പുതിയ കാറുകളുമായി കിയയും ഹോണ്ടയും
കിയയും ഹോണ്ടയും അടുത്ത വർഷം ഇന്ത്യയിൽ അവതരിപ്പിക്കാൻ പോകുന്ന കാറുകൾ ഏതൊക്കെയെന്ന് നമുക്ക് നോക്കാം.
 )
Follow2024-ലെ വലിയ ഓട്ടോമോട്ടീവ് ലോഞ്ചുകൾ നടക്കാൻ ഒരുങ്ങുകയാണ്. ഇതിൽ പ്രമുഖ കമ്പനികളായ കിയയും ഹോണ്ടയും പുതിയ കാറുകൾ നിരത്തിലെത്തിക്കാൻ തയ്യാറാണ്. ഇത് കൂടാതെ മാരുതി, ഹ്യുണ്ടായ്, ടാറ്റ, മഹീന്ദ്ര എന്നിവയും തങ്ങളുടെ നിരവധി പുതിയ വാഹനങ്ങൾ പുറത്തിറക്കുമെന്ന് പ്രഖ്യാപിച്ചിട്ടുണ്ട്. കിയയും ഹോണ്ടയും അടുത്ത വർഷം ഇന്ത്യയിൽ അവതരിപ്പിക്കാൻ പോകുന്ന കാറുകൾ ഏതൊക്കെയെന്ന് നമുക്ക് നോക്കാം.
കിയ അതിന്റെ അപ്‌ഡേറ്റ് ചെയ്ത സോണെറ്റ് എസ്‌യുവി 2024 ന്‍റെ തുടക്കത്തിൽ അവതരിപ്പിക്കാൻ പോകുന്നു. ഈ സബ് കോം‌പാക്റ്റ് എസ്‌യുവിക്ക് ഒരു പുതിയ രൂപം ലഭിക്കും. അത് അതിന്റെ സൗന്ദര്യവർദ്ധക ആകർഷണം വർദ്ധിപ്പിക്കുകയും നിരവധി പുതിയ സവിശേഷതകൾ കൊണ്ട് സജ്ജീകരിക്കുകയും ചെയ്യും. ചില പ്രധാന അപ്‌ഡേറ്റുകളിൽ എഡിഎഎസ് ഉൾപ്പെടുത്തും. ഇതിൽ എട്ടോളം സുരക്ഷാ ഫീച്ചറുകൾ കാണും. ഡ്യുവൽ സ്‌ക്രീൻ സജ്ജീകരണത്തോടുകൂടിയ പുനർരൂപകൽപ്പന ചെയ്ത ഡാഷ്‌ബോർഡ്, 360 ഡിഗ്രി ക്യാമറ, ഡാഷ്‌ക്യാം എന്നിവയും ഇതിലുണ്ടാകും. അതേസമയം, ചില പ്രധാന സൗന്ദര്യവർദ്ധക മാറ്റങ്ങൾ അതിന്റെ ബാഹ്യരൂപത്തിലും വരുത്താം. എന്നാൽ അതിന്റെ പവർട്രെയിനിൽ മാറ്റമൊന്നും ഉണ്ടാകില്ല.
ടെസ്‌ല സൈബർട്രക്ക് എത്താൻ ഇനി ദിവസങ്ങൾ മാത്രം
ഇതിനുപുറമെ, പുതുതലമുറ കിയ കാർണിവലും അടുത്ത വർഷം വിപണിയിലെത്തും. ഈ ആഡംബര എംപിവിയിൽ അകത്തും പുറത്തും വലിയ മാറ്റങ്ങൾ ദൃശ്യമാകും. പുതിയ N3 പ്ലാറ്റ്‌ഫോമിൽ നിർമ്മിച്ച ഈ മോഡലിൽ ഒരു പരിഷ്‍കൃത രൂപം കാണാം. നിലവിലെ മോഡലിന് സമാനമായ 2.2L സ്മാർട്ട്‌സ്ട്രീം ടർബോ ഡീസൽ എഞ്ചിൻ തുടർന്നും ലഭിക്കും. 2024-ൽ കിയ അതിന്റെ മുൻനിര ഓഫറായി EV9 അവതരിപ്പിക്കും. നൂതനമായ ഇ-ജിഎംപി പ്ലാറ്റ്‌ഫോമിൽ നിർമ്മിച്ച ഈ ഇലക്ട്രിക് എസ്‌യുവി 76.1 കിലോവോട്ട്, 99.8 കിലോവാട്ട് എന്നിങ്ങനെ രണ്ട് ബാറ്ററി ഓപ്ഷനുകളിലാണ് വരുന്നത്.
2024ൽ പുതിയ തലമുറ ഹോണ്ട അമേസിനെ ഹോണ്ട അവതരിപ്പിക്കും. സിറ്റി, അക്കോർഡ് സെഡാനുകൾക്ക് സമാനമായ സ്റ്റൈലിംഗ് ഘടകങ്ങൾ ഈ കോംപാക്ട് സെഡാനിൽ കാണാൻ കഴിയും. ഹോണ്ട സെൻസിംഗ് സ്യൂട്ട് കൊണ്ട് സജ്ജീകരിച്ചിരിക്കുന്ന അമേസിൽ സുരക്ഷയ്ക്കായി നൂതന ഡ്രൈവർ അസിസ്റ്റ് സംവിധാനങ്ങൾ ഉൾപ്പെടുത്തും. പുതിയ സ്‌മാർട്ട്‌ഫോൺ കണക്റ്റിവിറ്റി ഓപ്‌ഷനുകൾക്കൊപ്പം അപ്‌ഡേറ്റ് ചെയ്ത ലേഔട്ടോടുകൂടിയ ഫ്രീ-സ്റ്റാൻഡിംഗ് ടച്ച്‌സ്‌ക്രീൻ ഇൻഫോടെയ്ൻമെന്റ് സിസ്റ്റം ഇന്റീരിയറിൽ അവതരിപ്പിക്കും. 90 ബിഎച്ച്‌പി പവറും 110 എൻഎം ടോർക്കും ഉൽപ്പാദിപ്പിക്കുന്ന 1.2 എൽ, 4 സിലിണ്ടർ നാച്ചുറലി ആസ്പിറേറ്റഡ് പെട്രോൾ എഞ്ചിൻ ഇതിന് ഉണ്ടാകും. ഇതിന് മാനുവൽ, സിവിടി ഗിയർബോക്‌സ് ഓപ്ഷൻ ഉണ്ടായിരിക്കും.
