UPSC CSE Exam 2022 : യുപിഎസ്‍സി സിവിൽ സർവ്വീസ് 2022; രജിസ്ട്രേഷൻ ആരംഭിച്ചു; 861 ഒഴിവുകളിൽ വിജ്ഞാപനം
അപേക്ഷ നടപടികൾ ആരംഭിച്ചു. 2022 ഫെബ്രുവരി 22 വൈകുന്നേരം 6 മണി വരെ അപേക്ഷ സമർപ്പിക്കാം.
 )
Followദില്ലി: യുപിഎസ്‍സി (Union Public Service Commission) സിവിൽ സർവ്വീസ് പരീക്ഷ 2022 (Civil Service Exam 2022) വിജ്ഞാപനം പുറപ്പെടുവിച്ചു (Notification). താത്പര്യമുള്ള ഉദ്യോഗാർത്ഥികൾക്ക് upsc.gov.in. എന്ന ഔദ്യോഗിക വെബ്സൈറ്റ് വഴി അപേക്ഷിക്കാം. അപേക്ഷ നടപടികൾ ആരംഭിച്ചു. 2022 ഫെബ്രുവരി 22 വൈകുന്നേരം 6 മണി വരെ അപേക്ഷ സമർപ്പിക്കാം. യുപിഎസ്‍സി സിവിൽ സർവ്വീസ് പ്രിലിമിനറി പരീക്ഷ 2022 ജൂൺ 5 ന്നടത്തും. പ്രാഥമിക പരീക്ഷയിൽ വിജയിക്കുന്ന ഉദ്യോഗാർത്ഥികൾക്ക് മാത്രമേ മെയിൻ പരീക്ഷ എഴുതാൻ സാധിക്കൂ. 861 ഒഴിവുകളിലേക്കാണ് യുപിഎസ്‍സി വിജ്ഞാപനം പുറപ്പെടുവിച്ചിരിക്കുന്നത്.
സർവ്വകലാശാല ബിരുദമാണ് അപേക്ഷിക്കാനുള്ള യോഗ്യത. 21 വയസ്സാണ് അപേക്ഷിക്കാനുള്ള പ്രായപരിധി. രണ്ട് ഘട്ടങ്ങളിലായിട്ടാണ് സിവിൽ സർവ്വീസ് പരീക്ഷ നടകക്കുന്നത്. പ്രാഥമിക പരീക്ഷ (ഒബ്ജക്റ്റീവ് ടൈപ്പ്), മെയിൻ പരീക്ഷ (എഴുത്തുപരീക്ഷ, അഭിമുഖം) എന്നിവയുണ്ടാകും. രണ്ട് പരീക്ഷകളും അഭിമുഖവും വിജയിച്ചാൽ വിജ്ഞാപനം അനുസരിച്ചുളള, വിവിധ വകുപ്പുകളിലെ വിവിധ തസ്തികകളിൽ നിയമനം ലഭിക്കും.
