ആരോഗ്യ വകുപ്പ് അധികൃതരുടെ പരാതിയെ തുടർന്നാണ് നല്ലൂർനാട് ഫസ്റ്റ് ലൈൻ ട്രീറ്റ്മെന്റ് സെന്ററിൽ ചികിത്സയിൽ കഴിയുന്ന 5 പേർക്കെതിരെ മാനന്തവാടി പൊലീസ് കേസെടുത്തത്.
വയനാട്: വയനാട്ടിൽ കൊവിഡ് ചികിത്സയിൽ കഴിയുന്നവർക്കെതിരെ പൊലീസ് കേസെടുത്തു. ആരോഗ്യ വകുപ്പ് അധികൃതരുടെ പരാതിയെ തുടർന്നാണ് നല്ലൂർനാട് ഫസ്റ്റ് ലൈൻ ട്രീറ്റ്മെന്റ് സെന്ററിൽ ചികിത്സയിൽ കഴിയുന്ന 5 പേർക്കെതിരെ മാനന്തവാടി പൊലീസ് കേസെടുത്തത്. മതിയായ സൗകര്യങ്ങളില്ലെന്ന് ആരോപിച്ച് ഇവർ ഫസ്റ്റ് ലൈൻ ട്രീറ്റ്മെന്റ് സെന്ററിലെ ജീവനക്കാരെ ഭീഷണിപെടുത്തിയതിനാണ് നടപടി. ജീവനക്കാരുടെ ഔദ്യോഗിക നിർവ്വഹണം തടസ്സപ്പെടുത്തിയതിനുൾപ്പടെ വിവിധ വകുപ്പുകൾ പ്രകാരമാണ് പൊലീസ് കേസെടുത്തിരിക്കുന്നത്.
വയനാട് ജില്ലയിൽ 124 പേർക്കാണ് പുതിയതായി കൊവിഡ് സ്ഥിരീകരിച്ചത്. സംസ്ഥാനത്താകെ 1310 പേർക്ക് കൂടി രോഗം സ്ഥിരീകരിച്ചു.
Read Also: സംസ്ഥാനത്ത് 1310 പേര്‍ക്ക് കൂടി കൊവിഡ്; 1,162 പേര്‍ക്ക് സമ്പര്‍ക്കത്തിലൂടെ രോഗം...
https://www.asianetnews.com/kerala-news/kerala-current-covid-details-qec2tl