ആരാധകരും വളരെ ആവേശത്തോടെയാണ് ഈ ചിത്രത്തോട് പ്രതികരിക്കുന്നത്. മിന്നല്‍ മുരളി, സ്പിന്നര്‍ മുരളിയെ കണ്ടപ്പോള്‍ എന്നാണ് ഒരു കമന്‍റ്.
കൊച്ചി: മലയാളത്തിന്‍റെ മിന്നല്‍ മുരളിയാണ് നടന്‍ ടൊവിനോ തോമസ്. അത്രയ്ക്കും വലിയ ഹിറ്റാണ് ഒടിടി റിലീസായി വന്ന മിന്നല്‍ മുരളി മലയാള സിനിമയ്ക്ക് സമ്മാനിച്ചത്. അതിന് ശേഷം കേരളത്തിന് പുറത്ത് പലപ്പോഴും ടൊവിനോ ഈ ചിത്രത്തിന്‍റെ പേരിലാണ് അറിയപ്പെട്ടത്. ഇപ്പോഴിതാ മിന്നല്‍ മുരളി മറ്റൊരു മുരളിയെ കണ്ടിരിക്കുന്നു. സാക്ഷാല്‍ ശ്രീലങ്കന്‍ സ്പിന്‍ ഇതിഹാസം മുത്തയ്യ മുരളീധരനെ.
ടൊവിനോ തന്നെയാണ് സോഷ്യല്‍ മീഡിയയില്‍ ഇത് സംബന്ധിച്ച് പോസ്റ്റ് ചെയ്തത്. ജിമ്മില്‍ വച്ചാണ് ഇരുവരും കണ്ടുമുട്ടിയത് എന്നാണ് ടൊവിനോ പങ്കുവച്ച ചിത്രത്തില്‍ നിന്നും വ്യക്തമാകുന്നത്. ഇന്നത്തെ വര്‍ക്ക് ഔട്ട് സൂപ്പര്‍ എക്സൈറ്റിംഗ് ആയിരുന്നു. ഇന്ന് ഇതിഹാസ സ്പിന്നര്‍ മുത്തയ്യ മുരളീധരനെ കാണുവാന്‍ അവസരം ലഭിച്ചു. ഫാന്‍ ബോയ് മൊമന്‍റ് എന്നാണ് ടൊവിനോ ഇതിനെ വിശേഷിപ്പിക്കുന്നത്.
undefined
ആരാധകരും വളരെ ആവേശത്തോടെയാണ് ഈ ചിത്രത്തോട് പ്രതികരിക്കുന്നത്. മിന്നല്‍ മുരളി, സ്പിന്നര്‍ മുരളിയെ കണ്ടപ്പോള്‍ എന്നാണ് ഒരു കമന്‍റ്. ഞാൻ കേരളത്തിന്റെ മിന്നൽ മുരളി ആണെന്ന്പറയൂ ഭായ് എന്നാണ് മറ്റൊരു കമന്‍റ്. എന്തായാലും ചിത്രം വൈറലാകുകയാണ്. മിന്നല്‍ മുരളിയിലെ ഡയലോഗ് വച്ച് നാട്ടാരെ ഓടിവരണെ ജിമ്മിന് തീപിടിച്ചെ തുടങ്ങിയ രസകരമായ ഡയലോഗുകളും ഇതിനടിയിലുണ്ട്.
മുത്തയ്യ മുരളീധരന്‍റെ ബോയോപിക് 800 അടുത്തിടെയാണ് പുറത്തിറങ്ങിയത്. എം എസ് ശ്രീപതി സംവിധാനം ചെയ്ത ചിത്രം ഇപ്പോള്‍ ജിയോ സിനിമയിൽ സ്ട്രീം ചെയ്യുന്നുണ്ട്. മധുര്‍ മിത്തലാണ് ചിത്രത്തില്‍ മുത്തയ്യ മുരളീധരനായി അഭിനയിച്ചത്.
ഇപ്പോള്‍ ഐഡന്‍റിറ്റി എന്ന ചിത്രത്തിലാണ് ടൊവിനോ അഭിനയിക്കുന്നത്. അന്വേഷിപ്പിന്‍ കണ്ടെത്തും എന്ന ചിത്രം റിലീസിന് തയ്യാറായിട്ടുണ്ട്. ഈ ചിത്രത്തില്‍ പൊലീസ് വേഷത്തിലാണ് ടൊവിനോ. ഇതിനൊപ്പം തന്നെ ജൂനിയര്‍ ലാല്‍ സംവിധാനം ചെയ്യുന്ന നടികര്‍ തിലകം എന്ന ചിത്രത്തിന്‍റെ ഷൂട്ടിംഗും ടൊവിനോ പൂര്‍ത്തിയാക്കിയിട്ടുണ്ട്. വിവിധ പരിപാടികളുടെ ഭാഗമായി മുത്തയ്യ മുരളീധരന്‍ കുറച്ച് ദിവസമായി കേരളത്തിലുണ്ട്.
എആര്‍ റഹ്മാന്‍ തെലുങ്ക് സിനിമയിലേക്ക്; സംഗീതം നല്‍കുന്നത് താര ചിത്രത്തിന്.!
സല്ലുഭായിയുടെ ടൈഗര്‍ 3 ഒടിടി റിലീസായി: എവിടെ കാണാം, എല്ലാം അറിയാം