കൃത്യസമയത്ത് ഐടിആർ ഫയൽ ചെയ്യണമെന്ന് പറയുന്നതിന്റെ 5 കാരണങ്ങൾ ഇവയാണ്
ആദായ നികുതി റിട്ടേൺ ഫയൽ ചെയ്യേണ്ട സമയമാണിത്. കൃത്യസമയത്ത് ഐടിആർ ഫയൽ ചെയ്യണമെന്ന് പറയുന്നതിന്റെ കാരണം എന്താണ്? അവസാന നിമിഷം വരെ കാത്തിരിക്കുന്നതിനെതിരെ ആദായ നികുതി നിർദേശങ്ങൾ നൽകുന്നുണ്ട്. ആദായ ന് നികുതി റിട്ടേൺ ഫയൽ ചെയ്യേണ്ടത് നിയമപരമായ ബാധ്യതയാണ്. അത് പാലിക്കുന്നതിൽ പരാജയപ്പെടുന്നത് സാമ്പത്തിക പിഴകൾക്കും നിയമപരമായ നടപടികൾ നേരിടുന്നതിനും കാരണമായേക്കും. കൃത്യസമയത്ത് ഫയൽ ചെയ്യണമെന്ന് പറയുന്നതിന്റെ കാരണങ്ങൾ ഇവയാണ്
സമയബന്ധിതമായി ഐടിആർ ഫയൽ ചെയ്യാനുള്ള അഞ്ച് കാരണങ്ങൾ
undefined
1. പിഴകൾ ഒഴിവാക്കുക
സമയപരിധിക്കുള്ളിൽ റിട്ടേൺ ഫയൽ ചെയ്തില്ലെങ്കിൽ, ആദായ നികുതി നിയമ പ്രകാരം പിഴ അടയ്ക്കണം. യഥാസമയം ഐടിആർ ഫയൽ ചെയ്യുന്നതിൽ പരാജയപ്പെടുന്ന ഒരാൾ പിഴ നൽകണമെന്ന് സെക്ഷൻ 234എഫ് പറയുന്നു. മൂല്യനിർണയ വർഷത്തിൻ്റെ ഡിസംബർ 31-നകം ഫയൽ ചെയ്താൽ 5,000 രൂപയും മറ്റേതെങ്കിലും കേസിൽ 10,000 രൂപയുമാണ് പിഴ. എന്നിരുന്നാലും, നിങ്ങളുടെ മൊത്തം വരുമാനം 5 ലക്ഷം കവിയുന്നില്ലെങ്കിൽ, ഫീസ് 1,000 ആയി പരിമിതപ്പെടുത്തിയിരിക്കുന്നു.
2. തെറ്റുകൾ തിരുത്താം
റിട്ടേൺ ഫയൽ ചെയ്ത് പ്രോസസ്സിംഗിന് ശേഷം പിശകുകൾ കാണുകയാണെങ്കിൽ, തിരുത്തൽ അഭ്യർത്ഥനകൾ ഇ-ഫയലിംഗ് പോർട്ടലിൽ സമർപ്പിക്കാം. സെൻട്രൽ പ്രോസസ്സിംഗ് സെൻ്റർ (CPC) ഇതിനകം പ്രോസസ്സ് ചെയ്ത റിട്ടേണുകൾക്ക് മാത്രമേ ഈ ഓപ്ഷൻ ലഭ്യമാകൂ. നികുതി ബാധ്യത, മൊത്ത മൊത്ത വരുമാനം, മൊത്തം കിഴിവ്, വ്യക്തിഗത വിവരങ്ങൾ എന്നിവ തിരുത്താൻ കഴിയും.
3. ടിഡിഎസ് ക്ലെയിമുകൾ
ഐടിആർ ഫയൽ ചെയ്യുന്നത് ടിഡിഎസ് കുറച്ച നികുതി തിരികെ ക്ലെയിം ചെയ്യാൻ നിങ്ങളെ സഹായിക്കുന്നു. വിവിധ സ്രോതസ്സുകളിൽ നിന്നുള്ള വരുമാനം കൂട്ടി, നിങ്ങളുടെ നികുതി ബാധ്യത കണക്കാക്കാനും ബാധകമായ ടിഡിഎസിൽ നിന്ന് അത് കുറയ്ക്കാനും കഴിയും. ടിഡിഎസ് നിങ്ങളുടെ നികുതി ബാധ്യത കവിയുന്നുവെങ്കിൽ, നിങ്ങൾക്ക് റീഫണ്ടിന് അർഹതയുണ്ട്. ഇ-ഫയലിംഗ് സമയത്ത് നിങ്ങളുടെ തൊഴിലുടമയിൽ നിന്ന് ലഭ്യമായ ഫോം 16 നിങ്ങൾ സമർപ്പിച്ചിട്ടുണ്ടെന്ന് ഉറപ്പാക്കുക.
4. സാങ്കേതിക തകരാറുകൾ ഒഴിവാക്കുക
ആദായനികുതി ഇ-ഫയലിംഗ് പോർട്ടൽ ആരംഭിച്ചതുമുതൽ ഇടയ്ക്കിടെ സാങ്കേതിക പ്രശ്‌നങ്ങൾ നേരിട്ടിരുന്നു. ഈ തകരാറുകൾ ഫയലിംഗ് പ്രക്രിയയെ തടസ്സപ്പെടുത്തും. സമയപരിധിക്ക് മുമ്പ് ഫയൽ ചെയ്യുന്നത് തടസ്സപ്പെട്ടേക്കാം,
5. വർദ്ധിച്ച പിശക് അപകടസാധ്യതകൾ
തെറ്റായ ഐടിആർ ഫോമുകൾ ഉപയോഗിക്കുന്നത്, തെറ്റായ മൂല്യനിർണ്ണയ വർഷം നൽകുക, കൃത്യമല്ലാത്ത വ്യക്തിഗത വിവരങ്ങൾ നൽകൽ തുടങ്ങിയ പിശകുകളുടെ സാധ്യത തിരക്കിട്ട് ഫയലിംഗ് നടത്തുമ്പോൾ സംഭവിക്കാം. ഈ പിഴവുകൾ അപേക്ഷ നിരസിക്കാൻ ഇടയാക്കും. അതിനാൽ കൃത്യസമയത്ത് ഐടിആർ ഫയൽ ചെയ്യുക