വീട്ടിലാരുമില്ല, വൈക്കത്ത് വീടിന്‍റെ ഓട് പൊളിച്ച് അകത്തുകടന്ന സംഘം കവർന്നത് 70 പവൻ സ്വർണം
ഭിത്തിയിൽ നിന്ന് മോഷ്ടാവിന്‍റെ വിരലടയാളം ഫോറൻസിക് സംഘത്തിന് കിട്ടിയിട്ടുണ്ട്.
 )
Followകോട്ടയം: വൈക്കത്ത് വീട്ടിൽ നിന്ന് 70 പവൻ സ്വർണം കവർന്ന കേസിൽ അന്വേഷണം ഊർജിതമാക്കി. വീടിന്‍റെ ഓട് പൊളിച്ച് അകത്ത് കടന്ന മോഷ്ടാക്കൾ 70 പവൻ സ്വർണവും ഡയമണ്ട് ആഭരണങ്ങളുമാണ് കവർന്നത്. വൈക്കം എസ്എച്ച്ഒയുടെ നേതൃത്വത്തിൽ പത്തംഗ സംഘമാണ് കേസ് അന്വേഷിക്കുന്നത്.
വൈക്കം ആറാട്ടുകുളങ്ങരയിലെ പുരുഷോത്തമൻ നായരുടെ വീട്ടിൽ തിങ്കളാഴ്ച രാത്രിയാണ് മോഷണം നടന്നത്. രാത്രി ഒൻപതരയോടെ പുരുഷോത്തമൻ നായരും ഭാര്യയും മകളും ചേർത്തലയിലേക്ക് പോയിരുന്നു. കഴിഞ്ഞ ദിവസം ഉച്ചക്ക് തിരിച്ചെത്തിയപ്പോഴാണ് മോഷണ വിവരം അറിഞ്ഞത്.
ഓട് പൊളിച്ച് അകത്ത് കടന്ന മോഷ്ടാവ് അലമാരക്കുള്ളിൽ സൂക്ഷിച്ചിരുന്ന 70 പവൻ സ്വർണവും ഡയമണ്ട് ആഭരണങ്ങളുമാണ് കവർന്നത്. ഭിത്തിയിൽ നിന്ന് മോഷ്ടാവിന്‍റെ വിരലടയാളം ഫോറൻസിക് സംഘത്തിന് കിട്ടിയിട്ടുണ്ട്. മോഷണത്തിന് ഉപയോഗിച്ചതെന്ന് കരുതുന്ന കമ്പിപ്പാരയും കണ്ടെടുത്തു. സമീപ വീടുകളിലെ സിസിടിവി ദൃശ്യങ്ങളും പൊലീസ് ശേഖരിച്ചിട്ടുണ്ട്.
ഏഷ്യാനെറ്റ് ന്യൂസ് ലൈവ് യൂട്യൂബിൽ കാണാം
