മഹീന്ദ്രയുടെ 'ഡബിള്‍ ചങ്കൻ ക്യാപ്റ്റൻ' പുതിയൊരു രൂപത്തിലേക്ക്, രഹസ്യ വിവരങ്ങള്‍ പുറത്ത്!
മഹീന്ദ്ര ആൻഡ് മഹീന്ദ്ര XUV700-ന്റെ 6-സീറ്റർ പതിപ്പ് ഒരുക്കുന്നതായിട്ടാണ് പുതിയ റിപ്പോര്‍ട്ട്. അടുത്തിടെ ഒരു ടെസ്റ്റ് പതിപ്പിന്റെ ചില ദൃശ്യങ്ങൾ സോഷ്യല്‍ മീഡിയയില്‍ വൈറലായിരുന്നു. ഔദ്യോഗിക ലോഞ്ച് ടൈംലൈൻ പ്രഖ്യാപിച്ചിട്ടില്ലെങ്കിലും, ഈ വർഷത്തെ ഉത്സവ സീസണിൽ മഹീന്ദ്ര XUV700 6-സീറ്റർ എത്തിയേക്കുമെന്നാണ് പുതിയ ചില റിപ്പോര്‍ട്ടുകള്‍.
 )
Follow2021 ഓഗസ്റ്റിൽ പുറത്തിറക്കിയ മഹീന്ദ്ര എക്സ്‍യുവി 700 ഹിറ്റായി മാറുകയും 20 മാസത്തിനുള്ളിൽ ഒരുലക്ഷം വിൽപ്പന എന്ന നാഴികക്കല്ല് കൈവരിക്കുകയും ചെയ്‍തു. ഇത് മഹീന്ദ്രയിൽ നിന്ന് ഏറ്റവും വേഗത്തിൽ വിറ്റഴിക്കപ്പെടുന്ന എസ്‌യുവിയായി മാറി. XUV700 മോഡൽ ലൈനപ്പിൽ നിലവിൽ അഞ്ച് വേരിയന്റുകളാണുള്ളത്. MX, AX3, AX5, AX7, AX7L എന്നിവ. ഈ മോഡലുകള്‍ അഞ്ച് കളർ ഓപ്ഷനുകളിൽ ലഭ്യമാണ്. സിൽവർ, റെഡ് റേഞ്ച്, മിഡ്‌നൈറ്റ് ബ്ലാക്ക്, ഇലക്ട്രിക് ബ്ലൂ, എവറസ്റ്റ് വൈറ്റ്. എസ്‌യുവി അഞ്ച് സീറ്റ്, ഏഴ് സീറ്റ് എന്നിങ്ങനെ രണ്ട് സീറ്റിംഗ് കോൺഫിഗറേഷനുകളിലാണ് വാഗ്ദാനം ചെയ്യുന്നത്.
മഹീന്ദ്ര ആൻഡ് മഹീന്ദ്ര XUV700-ന്റെ 6-സീറ്റർ പതിപ്പ് ഒരുക്കുന്നതായിട്ടാണ് പുതിയ റിപ്പോര്‍ട്ട്. അടുത്തിടെ ഒരു ടെസ്റ്റ് പതിപ്പിന്റെ ചില ദൃശ്യങ്ങൾ സോഷ്യല്‍ മീഡിയയില്‍ വൈറലായിരുന്നു. ഔദ്യോഗിക ലോഞ്ച് ടൈംലൈൻ പ്രഖ്യാപിച്ചിട്ടില്ലെങ്കിലും, ഈ വർഷത്തെ ഉത്സവ സീസണിൽ മഹീന്ദ്ര XUV700 6-സീറ്റർ എത്തിയേക്കുമെന്നാണ് പുതിയ ചില റിപ്പോര്‍ട്ടുകള്‍. സീറ്റിംഗ് ലേഔട്ടിനുപുറമെ, അതിന്റെ എക്സ്റ്റീരിയറിലും ഇന്റീരിയറിലും മാറ്റങ്ങളൊന്നും വരുത്താൻ സാധ്യതയില്ല. 7-സീറ്റർ XUV700 പോലെ, എസ്‌യുവിയുടെ 6-സീറ്റർ പതിപ്പിലും മൂന്ന് നിര സീറ്റുകൾ ഉണ്ടായിരിക്കും. മധ്യ നിരയിലെ ബെഞ്ച് സീറ്റിന് പകരം രണ്ട് ക്യാപ്റ്റൻ സീറ്റുകൾ വാഗ്ദാനം ചെയ്യുന്നു എന്നതാണ് വ്യത്യാസം. സീറ്റിംഗ് കോൺഫിഗറേഷനിലെ വ്യത്യാസം കൂടാതെ, വരാനിരിക്കുന്ന 6-സീറ്റർ പതിപ്പ് XUV700-ന്റെ മറ്റ് വേരിയന്റുകളിൽ നിന്ന് വ്യത്യസ്‍തമാകാൻ സാധ്യതയില്ല. മഹീന്ദ്ര XUV700-ന്റെ 6-സീറ്റർ പതിപ്പിന് നിലവിലുള്ള 2.0L ടർബോ പെട്രോൾ, 2.2L ടർബോ ഡീസൽ എഞ്ചിനുകൾ തുടരും, അത് യഥാക്രമം 197bhp/380Nm, 153bhp/182bhp, ടോർക്ക് കണക്കുകളോടെ 3460Nm/3420 എൻഎം പവർ ഔട്ട്പുട്ടുകൾ വാഗ്ദാനം ചെയ്യുന്നു.
