കാട്ടിൽപ്പോണ വഴിയേത്? കാട്ടിത്തരുവാൻ ഇതാ ജിംനി റെഡി!
പരുക്കനും കഠിനവുമായ ഭൂപ്രദേശങ്ങളുടെ ആവശ്യങ്ങൾക്കും വിനോദസഞ്ചാരികൾക്കും വന്യജീവി ഫോട്ടോഗ്രാഫർമാർക്കും മരുഭൂമിയുടെ തുറന്ന കാഴ്‌ച നൽകുന്നതിനും പഴയ ജിപ്‌സിക്കൊപ്പം ട്രാക്‌സ് ക്രൂയിസർ സഫാരിയും ഫോഴ്‌സ് മോട്ടോഴ്‌സ് വാഗ്ദാനം ചെയ്യുന്നുണ്ട്. എന്നാൽ ഇപ്പോഴിതാ, ഈ ഉല്ലാസയാത്രകളിൽ നിങ്ങളെ കൊണ്ടുപോകാൻ ഒരു പുത്തൻ വാഹനം തയ്യാറാണ്.
 )
Followഇന്ത്യയിലുടനീളമുള്ള വന്യജീവികളെക്കുറിച്ച് ഗവേഷണം ചെയ്യാൻ വ്യാപകമായി ഉപയോഗിച്ച വാഹനമാണ് പഴയ മാരുതി സുസുക്കി ജിപ്‌സി. ഇന്ത്യയിലുടനീളമുള്ള ഏതെങ്കിലും ദേശീയ പാർക്കുകളിലും സങ്കേതങ്ങളിലും നിങ്ങൾ ഫോറസ്റ്റ് സഫാരിയിൽ പോയിട്ടുണ്ടെങ്കിൽ, നിങ്ങൾ പഴയ മഹീന്ദ്ര ജീപ്പിലോ പരിഷ്കരിച്ച ബൊലേറോയിലും കയറിയിരിക്കാനും സാധ്യതയുണ്ട്. പരുക്കനും കഠിനവുമായ ഭൂപ്രദേശങ്ങളുടെ ആവശ്യങ്ങൾക്കും വിനോദസഞ്ചാരികൾക്കും വന്യജീവി ഫോട്ടോഗ്രാഫർമാർക്കും മരുഭൂമിയുടെ തുറന്ന കാഴ്‌ച നൽകുന്നതിനും പഴയ ജിപ്‌സിക്കൊപ്പം ട്രാക്‌സ് ക്രൂയിസർ സഫാരിയും ഫോഴ്‌സ് മോട്ടോഴ്‌സ് വാഗ്ദാനം ചെയ്യുന്നുണ്ട്. എന്നാൽ ഇപ്പോഴിതാ, ഈ ഉല്ലാസയാത്രകളിൽ നിങ്ങളെ കൊണ്ടുപോകാൻ ഒരു പുത്തൻ വാഹനം തയ്യാറാണ്. അത് മാരുതി സുസുക്കി ജിംനിയുടെ പരിഷ്കരിച്ച പതിപ്പാണ് .
പഴയ സഫാരി വാഹനങ്ങൾക്ക് പകരം പുതിയ മാരുതി ജിംനി സഫാരി പതിപ്പുകൾ വരുമെന്ന് കഴിഞ്ഞ വർഷം നാഷണൽ കൺസർവേഷൻ അതോറിറ്റിയും കേന്ദ്ര പരിസ്ഥിതി വനംവകുപ്പ് മന്ത്രാലയവും പ്രഖ്യാപിച്ചിരുന്നു. എല്ലാ വന്യജീവി സങ്കേതങ്ങളോടും ദേശീയ പാർക്കുകളോടും എല്ലാ ഡിപ്പാർട്ട്‌മെന്റൽ വാഹനങ്ങളും പഴയ സഫാരി വാഹനങ്ങളും നീക്കം ചെയ്യാനും പുതിയ എമിഷൻ നിലവാരമുള്ള വാഹനങ്ങൾ തിരഞ്ഞെടുക്കാനും അധികൃതർ ആവശ്യപ്പെട്ടിരുന്നു.
