മാരുതി ജിംനി ഈ മാസവും എത്തില്ല, ഇതുവരെ 24,500 ബുക്കിംഗുകള്‍
ജിംനിയുടെ ലോഞ്ച് ജൂൺ ആദ്യ വാരത്തിലേക്ക് മാറ്റി എന്നാണ് പുതിയ റിപ്പോര്‍ട്ടുകള്‍. ജൂൺ ആദ്യവാരം ലോഞ്ച് ചെയ്തതിന് ശേഷം എസ്‌യുവിയുടെ ഡെലിവറികൾ ആരംഭിക്കുമെന്ന് പ്രതീക്ഷിക്കുന്നു. ഇതുവരെ, ഇന്ത്യയിൽ ജിംനിക്കായി 24,500-ലധികം ബുക്കിംഗുകൾ കമ്പനിക്ക് ലഭിച്ചിട്ടുണ്ട്,.
 )
Followരാജ്യത്തെ വാഹനവിപണി ഏറെക്കാലമായി പ്രതീക്ഷയോടെ കാത്തിരിക്കുന്ന മോഡലാണ് മാരുതി സുസുക്കി ജിംനി. 2023 മെയ് രണ്ടാം പകുതിയിൽ ഈ ഓഫ്-റോഡർ വിൽപ്പനയ്‌ക്കെത്തുമെന്നായിരുന്നു പ്രതീക്ഷിച്ചിരുന്നത്. എന്നാല്‍ മാരുതി സുസുക്കി ജിംനി എസ്‌യുവി ഈ മാസം ഇന്ത്യയിൽ അവതരിപ്പിക്കില്ല എന്നാണ് പുതിയ വാര്‍ത്തകള്‍. ജിംനിയുടെ ലോഞ്ച് ജൂൺ ആദ്യ വാരത്തിലേക്ക് മാറ്റി എന്നാണ് പുതിയ റിപ്പോര്‍ട്ടുകള്‍. ജൂൺ ആദ്യവാരം ലോഞ്ച് ചെയ്തതിന് ശേഷം എസ്‌യുവിയുടെ ഡെലിവറികൾ ആരംഭിക്കുമെന്ന് പ്രതീക്ഷിക്കുന്നു. ഇതുവരെ, ഇന്ത്യയിൽ ജിംനിക്കായി 24,500-ലധികം ബുക്കിംഗുകൾ കമ്പനിക്ക് ലഭിച്ചിട്ടുണ്ട്,.
മാരുതി സുസുക്കി നെക്സ ഷോറൂമുകളിൽ ഉടനീളം ജിംനി പ്രദർശിപ്പിക്കുന്നുണ്ട്. ലോഞ്ച് ചെയ്യുമ്പോൾ മാനുവൽ വേരിയന്റുകളുടെ കാത്തിരിപ്പ് കാലയളവ് ആറ് മാസം വരെ നീളും, അതേസമയം ഓട്ടോമാറ്റിക് വേരിയന്റുകൾക്ക് എട്ട് മാസം വരെ കാത്തിരിപ്പ് കാലയളവുണ്ട്. ബ്ലൂഷ് ബ്ലാക്ക്, കൈനറ്റിക് യെല്ലോ, പേൾ ആർട്ടിക് വൈറ്റ് എന്നിവയാണ് ജിംനിയിൽ ഇതുവരെയുള്ള ഏറ്റവും ജനപ്രിയമായ കളർ ചോയ്‌സുകൾ. മോഡല്‍ ലൈനപ്പിന്‍റെ മുൻനിരയിലുള്ള ആൽഫ ട്രിം വേരിയന്റ് വാങ്ങാൻ വാങ്ങുന്നവർ കൂടുതൽ താൽപ്പര്യം കാണിക്കുന്നതായും റിപ്പോർട്ട് ഉണ്ട്. കൈനറ്റിക് യെല്ലോ, പേൾ ആർട്ടിക് വൈറ്റ്, ബ്ലൂഷ് ബ്ലാക്ക് എന്നിവയാണ് ജിംനിയുടെ ഇന്ത്യയിലെ ഏറ്റവും ജനപ്രിയമായ നിറങ്ങളെന്നും ഇത് കാണിക്കുന്നു.
