ആന്റി ഓക്‌സിഡന്റുകള്‍ അടങ്ങിയ ഭക്ഷണങ്ങൾ നിർബന്ധമായും നിങ്ങളുടെ ദെെനം ദിനം ഭക്ഷണത്തിൽ ഉൾപ്പെടുത്തണമെന്നാണ് വിദഗ്ധർ പറയുന്നത്. ആരോഗ്യത്തിന് മാത്രമല്ലാ, ചര്‍മത്തിനും വളരെ പ്രധാനമാണ് ആന്റിഓക്സിന്റുകൾ.
ആരോഗ്യമുള്ള ശരീരത്തിന് നല്ല ഭക്ഷണം വളരെ പ്രധാനമാണ്. നല്ല ഭക്ഷണമെന്നാൽ ധാരാളം പോഷകങ്ങൾ അടങ്ങിയ ഭക്ഷണങ്ങൾ എന്നാണ്. ആന്റി ഓക്‌സിഡന്റുകൾ അടങ്ങിയ ഭക്ഷണങ്ങൾ നിർബന്ധമായും നിങ്ങളുടെ ദെെനം ദിനം ഭക്ഷണത്തിൽ ഉൾപ്പെടുത്തണമെന്നാണ് വിദഗ്ധർ പറയുന്നത്.
ആരോഗ്യത്തിന് മാത്രമല്ലാ, ചർമത്തിനും വളരെ പ്രധാനമാണ് ആന്റിഓക്സിന്റുകൾ. വീക്കം, വിട്ടുമാറാത്ത രോഗങ്ങളുടെ അപകടസാധ്യതയിൽ നിന്ന് ശരീരത്തെ സംരക്ഷിക്കാനും സഹായിക്കുന്ന ഘടകങ്ങളാണ് ആന്റിഓക്‌സിഡന്റുകൾ. ഗ്രീൻ ടീയിൽ ആന്റിഓക്‌സിഡന്റുകൾ അടങ്ങിയിട്ടുള്ള കാര്യം നമ്മുക്കറിയാം. ഗ്രീൻ ടീ അല്ലാതെ ആന്റിഓക്‌സിഡന്റുകൾ അടങ്ങിയ മറ്റ് ഭക്ഷണങ്ങൾ ഏതൊക്കെയാണെന്ന് അറിയാം...
undefined
ബെറിപ്പഴങ്ങൾ...
ബെറികളിൽ ഓരോ 3/4 കപ്പിലും ഏകദേശം 37 മില്ലിഗ്രാം കാറ്റെച്ചിനുകൾ അടങ്ങിയിട്ടുണ്ട്. ഇത് ഗ്രീൻ ടീയുടെ അതേ അളവിന്റെ 14 മടങ്ങ് കൂടുതലാണ്. ബ്ലൂബെറി, ക്രാൻബെറി, റാസ്ബെറി എന്നിവയിൽ കാറ്റെച്ചിനുകൾ അടങ്ങിയിട്ടുണ്ട്. കാറ്റെച്ചിൻ സാന്ദ്രതയുടെ കാര്യത്തിൽ ബ്ലാക്ക്ബെറിയാണ് ഏറ്റവും മികച്ചത്.
മാതളനാരങ്ങ...
ആന്റി വൈറൽ, ആന്റി ബാക്ടീരിയൽ ഗുണങ്ങളാൽ സമ്പന്നമാണ് മാതളനാരങ്ങ.കലോറി കുറഞ്ഞ പഴമാണ് മാതളം. ആന്റിഓക്‌സിഡന്റുകളാൽ നിറഞ്ഞിരിക്കുന്നതിനാൽ ഗ്രീൻ ടീയെക്കാൾ നന്നായി വിഷാംശം ഇല്ലാതാക്കാൻ മാതളനാരങ്ങ സഹായിക്കും. ആന്റിഓക്‌സിഡന്റ് ഫ്ലേവനോളുകൾ (മാതളനാരങ്ങയിൽ) സന്ധിവാതം പോലുള്ള കോശജ്വലന അവസ്ഥകൾക്ക് കാരണമാകുന്ന പ്രോട്ടീനുകളുടെ പ്രവർത്തനം ഗണ്യമായി കുറയ്ക്കുന്നതായി പഠനങ്ങൾ പറയുന്നു. ഈ ഘടകങ്ങൾ ശരീരഭാരം കുറയ്ക്കാൻ കൂടുതൽ സഹായിക്കുന്നു.
മുന്തിരി...
മുന്തിരിയിൽ 100 ശതമാനം ഫ്ലേവനോയ്ഡുകളും കരോട്ടിനോയിഡുകളും ഉൾപ്പെടെയുള്ള ഫൈറ്റോ ന്യൂട്രിയന്റുകളും അടങ്ങിയിട്ടുണ്ട്. മുന്തിരിപ്പഴത്തിൽ കാണപ്പെടുന്ന ഏറ്റവും സാധാരണമായ ഫ്ലേവനോയിഡാണ് 'Naringenin'. ബീറ്റാ കരോട്ടിൻ, ലൈക്കോപീൻ, ല്യൂട്ടിൻ, സിയാക്സാന്തിൻ എന്നിവയാലും സമ്പന്നമാണ് മുന്തിരി.
ആപ്പിൾ...
കാറ്റെച്ചിൻസ് പോലുള്ള ഫൈറ്റോകെമിക്കലുകളുടെ സമ്പന്നമായ ഉറവിടമാണ് ആപ്പിൾ. കാൻസർ കോശങ്ങളുടെ വളർച്ച തടയുക, എൽഡിഎൽ അല്ലെങ്കിൽ ചീത്ത കൊളസ്ട്രോൾ കുറയ്ക്കുക, പ്രമേഹ സാധ്യത കുറയ്ക്കുക തുടങ്ങിയ ആരോഗ്യ ഗുണങ്ങൾ ആപ്പിളിനുണ്ട്.
പേരയ്ക്ക...
ഗ്രീൻ ടീ പോലെ പേരയിലകളിൽ കാറ്റെച്ചിനുകളും മറ്റ് ആന്റി ബയോട്ടിക് ഗുണങ്ങളും അടങ്ങിയിട്ടുണ്ട്. വാഴപ്പഴത്തേക്കാൾ കൂടുതൽ പൊട്ടാസ്യം, നാരുകൾ നിറഞ്ഞതാണ് പേരയ്ക്ക. കൂടാതെ ലൈക്കോപീൻ അടങ്ങിയിട്ടുണ്ട്. ഇത് അൾട്രാവയലറ്റ് രശ്മികളിൽ നിന്ന് ചർമ്മത്തെ സംരക്ഷിക്കുകയും ഹൃദയധമനികളുടെ തകരാറുകൾ തടയുകയും ചെയ്യും.
തിളങ്ങുന്ന ചർമ്മം സ്വന്തമാക്കാൻ ആൽമണ്ട് ഓയിൽ ഇങ്ങനെ ഉപയോഗിക്കാം...