റൊണാള്‍ഡോ ആണോ മെസ്സിയാണോ ഇഷ്ടം എന്ന് ചോദിച്ചാല്‍ തിരഞ്ഞെടുക്കാന്‍ പ്രയാസമാണെന്ന് ശ്രീഹരി.
മ്യൂസിക് റിയാലിറ്റി ഷോയിലൂടെ വരുന്ന കുട്ടിത്താരങ്ങളെല്ലാം പ്രേക്ഷകര്‍ക്ക് വളരെ ഇഷ്ടപ്പെട്ടവരാണ്. അവരുടെ പാട്ടും കുസൃതിയും എല്ലാം മലയാളികള്‍ വാത്സല്യത്തോടെ ആസ്വദിക്കാറുണ്ട്. ഇത്തരമൊരു ഷോയിലൂടെ പ്രേക്ഷക പ്രിയം നേടിയ കുട്ടിത്താരമാണ് ശ്രീഹരി. വെറുമൊരു പാട്ടുകാരന്‍ മാത്രമല്ല, ഒരു ഫുട്‌ബോള്‍ പ്രേമി കൂടിയാണ് ശ്രീഹരി.
റൊണാള്‍ഡൊ, മെസ്സി, കിലിയന്‍ എംബാബെ, എര്‍ലിങ് ഹാളണ്ട്, നെയ്മര്‍ എന്നിങ്ങനെ എല്ലാ ഫുട്‌ബോള്‍ കലിക്കാരെയും ഇഷ്ടമാണെന്നാണ് ശ്രീഹരി പറയുന്നത്. അതിന് രാജ്യം നോക്കാറില്ല. ലോകകപ്പില്‍ ഏറ്റവും ഇഷ്ടമുള്ള ടീം ഏതാണെന്ന് ചോദിച്ചാല്‍ അങ്ങനെയൊക്കെ ചോദിച്ചാല്‍ പ്രയാസമാണ്, മൂന്ന് ടീമിനെ തനിക്ക് ഭയങ്കര ഇഷ്ടമാണെന്നാണ് ശ്രീഹരി പറയുന്നത്. പോര്‍ച്ചുകല്‍, ഫ്രാന്‍സ്, അര്‍ജന്റീന. നെയ്മറിനെ എനിക്ക് ഇഷ്ടമാണെങ്കിലും വീട്ടിലെ ബ്രസീല്‍ ഫാന്‍ അച്ഛനാണെന്നാണ് ശ്രീഹരി പറഞ്ഞത്. സമയം മലയാളത്തിന് നല്‍കിയ അഭിമുഖത്തില്‍ ആയിരുന്നു ശ്രീഹരി തന്റെ ഇഷ്ടങ്ങളെ കുറിച്ച് സംസാരിച്ചത്.
undefined
ക്രിക്കറ്റ് ഇഷ്ടമാണോ എന്ന് ചോദിച്ചാല്‍, ഇഷ്ടമാണ്. പക്ഷെ ഫോളോ ചെയ്യുന്നതും കാണുന്നതും ഫുട്‌ബോള്‍ തന്നെയാണ്. കേരള ബ്ലാസ്‌റ്റോഴ്‌സിന്റെ വലിയ ഫാനാണ് ഞാന്‍. കോച്ച് ഇവാന്‍ വുകോമാന്‍വിക് കാരണമാണ് കേരള ബ്ല്‌സ്‌റ്റേഴ്‌സ് ഇപ്പോഴും പവറായി നില്‍ക്കുന്നത്. ഇപ്പോള്‍ കേരള ബ്ലാസ്‌റ്റേഴ്‌സില്‍ ശ്രീഹരിയ്ക്ക് ഏറ്റവും ഇഷ്ടമുള്ള താരം രാഹുല്‍ കെപിയാണത്രെ. കേരളം കപ്പ് അടിക്കുന്നതാണ് ഇനി എന്റെ പ്രതീക്ഷ, സ്റ്റേഡിയത്തില്‍ പോയി കളി കാണാന്‍ ആഗ്രഹമുണ്ടെങ്കിലും ഇതുവരെ അത് നടന്നിട്ടില്ല എന്നും ശ്രീഹരി പറഞ്ഞു.
ആറ് വർഷം, കളക്ഷൻ 2000 കോടി, തകരാത്ത റെക്കോർഡ്, അജയ്യനായി തുടരുന്ന ഒരേയൊരു ഇന്ത്യന്‍ ചിത്രം
റൊണാള്‍ഡോ ആണോ മെസ്സിയാണോ ഇഷ്ടം എന്ന് ചോദിച്ചാല്‍ തിരഞ്ഞെടുക്കാന്‍ പ്രയാസമാണ്. രണ്ട് പേരും ഭയങ്കര നല്ല കളിക്കാരാണ്. അവരടിച്ച ഗോളുകള്‍ എല്ലാം പവറാണ്. അതുകൊണ്ട് ഒരാളെ തിരഞ്ഞെടുക്കാന്‍ പറഞ്ഞാല്‍ കണ്‍ഫ്യൂഷനാണെന്നും ശ്രീഹരി പറഞ്ഞു.
ഏഷ്യാനെറ്റ് ന്യൂസ് വാർത്തകൾ തത്സമയം അറിയാം..