ഒടുവില്‍ ബിഗ് ബോസില്‍ 'തുരുപ്പ് ചീട്ടുകള്‍' എത്തുന്നു; വൈല്‍ഡ് കാര്‍ഡുകള്‍ ഇനി കാര്യങ്ങള്‍ 'മാറ്റിപ്പിടിക്കും
വൈല്‍ഡ് കാര്‍ഡ് എന്‍ട്രികളുടെ കൂട്ടത്തില്‍ പുരുഷ മത്സരാര്‍ത്ഥികളായിരിക്കും കൂടുതല്‍. ഇപ്പോള്‍ വീട്ടില്‍ കുറവും പുരുഷ മത്സരാര്‍ത്ഥികളാണ് എന്നതിനാലാണ് ഇത്.
 )
Followതിരുവനന്തപുരം: മലയാളം ബിഗ് ബോസ് സീസണ്‍ 6 നാലാം ആഴ്ച കഴിയുമ്പോള്‍ 14 പേരാണ് വീട്ടില്‍ അവശേഷിക്കുന്നത്. ഇത്രയും ചെറിയ സമയത്തിനുള്ളില്‍ തന്നെ 19 ആദ്യ മത്സരാര്‍ത്ഥികളില്‍ നിന്നും അഞ്ചുപേര്‍ പുറത്തായി. എന്നാല്‍ ഇതില്‍ സിജോയുടെ കാര്യത്തില്‍ ഇനിയും അന്തിമ തീരുമാനം ആയില്ല. പെട്ടെന്ന് ഇത്രയും പേര്‍ പുറത്ത് പോയത് ടീമിന്‍റെ മൊത്തം അവസ്ഥയെ ബാധിച്ചിട്ടുണ്ട്. ഗെയിമിനെയും ബാധിച്ചിട്ടുണ്ടെന്നാണ് പ്രേക്ഷകരും പറയുന്നത്.
അതേ സമയം വൈല്‍ഡ് കാര്‍ഡ് എന്‍ട്രികള്‍ ഇറക്കാന്‍ ബിഗ് ബോസ് ഒടുവില്‍ തീരുമാനിക്കുന്നു എന്നാണ് വിവരം. ഈ ആഴ്ചയിലെ വാരാന്ത്യ എപ്പിസോഡില്‍ എന്തായാലും വൈല്‍ഡ് കാര്‍ഡുകള്‍ എത്തും. വൈല്‍ഡ് കാര്‍ഡുകളുടെ എണ്ണത്തില്‍ വലിയൊരു സര്‍പ്രൈസ് ബിഗ് ബോസ് നല്‍കും എന്നാണ് സൂചന. ഒരു മിനി ഓപ്പണിംഗ് എപ്പിസോഡ് പോലെ തന്നെ പ്രേക്ഷകര്‍ പ്രതീക്ഷിച്ചതിനെക്കാള്‍ ആള്‍ക്കാര്‍ വീട്ടിലേക്ക് എത്തും എന്നാണ് സൂചന.
ഇതിനൊപ്പം തന്നെ ഈ കൂട്ടത്തില്‍ പുരുഷ മത്സരാര്‍ത്ഥികളായിരിക്കും കൂടുതല്‍. ഇപ്പോള്‍ വീട്ടില്‍ കുറവും പുരുഷ മത്സരാര്‍ത്ഥികളാണ് എന്നതിനാലാണ് ഇത്.
ഈ സീസണിലെ ബിഗ് ബോസില്‍ ആദ്യ ആഴ്ചയില്‍ രതീഷ് കുമാറും, രണ്ടാം ആഴ്ചയില്‍ കോമണര്‍ ആയി വന്ന നിഷാന ഇന്നലെയും നടന്‍ സുരേഷ് മേനോന്‍ എന്നിവരും പുറത്തായി. പിന്നീടാണ് കഴിഞ്ഞ ചൊവ്വാഴ്ച ദൌര്‍ഭാഗ്യകരമായ സംഭവം ഉണ്ടായത്. സിജോയെ കൈയ്യേറ്റം ചെയ്ത റോക്കി ഷോയില്‍ നിന്നും പുറത്തായി. പിന്നാലെ ഗൌരവനായി പരിക്ക് പറ്റിയ സിജോയും പുറത്തായി. അതിനാല്‍ തന്നെ പുരുഷ മത്സരാര്‍ത്ഥികളുടെ എണ്ണവും കുറഞ്ഞു. ഗബ്രി, ജിന്‍റോ, അര്‍ജുന്‍, ഋഷി എന്നിവര്‍ മാത്രമാണ് ഇപ്പോള്‍ വീട്ടിലെ പുരുഷ മത്സരാര്‍ത്ഥികള്‍.
നേരത്തെ വിവിധ സോഷ്യല്‍ മീഡിയ ബിഗ് ബോസ് ചര്‍ച്ച ഗ്രൂപ്പുകളില്‍ വൈല്‍ഡ് കാര്‍ഡ് വിഷയം ശക്തമായി തന്നെ ചര്‍ച്ചയായിരുന്നു. മൂന്നാം ആഴ്ചയിലെ ഞായര്‍ എപ്പിസോഡിലും വൈല്‍ഡ് കാര്‍ഡ് എന്‍ട്രി സംബന്ധിച്ച സൂചന ബിഗ് ബോസ് നല്‍കിയിരുന്നില്ല. പുതിയ സൂചനകള്‍ പ്രേക്ഷകര്‍ക്ക് ആഹ്ളാദം നല്‍കുന്നതാണ്.
മലയാളം ബിഗ് ബോസ് സീസണ്‍ 6 വൈല്‍ഡ് കാര്‍ഡ് എന്‍ട്രിയില്‍ സാധാരണ നിലയില്‍ ഒരു കളിക്ക് നില്‍ക്കില്ലെന്നും പ്രേക്ഷകര്‍ പ്രതീക്ഷിക്കുന്നുണ്ട്. സമീപകാലത്ത് നടന്ന തമിഴ് ബിഗ് ബോസില്‍ അടക്കം അവസാനം കിരീടം ചൂടിയത് വൈല്‍ഡ് കാര്‍ഡ് എന്‍ട്രിയില്‍ എത്തിയ വ്യക്തികളാണ് എന്നതിനാല്‍ പുതിയ വൈല്‍ഡ് കാര്‍ഡ് എന്‍ട്രികള്‍ കളി മാറ്റും എന്നാണ് പ്രേക്ഷക പ്രതീക്ഷ.
'ഇത് കുടുംബങ്ങള്‍ കാണുന്ന ഷോ ആണ്'; ജിന്‍റോയ്ക്കും ഗബ്രിക്കും മുന്നറിയിപ്പുമായി ബിഗ് ബോസ്
'വ്യക്തിശുചിത്വം' വീണ്ടും തര്‍ക്കവിഷയം; ബിഗ് ബോസില്‍ ഏറ്റുമുട്ടി ജിന്‍റോയും ജാസ്‍മിനും
