മഹീന്ദ്ര എസ്യുവികൾ കോളിളക്കം സൃഷ്‍ടിക്കുന്നു! 2.86 ലക്ഷം ഓർഡറുകൾ കെട്ടിക്കിടക്കുന്നു!
സ്കോർപിയോ ക്ലാസിക്, സ്കോർപിയോ എൻ എന്നിവയ്‌ക്കായി 1.19 ലക്ഷത്തിലധികം ഓർഡറുകൾ കെട്ടിക്കിടക്കുന്നുണ്ട്. അതേസമയം, 76,000 യൂണിറ്റ് ഥാറുകളും ഡെലിവറി ചെയ്യാൻ ഉണ്ട്. XUV700-ന്റെ 70,000 യൂണിറ്റുകൾ തീർപ്പാക്കാനുണ്ട്.
 )
Followസ്വദേശി എസ്യുവി നിര്‍മ്മാതാക്കളായ മഹീന്ദ്ര ആൻഡ് മഹീന്ദ്രയുടെ എസ്യുവികൾക്ക് രാജ്യത്ത് ആവശ്യക്കാർ ഏറെയാണ്. 2.86 ലക്ഷം ഓർഡറുകളാണ് കമ്പനിക്കുള്ളത്. കഴിഞ്ഞ കുറേ മാസങ്ങളായി കമ്പനിയുടെ ബുക്കിംഗുകളുടെ എണ്ണം 2.5 ലക്ഷത്തിന് മുകളിലാണ്. ഇക്കാരണത്താൽ, തീർപ്പാക്കാത്ത ഓർഡറുകളുടെ എണ്ണം വർദ്ധിക്കുകയാണ്. മഹീന്ദ്ര ആൻഡ് മഹീന്ദ്രയുടെ മിക്കവാറും എല്ലാ മോഡലുകൾക്കും ഡിമാൻഡ് വർദ്ധിച്ചുകൊണ്ടിരിക്കുകയാണ്. പ്രത്യേകിച്ച് ഉപഭോക്താക്കൾ സ്കോർപിയോ, ഥാർ, XUV700 എന്നിവ വാങ്ങാൻ തിരക്കുകൂട്ടുന്നു.
സ്കോർപിയോ ക്ലാസിക്, സ്കോർപിയോ എൻ എന്നിവയ്‌ക്കായി 1.19 ലക്ഷത്തിലധികം ഓർഡറുകൾ കെട്ടിക്കിടക്കുന്നുണ്ട്. അതേസമയം, 76,000 യൂണിറ്റ് ഥാറുകളും ഡെലിവറി ചെയ്യാൻ ഉണ്ട്. XUV700-ന്റെ 70,000 യൂണിറ്റുകൾ തീർപ്പാക്കാനുണ്ട്. കമ്പനിയുടെ ഏറ്റവും കൂടുതൽ വിറ്റഴിക്കപ്പെടുന്ന രണ്ടാമത്തെ ബൊലേറോ എസ്‌യുവിക്ക് 11,000 ബുക്കിംഗുകൾ ശേഷിക്കുന്നു. അതേ സമയം, XUV300, XUV400 എന്നിവയുടെ 10,000-ത്തിലധികം ഓർഡറുകൾ തീർപ്പുകൽപ്പിക്കാതെ കിടക്കുന്നു. ഈ വാഹനങ്ങളുടെ തീർപ്പാക്കാത്ത ഓർഡറുകൾ നിറവേറ്റുന്നതിനായി കമ്പനി അതിന്റെ പ്ലാന്റിൽ ഉൽപ്പാദനം വർധിപ്പിച്ചിട്ടുണ്ട്.
അഡാർ കാർ വില്‍പ്പനയില്‍ തിളങ്ങി ഇന്ത്യ
ഉത്സവ സീസണിൽ മികച്ച വളർച്ചയാണ് മഹീന്ദ്ര നേടിയത്. കഴിഞ്ഞ മാസം അതായത് ഒക്ടോബറിൽ മൊത്തം വാഹന വിൽപ്പന 32 ശതമാനം വർധിച്ച് 80,679 യൂണിറ്റിലെത്തി. 2022 ഒക്ടോബറിൽ ഇത് 61,114 യൂണിറ്റായിരുന്നു. അതേസമയം, യൂട്ടിലിറ്റി വാഹനങ്ങളുടെ വിതരണം വാർഷികാടിസ്ഥാനത്തിൽ 36 ശതമാനം വർധിച്ച് 43,708 യൂണിറ്റായി. ഒരു വർഷം മുമ്പ് ഇതേ കാലയളവിൽ ഇത് 32,226 യൂണിറ്റായിരുന്നു. സ്‌പോർട്‌സ് യൂട്ടിലിറ്റി വാഹനങ്ങളുടെയും (എസ്യുവി) വാണിജ്യ വാഹനങ്ങളുടെയും മികച്ച പ്രതിമാസ വിൽപ്പനയാണ് ഒക്ടോബറിൽ നടന്നതെന്ന് കമ്പനി പ്രസ്താവനയിൽ പറഞ്ഞു.
