അഗ്നിശുദ്ധി വരുത്തി സെക്രട്ടേറിയറ്റ്; ഇനിയെല്ലാം '916 പരിശുദ്ധ'മെന്ന് ട്രോളന്മാര്‍
First Published | Aug 26, 2020, 3:30 PM ISTപ്രതിപക്ഷത്തിന്‍റെ അവിശ്വാസത്തെ ആള്‍ബലം കൊണ്ടും വാക് ചാതുരി കൊണ്ടു ഇടതുപക്ഷ സര്‍ക്കാര്‍ മറികടന്ന് മണിക്കൂറുകള്‍ ദിവസങ്ങള്‍ക്ക് വഴിമാറും മുന്നേ ഭരണസിരാ കേന്ദ്രത്തില്‍ തീ പടര്‍ന്നു. അവിശ്വാസ പ്രമേയത്തോടൊപ്പം ഉന്നയിക്കപ്പെട്ട ആരോപണങ്ങള്‍ക്ക് ഭരണപക്ഷത്ത് നിന്ന് മറുപടി ഉണ്ടായിരുന്നില്ല. ആരോപിക്കപ്പെട്ട അഴിമതികള്‍ അന്വേഷിക്കാനുള്ള ആര്‍ജവവും കാണിച്ചില്ല. ദിവസമൊന്ന് കഴിയും മുന്നേ സെക്രട്ടേറ്റില്‍ തീ പടര്‍ന്നു. ആദ്യം വെറും ഷോര്‍ട്ട് സര്‍ക്യൂട്ട് പ്രശ്നമായിരുന്നു. പിന്നെ ഇ-ഫയലുകളൊന്നും കത്തിയില്ലെന്നായി. പക്ഷേ, പിടിച്ച വള്ളികളൊക്കെ വരിഞ്ഞ് മുറുകി ശ്വാസം മുട്ടുന്ന അവസ്ഥയിലാണ് ഇന്ന് കേരളത്തിലെ ഭരണപക്ഷമെന്ന ഇടത് പക്ഷം. പക്ഷേ അപ്പോഴും ന്യായീകരണങ്ങള്‍ക്ക് മുട്ടില്ലെന്നതാണ് അവസ്ഥ. കമ്പ്യൂട്ടര്‍ വന്നപ്പോള്‍ കത്തിക്കാന്‍ മുന്നിട്ടിറങ്ങിയവരാണ് ഇന്ന് ഇ-ഫയല്‍ കത്തില്ലെന്ന് വാദിക്കുന്നതെന്ന് ട്രോളന്മാര്‍ മറക്കില്ലെന്നെങ്കിലും ഓര്‍ക്കാമായിരുന്നു. ആരോപണങ്ങള്‍ കൂമ്പാരമായപ്പോള്‍ സെക്രട്ടേറ്റ് അഗ്നിശുദ്ധി വരുത്തി 916 പരിശുദ്ധമാക്കിയതാണെന്നും ട്രോളന്മാരുടെ വ്യഖ്യാനം. കാണാം ആ അഗ്നിശുദ്ധിയുടെ ട്രോളുകള്‍.