ബംഗ്ലാവിൽ ഔത എന്ന ചിത്രത്തിലൂടെയാണ് സാജൻ സൂര്യ സിനിമയിലേക്ക് എത്തുന്നത്
മലയാളികളായ ടിവി പ്രേക്ഷകര്‍ക്ക് സുപരിചിതമായ മുഖമാണ് സാജന്‍ സൂര്യ. വലിയൊരു ഇടവേളയ്ക്ക് ശേഷം സാജന്‍ സൂര്യ നായകനായി എത്തുന്ന ഗീതാ ഗോവിന്ദം എന്ന സീരിയല്‍ ഏഷ്യാനെറ്റില്‍ സംപ്രേഷണം തുടരുകയാണ്. ഇതിന്റെ ഓരോ ദിവസത്തെ വിശേഷങ്ങളും സീരിയലിലെ താരങ്ങളെല്ലാം തന്നെ സോഷ്യല്‍ മീഡിയയിലൂടെ പങ്കുവെക്കാറുണ്ട്. സോഷ്യൽ മീഡിയയിൽ അത്ര സജീവമല്ലാതിരുന്ന സാജനും ഇപ്പോൾ അവിടെ ആക്റ്റീവ് ആണ്.
ഇപ്പോഴിതാ ഗീതാഗോവിന്ദത്തിന്റെ ലൊക്കേഷൻ കാഴ്ചകളാണ് പ്രേക്ഷകർ ഏറ്റെടുത്തിരിക്കുന്നത്. സീരിയലിലെ നായികയായ ബിന്നി സെബാസ്റ്റ്യൻ ആണ് സാജൻ സൂര്യയ്‌ക്കൊപ്പം വീഡിയോ പങ്കുവച്ചിരിക്കുന്നത്. ഒരു റൊമാന്റിക് ഡാൻസ് ഷൂട്ട്‌ ചെയ്യുന്നതാണ് രംഗം. ബിന്നിയും സാജനും തകർത്ത് അഭിനയിക്കുന്നുണ്ടെങ്കിലും വീണ്ടും വീണ്ടും ടേക്ക് പോകുന്നതിന്റെ കോമഡി വീഡിയോയാണ് താരങ്ങൾ പങ്കുവെച്ചിരിക്കുന്നത്.
undefined
ഇതിനോടകം തന്നെ ഗീതു- ഗോവിന്ദ് ജോഡിയെ ഏറ്റെടുത്ത ആരാധകർ മികച്ച കമന്റുകളാണ് വീഡിയോയ്ക്ക് നൽകുന്നത്. സ്ത്രീജന്മം, കുങ്കുമപ്പൂവ്, ഭാര്യ തുടങ്ങിയ സീരിയലുകളിലൂടെ തിളങ്ങിയ താരം, ഒരു ഇടവേളയ്ക്ക് ശേഷം ജീവിത നൗക എന്ന സീരിയലിലൂടെ ശക്തമായ തിരിച്ചു വരവ് നടത്തിരിയിടുന്നു, സീരിയൽ അവസാനിച്ചുവെങ്കിലും സാജന്റെ ജയകൃഷ്ണൻ എന്ന കഥാപാത്രം ഇപ്പോഴും പ്രേക്ഷകരുടെ ഓര്‍മ്മയിലുണ്ട്.
2005ല്‍ പുറത്തിറങ്ങിയ ബംഗ്ലാവിൽ ഔത എന്ന ചിത്രത്തിലൂടെയാണ് സാജൻ സൂര്യ സിനിമയിലേക്ക് എത്തുന്നത്. നാടകങ്ങളിലൂടെ അരങ്ങിലെത്തിയ ഒരു കാലവും അദ്ദേഹത്തിന് ഉണ്ടായിരുന്നു. സാജനും സുഹൃത്തുക്കളും ചേർന്ന് ആര്യ കമ്യൂണിക്കേഷൻ എന്ന പേരിൽ ഒരു നാടക ട്രൂപ്പ് നടത്തിയിരുന്നു. നാല് വർഷത്തോളം നാടക കമ്പനി നടത്തിയെങ്കിലും പിന്നാലെ സാമ്പത്തിക പ്രതിസന്ധി കാരണം അത് പിരിച്ചുവിട്ടു. പിന്നീട് സർക്കാർ ജോലിയിൽ പ്രവേശിച്ച സമയത്താണ് അഭിനയത്തിനായി അവസരങ്ങൾ തേടിയെത്തുന്നത്.
ALSO READ : അത് ആരുടെ കണ്ണ്? 'ജവാനി'ലെ ആ നടന്‍ ആര്? സര്‍പ്രൈസുമായി നിര്‍മ്മാതാക്കള്‍
ഏഷ്യാനെറ്റ് ന്യൂസ് ലൈവ് കാണാന്‍ ഇവിടെ ക്ലിക്ക് ചെയ്യുക