല്‍ രണ്ടാം ഭാഗം മുതല്‍ സംവിധായകനും നടനും മാറിയിരുന്നു. കാര്‍ത്തിക് ആര്യന്‍ അഭിനയിച്ച രണ്ടാം ഭാഗം വലിയ ഹിറ്റായിരുന്നു. 150 കോടിയോളം രൂപ മുടക്കി നിര്‍മ്മിച്ച ചിത്രം വലിയ വിജയത്തിലേക്ക് നീങ്ങും എന്നാണ് സൂചനകള്‍.
500 കോടി ബജറ്റില്‍ രണ്ട് ഭാഗങ്ങള്‍! ബോളിവുഡില്‍ വമ്പന്‍ അരങ്ങേറ്റത്തിന് ആ തെന്നിന്ത്യന്‍ താരം