ഇന്റർനെറ്റിൽ ചോർന്ന ഡീലർ ഇൻവോയ്‌സുകൾ പ്രകാരം, അടിസ്ഥാന സെറ്റ എംടി വേരിയന്റിന് 9.99 ലക്ഷം രൂപ മുതലാണ് മാരുതി സുസുക്കി ജിംനി വില ആരംഭിക്കുന്നത്. അതേസമയം ടോപ്പ്-സ്പെക്ക് ആൽഫ എടി വേരിയന്റിന് 13.99 ലക്ഷം രൂപ വിലവരും. ഈ വിലകൾ എക്സ്-ഷോറൂം വിലകള്‍ ആണ്. മാരുതി സുസുക്കി ജിംനിക്ക് കരുത്തേകുന്നത് 1.5 ലിറ്റർ കെ-സീരീസ് നാച്ചുറലി ആസ്പിറേറ്റഡ് പെട്രോൾ എഞ്ചിനായിരിക്കും. ഈ മോട്ടോർ 103 bhp കരുത്തും 134 Nm ടോര്‍ക്കും സൃഷ്‍ടിക്കും. എക്സ്എൽ6, എർട്ടിഗ, ബ്രെസ്സ തുടങ്ങിയ ശക്തമായ കാറുകളിലും ഈ എൻജിൻ ഉപയോഗിച്ചിട്ടുണ്ട്. ജിംനിയുടെ പവർ യൂണിറ്റ് 5-സ്പീഡ് മാനുവൽ അല്ലെങ്കിൽ 4-സ്പീഡ് ഓട്ടോമാറ്റിക് ട്രാൻസ്മിഷനുമായി ഇണചേരും. വരാനിരിക്കുന്ന ജിംനിക്ക് മികച്ച ഓഫ്-റോഡ് ശേഷിയുടെ സ്റ്റാൻഡേർഡായി ഓള്‍ഗ്രിപ്പ് പ്രോ 4X4 സിസ്റ്റം ലഭിക്കും.
ഫീച്ചറുകളുടെ കാര്യത്തിൽ, മാരുതി സുസുക്കി ജിംനി ഒരു 5-ഡോർ എസ്‌യുവിയായിരിക്കും. അത് ആൻഡ്രോയിഡ് ഓട്ടോ, ആപ്പിൾ കാർപ്ലേ, അർകാമിസ് സ്പീക്കറുകൾ എന്നിവയ്‌ക്കൊപ്പം 9.0 ഇഞ്ച് സ്മാർട്ട്‌പ്ലേ പ്രോ+ ടച്ച്‌സ്‌ക്രീൻ ഇൻഫോടെയ്ൻമെന്റ് സിസ്റ്റം പോലുള്ള സവിശേഷതകളാൽ സജ്ജീകരിച്ചിരിക്കുന്നു. സുരക്ഷയുടെ കാര്യത്തിൽ ആറ് എയർബാഗുകൾ, ഹിൽ-ഹോൾഡ് അസിസ്റ്റുള്ള ഇഎസ്പി, ഹിൽ-ഡിസന്റ് കൺട്രോൾ, റിയർ വ്യൂ ക്യാമറ, ഇബിഡിയുള്ള എബിഎസ് തുടങ്ങിയ സുരക്ഷാ ഫീച്ചറുകളും ഇതിന് ലഭിക്കുന്നു.
മാരുതി സുസുക്കി ജിംനി കമ്പനിയുടെ ഗുഡ്ഗാവ് പ്ലാന്റിൽ നിർമ്മിക്കും. ആഭ്യന്തര, വിദേശ ആവശ്യങ്ങൾ നിറവേറ്റുന്നതിനായി എല്ലാ മാസവും ജിംനിയുടെ 7,000 യൂണിറ്റുകൾ നിർമ്മിക്കാൻ കമ്പനി പദ്ധതിയിടുന്നു.
