ആർക്കാണ് കൂടുതൽ ശക്തി സിംഹത്തിനോ, കടുവയ്ക്കോ എന്നാണ് വീഡിയോയിലും എഴുതിയിരിക്കുന്നത്. animals_safaris യാണ് വീഡിയോ ഇൻസ്റ്റഗ്രാമിൽ പങ്ക് വച്ചിരിക്കുന്നത്.
കുട്ടിക്കാലം മുതൽ നാം കേൾക്കുന്നതാണ് സിംഹമാണ് കാട്ടിലെ രാജാവ് എന്ന്. ആ രാജാവിനെ എല്ലാ മൃഗങ്ങൾക്കും പേടിയായിരിക്കും എന്നും നാം സ്വാഭാവികമായും ധരിച്ചുവച്ചിട്ടും ഉണ്ടാകും. എന്നാൽ, ആ കാട്ടിലെ രാജാവിനോട് ഏറ്റുമുട്ടാൻ തയ്യാറാവുന്ന മൃഗങ്ങളും ഉണ്ട് അല്ലേ? അതുപോലെ ഒരു വീഡിയോയാണ് ഇപ്പോൾ സാമൂഹിക മാധ്യമങ്ങളിൽ വൈറലാവുന്നത്. അതിൽ സിംഹത്തോട് ഏറ്റുമുട്ടുന്നത് ഒരു കടുവയാണ്.
വീഡിയോ തുടങ്ങുമ്പോൾ കാണുന്നത് അധികം അകലത്തല്ലാതെ ഒരു കടുവയും ഒരു സിംഹവും നിൽക്കുന്നതാണ്. കുറച്ച് നേരം അങ്ങനെ കടന്നുപോയി. എങ്കിലും അധികം വൈകാതെ സിംഹം കടുവയ്‍ക്ക് നേരെ ചാടി വീഴുന്നത് കാണാം. പിന്നെ രണ്ടും തമ്മിൽ ഏറ്റുമുട്ടാൻ ആരംഭിച്ചു. പെട്ടെന്ന് മറ്റൊരു സിംഹവും പിന്നാലെ തന്നെ വേറൊരു സിംഹവും കടുവയുടെ മേൽ ചാടി വീഴുന്നതും കാണാം. എന്തായാലും സംഘട്ടനത്തിൽ ആരാണ് ജയിച്ചത് എന്ന് മനസിലാകാത്ത വണ്ണം വീഡിയോ അവസാനിക്കുകയാണ്. അതിനാൽ തന്നെ ആരാണ് കൂടുതൽ ശക്തൻ എന്നതിന് കാഴ്ചക്കാർക്ക് മറുപടിയൊന്നും കിട്ടില്ല.
ആർക്കാണ് കൂടുതൽ ശക്തി സിംഹത്തിനോ, കടുവയ്ക്കോ എന്നാണ് വീഡിയോയിലും എഴുതിയിരിക്കുന്നത്. animals_safaris യാണ് വീഡിയോ ഇൻസ്റ്റഗ്രാമിൽ പങ്ക് വച്ചിരിക്കുന്നത്. പങ്കുവച്ച് അധികം വൈകാതെ തന്നെ വീഡിയോ ആളുകളെ ആകർഷിച്ചു. അല്ലെങ്കിലും മൃഗങ്ങളുടെ വീഡിയോ കാണാൻ ആർക്കാണ് ഇഷ്ടമില്ലാത്തത്. ആരാണ് കൂടുതൽ ശക്തി എന്ന കാര്യത്തിലാണ് എല്ലാവരും തർക്കിച്ചിരിക്കുന്നത്. കടുവയ്ക്കാണ് എന്ന് കുറേപ്പേർ പറയുമ്പോൾ അല്ല സിംഹത്തിനാണ് എന്ന് മറ്റ് ചിലർ പറയുന്നു.
സിംഹത്തിന് കൂടുതൽ കരുത്തും ബുദ്ധിയും ഉള്ളത് കൊണ്ടാണ് അത് കാട്ടിലെ രാജാവായിരിക്കുന്നത് എന്നാണ് ഒരാൾ കമന്റ് ചെയ്തിരിക്കുന്നത്.