ഇത്തരം ജോലിക്കായി ജിംനി എസ്‌യുവി വാങ്ങാൻ എൻടിസിഎ മാരുതി സുസുക്കിയുമായി ചർച്ച നടത്തിവരികയാണെന്നാണ് റിപ്പോര്‍ട്ടുകൾ. എല്ലാ സംസ്ഥാനങ്ങളോടും അവരുടെ പരിഷ്ക്കരണ ആവശ്യകതകൾ നൽകാൻ അധികൃതർ ആവശ്യപ്പെട്ടിട്ടുണ്ട്. മാരുതി ജിംനി സഫാരി പതിപ്പിന്റെ ചിത്രങ്ങൾ സോഷ്യൽ മീഡിയയിൽ വൈറലാണ്. പുതിയ ജിംനി സഫാരി പരീക്ഷിക്കുകയാണ്. സഫാരി ട്രാക്കുകളേക്കാൾ പുതിയ പതിപ്പ് കൂടുതൽ സൗകര്യപ്രദമാണെന്നാണ് റിപ്പോര്‍ട്ടുകൾ.
വിൻഡ്‌സ്‌ക്രീൻ ഉറപ്പിച്ച വാഹനമാണിത്. സഫാരി വെഹിക്കിൾ ലുക്ക് നൽകുന്നതിനായി മേൽക്കൂര നീക്കം ചെയ്തിട്ടുണ്ട്. യാത്രക്കാരുടെ തലയ്ക്ക് സംരക്ഷണം നൽകാൻ രണ്ട് റോൾ ബാറുകൾ സ്ഥാപിച്ചിട്ടുണ്ട്. ഇത് സെറ്റ വേരിയന്റിനെ അടിസ്ഥാനമാക്കിയുള്ളതാണ്, കൂടാതെ സ്റ്റീൽ വീലുകളുമുണ്ട്. മാരുതി ജിംനി സഫാരി പതിപ്പിൽ ബുൾ ബാർ സജ്ജീകരിച്ചിരിക്കുന്നു, അത് ഫ്രണ്ട് വീൽ ആർച്ചുകളിലൂടെയും പിൻ വീൽ ആർച്ചുകളിലേക്കും വ്യാപിക്കുന്നു. മൂന്നാം നിര ബെഞ്ച് ടൈപ്പ് സീറ്റും മാരുതി സുസുക്കി ചേർത്തിട്ടുണ്ട്.
അതേസമയം ജിനിയെപ്പറ്റി പറയുകയാമെങ്കിൽ ആപ്പിൾ കാർപ്ലേ, ആൻഡ്രോയിഡ് ഓട്ടോ സപ്പോർട്ട്, ഓട്ടോമാറ്റിക് എസി, കീലെസ് എൻട്രി, ക്രൂയിസ് കൺട്രോൾ എന്നിവയ്‌ക്കൊപ്പം ഫ്രീ-സ്റ്റാൻഡിംഗ് ടച്ച്‌സ്‌ക്രീൻ ഇൻഫോടെയ്ൻമെന്റ് സ്‌ക്രീൻ ഇതിന് ലഭിക്കുന്നു. ആറ് വരെ എയർബാഗുകൾ, ഇബിഡി സഹിതമുള്ള ABS, ഇലക്ട്രോണിക് സ്റ്റെബിലിറ്റി കൺട്രോൾ (ESC), ബ്രേക്ക് അസിസ്റ്റ്, ചൈൽഡ് സീറ്റുകൾക്കായി ഐസോഫിക്സ് മൗണ്ടുകൾ എന്നിവയാണ് ഓഫ്-റോഡറിൽ വരുന്നത്. 102പിഎസും 130എൻഎം ടോർക്കും. ട്രാൻസ്മിഷൻ തിരഞ്ഞെടുപ്പുകളിൽ 5-സ്പീഡ് മാനുവൽ, 4-സ്പീഡ് ടോർക്ക് കൺവെർട്ടർ ഓട്ടോമാറ്റിക് എന്നിവ ഉൾപ്പെടുന്നു. സുസുക്കി ഓൾഗ്രിപ്പ് പ്രോ 4-വീൽ ഡ്രൈവ് സിസ്റ്റവും കോയിൽ സ്പ്രിംഗുകളുള്ള 3-ലിങ്ക് റിജിഡ് ആക്‌സിലുമാണ് എസ്‌യുവിയിൽ ഘടിപ്പിച്ചിരിക്കുന്നത്.
