പരിഷ്‍കാരികളാകും ടാറ്റയുടെ ഈ ജനപ്രിയന്മാര്‍, വിവരങ്ങള്‍ പുറത്ത്
ടാറ്റ മോട്ടോഴ്സ് 2024-ൽ നമ്മുടെ വിപണിയിൽ അവതരിപ്പിക്കുന്ന സഫാരി, ഹാരിയർ എസ്‌യുവികളെ ഇന്ത്യൻ റോഡുകളിൽ പരീക്ഷിക്കുന്നുണ്ട്.
 )
Followജനപ്രിയ മോഡലുകളായ സഫാരിയുടെയും ഹാരിയറിന്റെയും നവീകരിച്ച പതിപ്പുകൾ ഇന്ത്യൻ വിപണിയിൽ അവതരിപ്പിക്കാനൊരുങ്ങുകയാണ് ടാറ്റാ മോട്ടോഴ്സ്. പുതിയ മോഡലുകൾക്ക് ADAS ഫീച്ചറുകളും മെച്ചപ്പെട്ട ഇൻഫോടെയ്ൻമെന്റ് സിസ്റ്റവും ഒന്നിലധികം പുതിയ ഫീച്ചറുകളും ലഭിക്കും. പുതുക്കിയ മോഡലുകൾക്കുള്ള ബുക്കിംഗ് ഇതിനകം ആരംഭിച്ചിട്ടുണ്ട്. ടാറ്റ മോട്ടോഴ്സ് 2024-ൽ നമ്മുടെ വിപണിയിൽ അവതരിപ്പിക്കുന്ന സഫാരി, ഹാരിയർ എസ്‌യുവികളെ ഇന്ത്യൻ റോഡുകളിൽ പരീക്ഷിക്കുന്നുണ്ട്.
2024 ടാറ്റ സഫാരിക്കും ഹാരിയർ എസ്‌യുവിക്കും കാര്യമായ ഡിസൈൻ മാറ്റങ്ങൾ ലഭിക്കും. അത് 2023 ഓട്ടോ എക്‌സ്‌പോയിൽ അവതരിപ്പിച്ച ഹാരിയർ ഇവി കൺസെപ്റ്റിൽ നിന്ന് പ്രചോദനം ഉൾക്കൊണ്ടിരിക്കും. എസ്‌യുവിക്ക് സ്പ്ലിറ്റ് ഹെഡ്‌ലാമ്പ് സജ്ജീകരണമുള്ള ഒരു പുതിയ ഫ്രണ്ട് ഫാസിയ ഉണ്ടായിരിക്കും. റീസ്റ്റൈൽ ചെയ്‍ത ബമ്പറിലെ പ്രധാന ഹെഡ്‌ലൈറ്റുകൾ ഇപ്പോൾ ലംബമായും കൂടുതൽ അരികുകളിലേക്കും സ്ഥാപിച്ചിരിക്കുന്നു.
പുതിയ സഫാരി ഫെയ്‌സ്‌ലിഫ്റ്റിൽ വെർട്ടിക്കൽ സ്ലാട്ടുകളോട് കൂടിയ ഫ്രണ്ട് ഗ്രില്ലാണ് നൽകിയിരിക്കുന്നത്. ഗ്രില്ലിനും ഹെഡ്‌ലാംപ് അസംബ്ലിക്കും മുകളിലായി പൂർണ്ണ വീതിയുള്ള എൽഇഡി ലൈറ്റ് ബാർ ലഭിക്കാൻ സാധ്യതയുണ്ട്. പുതിയ മോഡലുകൾക്ക് പുതിയ ബ്ലാക്ക്ഡ്-ഔട്ട്, ട്വിൻ ഫൈവ് സ്‌പോക്ക് അലോയ് വീലുകൾ ഉണ്ടായിരിക്കുമെന്ന് സ്പൈ ചിത്രങ്ങൾ വെളിപ്പെടുത്തുന്നു. പിൻഭാഗത്ത്, എസ്‌യുവിക്ക് പുതുക്കിയ ബമ്പറും സ്ലിമ്മർ കണക്റ്റുചെയ്‌ത എൽഇഡി ടെയിൽ ലൈറ്റുകളും ലഭിക്കും.
