'പുഷ്പ 2: ദ റൂൾ 'അടുത്തകാലത്തെ ഏറ്റവും മികച്ച ചിത്രം': ചിത്രത്തിന്‍റെ ഹൈപ്പ് കൂട്ടി ആദ്യ റിവ്യൂ
പുഷ്പ 2: ദി റൂളിന്റെ സംഗീത റിലീസ് ചടങ്ങിൽ, സംഗീത സംവിധായകൻ ദേവി ശ്രീ പ്രസാദ് ചിത്രത്തെ പ്രശംസിച്ച് സംസാരിച്ചു.
 )
Followചെന്നൈ: അല്ലു അർജുന്‍റെ പുഷ്പ 2: ദ റൂൾ റിലീസിനായി ആകാംക്ഷയോടെ കാത്തിരിക്കുകയാണ് ഇന്ത്യന്‍ സിനിമ ലോകം. ശ്രീലീലയെ നര്‍ത്തകിയായി എത്തുന്ന കിസ്‌സിക് എന്ന ഗാനത്തിന്‍റെ റിലീസ് ഞായറാഴ്ച ചെന്നൈയിൽ നടന്നിരുന്നു. റിപ്പോർട്ട് അനുസരിച്ച്, ചടങ്ങിൽ സംഗീതസംവിധായകൻ ദേവി ശ്രീ പ്രസാദ് ചിത്രത്തിനെക്കുറിച്ച് വേദിയില്‍ തന്‍റെ അഭിപ്രായം പറഞ്ഞു. 'സമീപകാലത്തെ ഏറ്റവും മികച്ച സിനിമയായിരിക്കുമെന്നാണ്' ചിത്രത്തിന്‍റെ സംഗീത സംവിധായകന്‍ പറഞ്ഞത്.
“റിലീസായതിന് ശേഷം നിങ്ങൾ എല്ലാവരും പുഷ്പ 1 ഒരു ഉത്സവമായി ആഘോഷിച്ചു. പുഷ്പ 2 റിലീസിന് മുമ്പ് തന്നെ നിങ്ങൾ അത് ഉത്സവമാക്കി. പുഷ്പ 1 ബ്ലോക്ക്ബസ്റ്ററാക്കിയതിന് ലോകമെമ്പാടുമുള്ള എല്ലാവർക്കും നന്ദി. എല്ലാവർക്കും, ദൈവം അവരുടെ കരിയറിൽ ഒരു വലിയ അവസരം നൽകുന്നു. പുഷ്പ 1 എന്ന ചിത്രത്തിലൂടെ എനിക്ക് ഏറ്റവും മികച്ച നേട്ടം ലഭിച്ചു. രണ്ടാം ഭാഗത്തിനായി ഞാൻ ആവേശത്തിലാണ്. ചിത്രത്തിന്‍റെ അവസാന മിക്‌സിങ്ങിന്‍റെ തിരക്കിലായതിനാൽ സുകുമാറിന് വരാനായില്ല. അദ്ദേഹത്തിന് വേണ്ടി സംസാരിക്കാനാണ് ഞാന്‍ വന്നിരിക്കുന്നത്" ദേവി ശ്രീ പ്രസാദ് പറഞ്ഞു.
“ഞാൻ നിങ്ങളോട് ഒരു കാര്യം പറയാൻ ആഗ്രഹിക്കുന്നു. ആദ്യ പകുതി കണ്ടതിനു ശേഷം ഞാൻ പറഞ്ഞു. അടുത്ത കാലത്തെ ഏറ്റവും മികച്ച ചിത്രമായിരിക്കും പുഷ്പ ദ റൂൾ. രണ്ടാം പകുതിയും കണ്ടപ്പോൾ മനസ്സ് നിറഞ്ഞു. ബണ്ണീ (അല്ലു അര്‍ജുന്‍) ഇവിടെ എല്ലാവരുടെയും സാന്നിധ്യത്തിൽ നിന്നോട് ഒരു കാര്യം പറയാം. താങ്കളുടെ വിശ്വരൂപം സിനിമയിൽ കാണിച്ചിട്ടുണ്ട്.
സിനിമ കാണുകയും അതിനെ പ്രണയിക്കുകയും അതിനായി ഇൻഡസ്ട്രിയിലേക്ക് വരികയും ചെയ്ത ഒരാളായാണ് ഞാൻ സംസാരിക്കുന്നത്. ഞാനിപ്പോൾ ഒരു സിനിമാ ആരാധകൻ എന്ന നിലയിലാണ് സംസാരിക്കുന്നത്. ബണ്ണി, നിങ്ങൾ ഏറ്റവും മികച്ച ചിത്രമാണിത്" ദേവി ശ്രീ പ്രസാദ് പറഞ്ഞു.
അടുത്തിടെ ഇറങ്ങിയ സൂര്യ ചിത്രം കങ്കുവയുടെ പേരില്‍ ഏറെ വിമര്‍ശനം നേരിട്ട ദേവി ശ്രീ പ്രസാദിന് വന്‍ തിരിച്ചുവരവ് നല്‍കുമോ പുഷ്പ ദ റൂൾ എന്നാണ് ഇപ്പോള്‍ സിനിമ ലോകം ഉറ്റുനോക്കുന്നത്. നേരത്തെ ചിത്രത്തിന്‍റെ പാശ്ചത്തല സംഗീതത്തില്‍ നിന്നും ദേവി ശ്രീ പ്രസാദിനെ മാറ്റിയിരുന്നു എന്ന തരത്തില്‍ വാര്‍ത്തകള്‍ വന്നിരുന്നു. എന്തായാലും ദേവി ശ്രീ പ്രസാദിന്‍റെ വാക്കുകള്‍ പുഷ്പ 2 ഹൈപ്പ് വീണ്ടും കൂട്ടിയിട്ടുണ്ട്. സുകുമാര്‍ സംവിധാനം ചെയ്യുന്ന പുഷ്പ 2 വരുന്ന ഡിസംബര്‍ 5നാണ് റിലീസ് ചെയ്യുന്നത്.
സാമന്തയെ വെല്ലിയോ ശ്രീലീല ? പുഷ്പ 2ലെ ഐറ്റം സോംഗ് എത്തി; 'ഊ ആണ്ടവ' തന്നെ ബെസ്റ്റെന്ന് കമന്റ്സ്