മഹീന്ദ്ര XUV.e8 അഥവാ ഇലക്ട്രിക് XUV700, ഇതുവരെ അറിയാവുന്ന കാര്യങ്ങള്‍
6-സീറ്റർ ലേഔട്ട് ടോപ്പ്-എൻഡ് ട്രിമ്മിനായി നീക്കിവച്ചിരിക്കാൻ സാധ്യതയുണ്ട്. അതായത് എഡിഎഎസ് സാങ്കേതികവിദ്യയും മെമ്മറിയും റിട്രാക്റ്റ് ഫംഗ്ഷനും ഉള്ള 6-വേ ഇലക്ട്രിക്കലി അഡ്ജസ്റ്റ് ചെയ്യാവുന്ന ഫ്രണ്ട് സീറ്റുകൾ, ഒരു എയർ പ്യൂരിഫയർ, ഇലക്ട്രിക്കലി ഫോൾഡബിൾ ഓആര്‍വിഎമ്മുകൾ തുടങ്ങിയ സവിശേഷതകളും ഇതിൽ ഉണ്ടായിരിക്കും. ഡ്യുവൽ-സോൺ ക്ലൈമറ്റ് കൺട്രോൾ, 12 സ്പീക്കറുകളുള്ള 3D ഓഡിയോ, ബ്ലൈൻഡ് വ്യൂ മോണിറ്റർ, 360-ഡിഗ്രി ക്യാമറ, ഇലക്ട്രോണിക് പാർക്കിംഗ് ബ്രേക്ക്, ടെലിസ്‌കോപ്പിക് ക്രമീകരിക്കാവുന്ന സ്റ്റിയറിംഗ്, വയർലെസ് ചാർജിംഗ്, ഇലക്ട്രിക് സ്മാർട്ട് ഡോർ ഹാൻഡിലുകൾ തുടങ്ങിയവയും ലഭിക്കും.
കൂടാതെ, മഹീന്ദ്ര ആൻഡ് മഹീന്ദ്ര 2024 അവസാനത്തോടെ പുറത്തിറക്കാൻ ഉദ്ദേശിക്കുന്ന XUV700 SUV യുടെ (XUV.e8) ഇലക്ട്രിക് പതിപ്പിലും പ്രവർത്തിക്കുന്നുണ്ട്. ഇലക്ട്രിക് വേരിയന്റിൽ അകത്തും പുറത്തും ഇവി-നിർദ്ദിഷ്‌ട മാറ്റങ്ങൾ അവതരിപ്പിക്കും. മഹീന്ദ്ര XUV400-ൽ കണ്ടതിന് സമാനമായി ഫ്രണ്ട് ഗ്രില്ലിലും ഫോഗ് ലാമ്പ് അസംബ്ലിയിലും പിൻ പ്രൊഫൈലിലും ചെമ്പ് നിറത്തിലുള്ള ആക്‌സന്റുകൾ ഉൾപ്പെടുത്താനും സാധ്യതയുണ്ട്.
വമ്പൻ വില്‍പ്പനയിലൂടെ മാത്രമല്ല തുടര്‍ച്ചയായി ഗുരുവായൂരപ്പന് വഴിപാടായി ലഭിച്ചും മഹീന്ദ്ര ആൻറ് മഹീന്ദ്രയുടെ എക്സ്‍യുവി 700 വാര്‍ത്തകളിലെ താരമായിരുന്നു. തുടര്‍ച്ചയായി രണ്ടുതവണയാണ് എക്സ്‍യുവി 700 ഗുരുവായൂരപ്പന് കാണിക്കയായി ലഭിച്ചത്. 2021 ഡിസംബറിൽ ലിമിറ്റഡ് എഡിഷൻ ഥാർ വാഹനവും മഹീന്ദ്ര ആൻ്റ് മഹീന്ദ്ര കമ്പനി ക്ഷേത്രത്തിലേക്ക് സമർപ്പിച്ചിരുന്നു. പിന്നാലെ ഇത് ലേലം ചെയ്യുകയും അത് വിവാദമാവുകയും ചെയ്തിരുന്നു. രണ്ടാമത് നടന്ന ലേലത്തിൽ പ്രവാസി വ്യവസായി വിഘ്നേഷ് വിജയകുമാറായിരുന്നു ഥാർ സ്വന്തമാക്കിയത്. 43 ലക്ഷം രൂപയും അഞ്ച് ലക്ഷത്തോളം ജിഎസ്‍ടിയും നൽകിയാണ് വിഘ്നേഷ് വിജയകുമാർ ഥാർ ലേലം കൊണ്ടത്. അടിസ്ഥാനവിലയുടെ മൂന്നിരട്ടി തുകയ്ക്കായിരുന്നു ഥാർ ലേലത്തിൽ പോയത്.
'ഇനി ഗുരുവായൂരപ്പന് സ്വന്തം', കാണിക്കയായി വിപണിയിൽ ഏറ്റവും കൂടുതൽ വിൽക്കപ്പെടുന്ന എക്സ് യു വി!
