ബോംബൈ സിനിമയിലെ 'ഉയിരേ.. ഉയിരേ..' എന്ന ഗാനമാണ് ഇന്ദ്രജിത്ത് പാടിയത്.
മലയാളത്തിന്റെ പ്രിയ നടനാണ് ഇന്ദ്രജിത്ത് സുകുമാരൻ. സിനിമയിൽ എത്തി വർഷങ്ങൾ പിന്നിടുമ്പോൾ തന്റേതായൊരിടം മലയാള സിനിമയിൽ കുറിച്ചിടാന്‍ ഇന്ദ്രജിത്തിന് സാധിച്ചു. ഏത് കഥാപാത്രവും തന്റെ കയ്യിൽ ഭദ്രമാക്കി വയ്ക്കുന്ന ഇന്ദ്രജിത്ത് ഒരു അഭിനേതാവിന് പുറെ നല്ലൊരു ഗായകൻ കൂടി ആണെന്ന് മുൻപ് തെളിയിച്ചിട്ടുള്ള കാര്യമാണ്. ഇപ്പോഴിതാ പാട്ട് പാടി വുമൺസ് കോളേജിലെ പിള്ളാരെ കയ്യിലെടുത്തിരിക്കുകയാണ് ഇന്ദ്രജിത്ത്.
തിരുവനന്തപുരം വുമൺസ് കോളേജിലെ പരിപാടിയ്ക്കിടെ ആണ് ഇന്ദ്രജിത്ത് പാട്ട് പാടിയതെന്നാണ് സോഷ്യൽ മീഡിയ പറയുന്നത്. ബോംബൈ സിനിമയിലെ 'ഉയിരേ.. ഉയിരേ..' എന്ന ഗാനമാണ് ഇന്ദ്രജിത്ത് പാടിയത്. പാട്ട് പാടാൻ ആവശ്യപ്പെടുമ്പോൾ, പുതിയ മുഖമൊക്കെ അതിലും നന്നായി പാടും എന്നാണ് അമർ അക്ബർ അന്തോണി എന്ന സിനിമയെ ഉദ്ദരിച്ച് ഇന്ദ്രജിത്ത് പറയുന്നത്. പിന്നാലെ നടൻ 'ഉയിരേ..' എന്ന ഗാനം അതിമനോഹരമായി ഇന്ദ്രജിത്ത് പാടുക ആയിരുന്നു. നിറഞ്ഞ ഹർഷാരവത്തോടെ ആണ് ഏവരും നടന്റെ പാട്ട് ഏറ്റെടുത്തത്. പരിപാടിയുടെ വീഡിയോ പുറത്തുവന്നതിന് പിന്നാലെ ഇത്രയും നന്നായി പാടുമെന്ന് കരുതിയില്ല എന്നാണ് ആരാധകർ പറയുന്നത്.
undefined
'കുഞ്ഞമ്മിണീസ് ഹോസ്‍പിറ്റല്‍' എന്ന ചിത്രമാണ് ഇന്ദ്രജിത്തിന്റേതായി റിലീസിന് ഒരുങ്ങുന്നത്. പ്രകാശ് രാജ്, ബാബുരാജ്, നൈല ഉഷ, സരയു മോഹൻ എന്നിവരും പ്രധാന കഥാപാത്രങ്ങളായി എത്തുന്ന ചിത്രം നവാഗതനായ സനല്‍ വി ദേവന്‍ ആണ് സംവിധാനം ചെയ്യുന്നത്. ഹരിശ്രീ അശോകന്‍, ബിനു പപ്പു, ബിജു സോപാനം, ജെയിംസ് ഏലിയാ, സുധീര്‍ പറവൂര്‍, ശരത്, പ്രശാന്ത് അലക്‌സാണ്ടര്‍, ഉണ്ണി രാജാ, അല്‍ത്താഫ് മനാഫ്, ഗംഗ മീര, മല്ലിക സുകുമാരന്‍ തുടങ്ങിയവരാണ് മറ്റ് പ്രമുഖ താരങ്ങള്‍.
പ്രിയന്‍ ഓട്ടത്തിലാണ് എന്ന ചിത്രത്തിന് ശേഷം വൗ സിനിമാസിന്റെ ബാനറില്‍ സന്തോഷ് ത്രിവിക്രമന്‍ ആണ് ചിത്രത്തിന്റെ നിര്‍മ്മാണം. ഫാന്റസി കോമഡി വിഭാഗത്തില്‍ പെടുന്ന ചിത്രത്തിന്റെ ഛായാഗ്രഹണം അജയ് ഡേവിഡ് കാച്ചപ്പിള്ളി നിര്‍വ്വഹിക്കുന്നു.
'ഇജ്ജാതി ഐറ്റം'; ഈ ദ്രോണാചാര്യരെ മനസിലായോ ? വൈറലായി എഐ കലാവിരുത്