2024 ടാറ്റ സഫാരിയും ഹാരിയറും 170 ബിഎച്ച്‌പിയും 350 എൻഎം ടോർക്കും നൽകുന്ന 2.0 എൽ ടർബോ ഡീസൽ എഞ്ചിനായിരിക്കും. ട്രാൻസ്മിഷൻ തിരഞ്ഞെടുപ്പുകളിൽ 6-സ്പീഡ് മാനുവലും 6-സ്പീഡ് ടോർക്ക് കൺവെർട്ടർ ഓട്ടോമാറ്റിക്കും ഉൾപ്പെടും. പുതിയ എസ്‌യുവികൾക്ക് ടാറ്റയുടെ പുതിയ 1.5 എൽ 4-സിലിണ്ടർ ടർബോ പെട്രോൾ എഞ്ചിനും 170 ബിഎച്ച്‌പിയും 280 എൻഎം ടോർക്കും ഉൽപ്പാദിപ്പിക്കാൻ കഴിയും.
സഫാരിയുടെയും ഹാരിയറിന്റെയും 2023 മോഡൽ വർഷത്തിൽ ടാറ്റ ഉടൻ തന്നെ പ്രധാന ഇന്റീരിയർ അപ്‌ഡേറ്റുകൾ അവതരിപ്പിക്കും. രണ്ട് എസ്‌യുവികൾക്കും 10.25 ഇഞ്ച് ടച്ച്‌സ്‌ക്രീൻ ഇൻഫോടെയ്ൻമെന്റ് യൂണിറ്റും വയർലെസ് ആൻഡ്രോയിഡ് ഓട്ടോയും ആപ്പിൾ കാർപ്ലേയും ആറ് പ്രാദേശിക ഭാഷകളിലെ വോയ്‌സ് കമാൻഡുകളും പുതിയ 7 ഇഞ്ച് ഡിജിറ്റൽ ഡ്രൈവർ ഡിസ്‌പ്ലേയും ലഭിക്കും. എസ്‌യുവികൾക്ക് എക്സ്റ്റീരിയറിലും ഇന്റീരിയറിലും റെഡ് ഇൻസെർട്ടുകളുള്ള പുതിയ റെഡ് ഡാർക്ക് എഡിഷനുകളും ലഭിക്കും. മെമ്മറി ഫംഗ്‌ഷനോടുകൂടിയ ഇലക്ട്രിക്കലി അഡ്ജസ്റ്റ് ചെയ്യാവുന്ന ഡ്രൈവർ സീറ്റും ബോസ് ഫംഗ്‌ഷനോടുകൂടിയ പവർഡ് കോ-പാസഞ്ചർ സീറ്റും പുതിയ സഫാരിയിലുണ്ടാകും.
ഫോർവേഡ് കൊളിഷൻ വാണിംഗ്, ഓട്ടോണമസ് എമർജൻസി ബ്രേക്കിംഗ്, ട്രാഫിക് സൈൻ റെക്കഗ്നിഷൻ, ലെയിൻ ഡിപ്പാർച്ചർ മുന്നറിയിപ്പ്, ഹൈ ബീം അസിറ്റ്, ബ്ലൈൻഡ് സ്പോട്ട് ഡിറ്റക്ഷൻ, ലെയ്ൻ ചേഞ്ച് അലേർട്ട് തുടങ്ങിയവ ഉൾപ്പെടെയുള്ള അഡാസ് ഫീച്ചറുകൾ പുതിയ മോഡലുകൾക്ക് ലഭിക്കും. 360 ഡിഗ്രി ക്യാമറ, ആറ് എയർബാഗുകൾ, ഇഎസ്പി, ട്രാക്ഷൻ കൺട്രോൾ എന്നിവയും എസ്‌യുവികളിൽ ഉണ്ടാകും.
